Prof. Bajram Binaku, Pejë
Gjatë ndjekjes se shkollimit, qe nga ditët e para në bankat shkollore e tutje, mësuesit ishin të ndryshëm. Kishte mesues të mirë, qe na edukonin, se si të mësojmë, na këshillonin, se si duhet ti respektojmë prindërit, si të sillemi me shokë. Po kishte dhe mesues, qe ndaj nxënësve përdornin dhunë, nuk i edukonin e as mesonin, si parashikojnë rregullat shkollore. Ata kurrë nuk e harronin thupren, të cilën e merrnin se bashku me ditarë. Mund ta harronin lapsin, të cilin, e kërkonin nga nxënësit, për ta shenuar orën mësimore, po thupren asesi!
Këtë shembull desha ta lidhi me politikën e Kosovës. Sot me sy të mi pash një mesues të keq, qe në rastin konkret, nuk kishte nevojë ta luaj rolin e mësuesit rrebel, sepse në radhë të parë nuk është mesues po diplomat i BE-së, i caktuar si ndërmjetësues i bisedimeve Kosovë-Serbi. Ishte ky, ndërmjetësues i BE, z. Borel! Nga konferenca për gazetarë, mu duk si ata mësuesit e kqinjë, qe se bashku me ditarë marrin dhe thupren. Ai në mënyrën urdhërore e qortoj Kryeministrin e Kosovës duke i thënë.” S’jemi këtu për ti kryer punët tuaja, fokusohuni në dialogun me Serbinë”! Ky pastaj shtoj, se:”Asociacioni nuk bie ndesh me kushtetutën, sepse e kanë nënshkruar qeveritë e përparshme”.
Ky, pra tenton t’i jep ligjeratë, z. Kurti dhe ta detyron, qe ta nënshkruan një marrëveshtje, të cilën e kishte pasë nenshkrue Thaqi e Isa Mustafa, duke shkelur 23 nene të Kushtetutës se Kosovës.
Kjo me ngjanë me mashtrimin e madh rreth nënshkrimit të demarkacionit me Malin e zi, si kusht për liberalizimin e vizave, të cilin kusht, sipas krerëve të atëhershem i paska vu BE-ja Kosovës. Me vonë u pa se kjo kishte qenë farsë, si e faktorit të jashtem, poashtu edhe e elitës kosovare.
Mesuesi i keq kishte marrë parasysh metodat shantazhuese të pararendesve, të cilat kishin arritë tu futnin frigën në palcë presidentit dhe kryeministrit të atëhershëm. Ketrin Eshton dhe Federica Moderini, kishin shantazhuar Hashim Thaqin, Isa Mustafën e Avdullah Hotin, ku kishin nënshkrue dhe ishin pajtue në shumicën e pikave të cilat, i kishin ofrue në tavolinë, zonjat e cekura. Edita Tahiri, ishte vetem një kukull helmuese në këtë lojë anti kombëtare, duke na sjellur fusnotën e duke nënshkruar çdo gjë qe i servohej nga përfaqësuesi serb, Borko Stefanoviç. Këto, pra Ketri dhe Moderini, ishin përfaqësueset me të besueshme të politikës serbe dhe të Vuçiçit.
Në të gjitha takimet në Bruksel, me Vuçiçin, Thaqi dilte me një sharm artisti, pa koncept, pa fletore e laps, sikur të ishte, fitues Oskar-i dhe tu falenderonte të pranishmëve më një fjalë rasti.
Isa e Avdullahu, dilnin në takime në Bruksel, sikur studenti i pa pregatitur para profesorit në provim. Ndërsa delegacioni ynë, në një nga takimet qe ishte fotografuar në një kthinë ku mbaheshin takimet të lenin përshtypje, sikur të ishin në odën e burrave, sidomos Ramushi e Pacolli.
Mësuesja e keqe, Ketrin Eshton, kishte arritur, ta friksojë Thaqin në atë masë, sa qe nënshkrimet nuk ishin më problem, po puthjet e tyre, se si do të trajtohen në opinion.
Definitivisht Thaqi me nënshkrimin e disa marrëveshtjeve, kishte arritur deri në atë masë, sa qe psikologët dhe popullata kishin fillue ta quanin të smurë mentalisht, pra të çmendur. Çmenduria e tij, nese ka qenë i tillë apo e ka fitue gjatë procesit të dialogimit me Serbinë, kishte arritur kulmin kur ishte nënshkrua marrëveshja për asociacionin dhe kur ai deklaronte për ndarjen e Kosovës. Me kujtohet parafrazisht një deklaratë e tij ku ai shprehej:”Serbisë duhet ti kthehen tokat qe Kosovës ja kishte dhurue Rankoviqi”! Fjala ishte për veriun e Kosovës. Sot, përkundër, mësuesit të keq, qe merr thupren me ditarë, ishte një nxënës i mirë, i aftë, më shumë se mësuesi. Jo vetëm, qe nuk ju frigue, fjalëve kërcënuese, po as thupres dhe i ligjeroj atij.
Prandaj mesuesi i keq kishte marr shembullin e zonjave të kqija duke menduar se kanë përballë nxënës të këqinj, sikur Hashimi, Isa, Ramushi, Edita, Avdullahu, të cilët ishin pula, para faktorit ndërkombëtar, e shtiheshin luan në kuvendin e Kosovës.
Sot, kryeministri Kurti ishte luan në Bruksel, sikur qe është dhe në Kosovë!
