Anija Moska është flamurtarja e Rusisë në Flotën e Detit të Zi. Natën e të Enjtes së Madhe, sipas autoriteteve ukrainase, u goditë nga raketa ukrainase. Foto: Maxar Technologies, AP / NTB
Humbja e anijes Moska është një goditje e rëndë për Rusinë. Por kjo nuk e përcakton luftën, beson eksperti.
-
Lufta në UkrainëTë enjten mbrëma, një nga luftanijet më të rëndësishme të Rusisë u godit nga raketat ukrainase. Këtë e bënë të ditur autoritetet ukrainase. Guvernatori Maksym Marchenko në Odesa shkroi për sulmin në agjencinë e lajmeve Telegram. Aty ai theksoi se sulmi i kishte shkaktuar dëme shumë të rënda anijes ruse.“Rroftë Ukraina”, shtoi ai.
Sipas BBC, anija ishte afër Slangeøya në Detin e Zi kur u sulmua. Të paktën 500 ushtarë rusë thuhet se kanë qenë në bord.
Të enjten, pati raporte kontradiktore nëse anija ishte fundosur apo jo.Por të enjten mbrëma, Ministria ruse e Mbrojtjes tha se anija në të vërtetë ishte fundosur, sipas agjencisë ruse të lajmeve RIA.
Ståle Ulriksen është një lektor kolegji në Akademinë Detare.Ai është hulumtues për politikën e mbrojtjes dhe beson se kjo është një humbje shumë e madhe për Rusinë.Luftanija Moska është më e madhja dhe më e rëndësishmja në Flotën e Detit të Zi të Rusisë.– Është e vetmja anije me mbrojtje ajrore me rreze të gjatë. Kjo do të thotë që anija mund të mbrojë veten dhe anijet e tjera kundër kërcënimeve nga ajri, thotë Ulriksen. –Si mund të ndodhte kjo?– Pyes veten edhe për këtë. Anija është e ndërtuar me një mbrojtje të fortë ajrore. Ajo ka raketa me rreze të gjatë veprimi me topa të shpejtë që mund të mbrojnë anijen. -
Ishte e paqartë nëse anija është fundosur
-
Oleksij Arestovych është një këshilltar i Presidentit të Ukrainës, Volodymyr Zelenskyj. Të enjten në mëngjes, ai tregoi se anija ishte fundosur.
-
– Ku është Moska? Ajo u mbyt, shkroi ai në Twitter të enjten në mëngjes.
-
Rusia refuzoi deri të enjten mbrëma. Sidoqoftë, versioni ukrainas dhe ai rus janë të ndryshëm:
-
Ukraina pretendon se luftanija u mbyt pasi mori flakë, si pasojë e goditjes nga raketat ukrainase.
-
Ministria ruse e Mbrojtjes njoftoi se po punonin për të tërhequr anijen në portin më të afërt pas një zjarri.
-
Duhet të jetë fundosur si pasojë e motit të keq, gjatë tërheqjes. Shtetet e Bashkuara mohuan gjithashtu të enjten më herët se anija ruse ishte fundosur siç njoftoi Ukraina. Ata nuk konfirmuan as pretendimet e Ukrainës se Moska u godit nga raketa.
-
– Nuk jemi plotësisht të sigurt se çfarë ka ndodhur. Vlerësimi ynë është se ka pasur një shpërthim, të paktën një shpërthim në anije, gjithashtu mjaft i madh. Ai shkaktoi dëme të mëdha në anije. Zëdhënësi i Pentagonit John Kirby tha për CNN herët të enjten.
-
– Vlerësimi ynë është gjithashtu se anija mund të vazhdojë të funksionoj . Tani duket se ajo po shkon drejt lindjes. Ne supozojmë se do të ankorohet në Sevastopol për riparime, tha Kirby.
-
Por të enjten mbrëma, anija do të fundoset.
-
– Zhvillim dramatik
-
Fakti që anija u godit nga raketa të prodhimit ukrainas mund të jetë për shkak të një dështimi teknik, beson Ulriksen. Anija është e vjetër dhe ishte planifikuar të zëvendësohej në vitin 2025.
-
Një shpjegim tjetër mund të jetë niveli i ulët i gatishmërisë në bord. Ekspertët kanë pyetur prej kohësh nëse forcat ruse do të sulmojnë qytetin port të rëndësishëm strategjik të Odesës.
-
Në atë rast, Moska donte të mbronte mjetet e uljes që mund të nxirrnin forcat tokësore në breg. Sulmi ndaj anijes luftarake mund të nënkuptojë një zhvillim dramatik në frontin jugor në Ukrainë, thekson Ulriksen:
-
– Ukraina tani mund të tërheqë forcat e saj në Odesa më në lindje ose në jug drejt gadishullit të Krimesë.
-
Atje ata mund të rrisin presionin mbi ushtrinë ruse, thotë ai.
-
Ai beson se sulmi është një goditje serioze për Rusinë:
-
– Anija është jashtë veprimit. Kjo zvogëlon aftësinë e Rusisë për të sulmuar forcat ukrainase nga deti dhe portet.
-
Por kjo nuk do të vendosë luftën, thotë ai. Nga norvegjishtja: Gj. – B. Kabashi
