Foto: Nëna gjakovare që ende pret 4 djemt dhe burrin e zhdukur nga kriminelët serbë.
Ilir Canhasi, Suedi
A thua në Festivalin e Birrës që do të mbahet sivjet në Korçë do të ftoni ndonjë këngëtar rus që janë vëllezërit e serbëve?!
Sa kam dëshirë ti dëgjoj ata që më kundërshtonin se politika nuk ka të bëj me kulturën.
Po sot çfarë po bën bota demokratike ndaj rusëve – ata po përjashtohen nga gjithçka që vjen nga Rusia.
Ju a përsëritëm disa herë, mosni ju lutem, se ende është herët, ende nuk kanë kërkuar falje për torturat, burgosjet, vrasjen e 12.000 civilëve, largimin e mbi 860.000 shqiptarëve nga vendi, dhunimin e mbi 20.000 grave.
Ju thashë që ende Serbia i ka topat e drejtuar nga ne, që ende nuk na ka pranuar si shtet, por ju nuk donit të dini për këto.
Ato shkrime drejtuar juve i bëja me lot, lot që më dilnin kur kujtoja 6 anëtarë të familjes sè ngushtë të vrarë dhe varrosur në varret e Serbisë duke mshefur krimin e tyre kur pas shumë viteve nga presioni ndërkombëtar na dërguan trupat e tyre për ti varrosur në vendin e tyre të lindjes- Gjakovë, duke mos e kuptuar edhe sot se pse e bëtë atë veprim të shëmtuar duke lënduar një popull të tërë.
E sa të mjerë që ishit, ju a fali se nuk e keni bërë me qëllim por nga mos dija, por injoranta mund të ju quaj shlirshëm.
Shpresoj që më në fund të keni mësuar diçka nga gjithë ajo që ndodhi. Kjo vlen edhe për ju z.Josif Papagjoni, që më pasket larguar nga miqësia.
”Historia që harrohet, rrezikon të përsëritet”
