Luan Krasniqi: Sot gjeniu i letrave shqipe, Ismail Kadare, feston ditëlindjen, i bënë 88 vjet

___

Sot gjeniu i letrave shqipe feston ditëlindjen. Ai bëhet 88 vjeç.

Përmes Kadaresë shqiptarët u njohën në botë si një popull mendjemprehtë, i guximshëm, këmbëngulës dhe fisnik. Mendimi kritik, refleksiviteti dhe humanizmi e përshkojnë veprën gjithë e tij letrare. Ai ka thënë gjëra në kohën e duhur, për të cilat të tjerët kanë heshtur. Praeceptor Albaniae, këtë titull e meriton më shumë se askush tjetër në historinë tonë. Çështjen shqiptare, Kadareja e ka mbrojtur gjithmonë si çështje fundamentale të moralit universal njerëzor. Për shkak të Kosovës jo rrallë është keqkuptuar dhe madje ndëshkuar pa të drejtë, por pa librat e tij bota vështirë se do ta kuptonte drejt dhe thellë dramën njerëzore të kësaj krahine shqiptare. Romani „Krushqit janë ngrirë“ është botuar në vitin 1982 në Paris. Në Tiranë, Kadareja shikohej vëngër për këtë libër që nuk ka humbur asgjë nga aktualiteti edhe pas pothuajse një gjysmëshekulli nga botimi i saj. „Tri këngë zie për Kosovën“, „Ra ky mort e u pamë“, „Mbi krimin në Ballkan“, „Çlirimi i Serbisë prej Kosovës“ … janë librat e tjerë që janë shkruar e botuar në momentet kyqe të historisë sonë, atëherë kur ato kërkoheshin si ide, këshillë e përkushtim për një zgjidhje humane të problemeve.

Me këta libra Kadare dhe të tjerë që nuk mund t‘i përmendim këtu, Kadareja jo vetëm na ka bërë krenarë për genin tonë, por edhe na ka trimëruar e dhënë zemër për të mos u ligështuar në momentet e vështira të luftës sonë.

Urime nga zemra Ditëlindja, Mjeshtër!