Lutfë e madhe për pushtet e bandave partiake…!

“Shkrihen” me Dude Baljen…Memli Krasniqi dhe Lumir Abdigjiku presin në rend që të flasin me Duden, e cila po kërkon “komunë boshnjake”, njejt sikurse Lista Serbe, “asociacion të komunave me shumicë serbe në Kosmet”!

Gani I. Mehmeti

Kur u bëkan të gjithë të ditur, qenka e vështirë për të qeverisur. Pikërisht për këtë, gjithherë dhe në çdo vend e institucion duhet të ketë rregull, por ai rregull duhet të jetë i qartë dhe i lehtë për ta kuptuar, pa lënë vend për dykuptimësi.

Hera e dytë që shtyhet seanca për themelimin e Kuvendit të Kosovës nga zgjedhjet e 9 shkurtit 2025. Kjo, shtyhet pa e ditur përse edhe vetë ata që po e shtyjnë.

U kërkuan dorëheqjet. A duhet të ketë dorëheqje kur janë të zgjedhur me mandat? Absolutisht, jo. Kalon mandati, aty nuk ka nevojë për dorëheqje. Ndoshta më përpara, deri sa nuk kanë shkuar deri në fund të mandatit, ka qenë nevoja për dorëheqje, që të vërtetohet se nuk po e çojnë më tutje udhëheqjen e qeverisë, dhe si ka ndryshe të kuoptohet kjo, përveç dorëheqjes, dorëzomit të detyrës, për të cilën ka qenë ngarkuar nga kuvendi kryeministri, ministrat dhe nga zgjedhësit – deputetët.

Mirëpo, logjikisht, kur legjislatura ka shkuar deri në fund të madatit të saj, disi më duket e pakuptueshme dorëheqja. Nuk ka çka të dorëhiqet kur ka ardhur deri në fund të mandatit! Mandati i merret secili pa dorëheqje, sepse i ka kaluar afati, koha.

E, a duhet të vazhdojë punën secili deri në themelimin e kuvendit, edhe këtu logjika ma thot se duhet të vazhdojë punën secili, deri sa të vijë tjetri, të cilit edhe duhet t’ia dorëzojë punën, detyrën – madje edhe duke i uruar suksese atij që vjen.

LIGJET PO SHPJEGOHEN SIPAS DËSHIRAVE TË INTERPRETUESËVE?

Me shpjegime të ndryshme nga juristët, lë vend se këtu ka mbetur vend të shpjegohet në mnyra të ndryshme edhe Kushtetuta edhe Ligjet e Kosovës. Ose, me aq sa kemi dëgjuar këto dy ditët e fundit, ndryshe është formuluar në Kushtetutë e ndryshe në ligje të Kosovës. Kështu që, në raste të ndryshme, secili e interpreton sipas asaj që e pëlqen.

Këtu fajtorë mund të dalin autorët e Kushtetutës dhe ata të ligjeve pse kanë lënë vend për interpretime të ndryhme të së drejtës.

Sipas KDI-së, mosdorëheqja formale e Kryeministrit dhe ministrave të cilët janë zgjedhur deputetë, përveçse shkelje e qartë e parimeve të ndarjes së pushteteve, po pamundëson votimin e raportit, duke cenuar drejtpërdrejt funksionalitetin institucional të Kuvendit.

“KDI rikujton se sipas legjislacionit në fuqi, anëtarët e ekzekutivit duhet të japin dorëheqje, madje qysh para certifikimit të rezultateve të zgjedhjeve. Po ashtu, edhe dispozitat kushtetuese ndalojnë ushtrimin e funksioneve të papajtueshme me mandatin e deputetit. Mosrespektimi i këtyre dispozitave nuk është çështje teknike apo e interpretimeve procedurale – por një shkelje e qartë e normave që rregullojnë ushtrimin e funksioneve publike në një rend demokratik”, thuhet në reagim.

Unë, që nuk jam jurist, nuk guxoj të ndërhyjë në këtë se kush çka ka të dejtë. Unë marrë vetëm anën logjike se, ai që e çon mandatin e tij deri në fund, ai nuk ka nevojë për dorëheqje as formale.

E, për t’ua marrë madatin atyre që u ka dalë mandati, duhet të zgjedhen organet e kuvendit, të zgjedhet kryeministri e ministrat  e rinj dhe të mëparshmit shkojnë në shtëpi, nëse ndonjëri nuk është rizgjedhur.

Formulime të këtilla të ndërlikuara e komplikuara, po shihet se janë të dëmshme, sepse secili e merr për vete atë që i pëlqen, dhe na del sikur janë dy të vërteta, ku vërtet, secilit i jipet e drejtë në veprimet e tyre. Kjo do të thotë se ndryshe është hartuar në Kushtetutë e ndryshe në interpretimin te ligjet, të paharmonizuara, çka po e dëmtojnë procesin e themelimit të Kuendit të Kosovës në këtë rast. Por, këso rastesh, ku ligjet dhe kushtetuta interpretojnë ndryshe nga njëra-tjetra, ndoshta ka edhe të tjera.
Shpeshherë ka raste kur njëri nen demnaton nenin tjetër te ligjet në Kosovë. Ajo ka mbetur në mëshirën e interpretimit të gjykatësve që t’ia japin krahun njërit dhe që ta shkelin tjetrin individ, ndoshta. Edhe kjo formë është tejet e gabuar, sepse shkaktojnë huti tek qytetarët dhe bie ligji në kundërshtim me vetveten dhe të drejtën e qytetarëve.

Më 17 prill 2025