Intervistoi: Amina Nuraj, Novi Pazar (Pazar i Ri)
____
Intervistë e re me një tjetër shqiptar nga Pazarin i Ri, Mirsad Šabaredžović
____
A je Shqiptar apo Boshnjak?
Mirsad Shabarexhoviq: Unë jam Shqiptar me zemër dhe me shpirt!
Çfarë do t’u thoshit autoriteteve shqiptare në Kosovë dhe Shqipëri si shqiptar nga Sanxhaku?
Mirsad Shabarexhoviq: Meqenëse ju e bëtë një punë heroike dhe na kthyet vëmendjen e shumicës prej nesh kah në rrënjët tona të vërteta, unë do t’u thoja politikanëve që ta bëjnë një pjesë të punës tani dhe të na ndihmojnë në këtë rrugë, po nuk besoj qe mundet dikush me bo mo qysh e ke bo ti.
A dëshironi që gjuha shqipe të futet në shkollat tona në Sanxhak?
Mirsad Shabarexhoviq: Normal qe po dhe sinqerisht besoj se ti do ta bëni atë punë dhe se falë jush fëmijët tanë të ardhshëm do të mësojnë në gjuhën shqipe. Sepse ne në Sanxhak kemi një heroinë të vetme që e nisi gjithë këtë, dhe ajo je ti, sepse pa ty asgjë nga këto nuk do të kishte ndodhur.
Nga këndvështrimi juaj, si do ta komentonit situatën asimilimit që ndodhi me banorët e Sanxhakut?
Mirsad Shabarexhoviq: Asimilimi në Sanxhak ndodhi nga frika për mbijetesë, nga frika e Serbisë dhe nga mosinteresimi i Kosovës dhe Shqipërisë për ne. Nuk besoj që ka shembull përreth nesh që një shtet apo dy shtetet praktikisht të mos interesohen për pjesëtarët e popullit të vet, qysh nuk u interesuan Shqipëria e Kosova.
Vetëm ju nga familja ndiheni shqiptar apo edhe dikush tjetër nga familja juaj?
Mirsad Shabarexhoviq: Unë dhe familja ime ndihemi shqiptar e gjyshi im mbajti plisin shqiptar deri në vdekje.
Historinë e origjinës suaj e keni mësuar nga familja apo ju ka tërhequr ndërgjegja, ndjesia, gjaku shqiptar?
Mirsad Shabarexhoviq: Siç thashë, gjyshi im mbante plisin në kokë dhe gjithmonë deklarohej se është shqiptar. Unë e dija që në fillim që isha shqiptar, por nuk u interesova derisa u shfaq ti. Gjithçka nisi me pamjen tënde, sepse të gjithëve na zgjove atë dashuri dhe guxim, atë përmallim për t’u ndjerë shqiptar, ata që jemi në të vërtetë.
Çfarë e zgjon flamurin tonë shqiptar tek ju?
Mirsad Shabarexhoviq: Dashuri, krenari dhe guxim. Ndihem shumë i lumtur dhe i sigurtë me flamurin tonë të shenjt.
Dhe në fund, a do të dëshironit që Sanxhaku të rikkthehet si kulturalisht e historikisht si pjesë e kombit shqiptar, qysh ka qenë gjithmonë në histori ?
Mirsad Shabarexhoviq: Normal që po. Ne dëshirojmë që ti kemi të drejtat si të tjerët, që mos të ndihemi qytetarë të rendit të tretë në vendin tonë, por njerëz me dinjitet që na njiihen të gjitha të drejtat si të tjerëve këtu.
Shkelqyeshem….Odlicno. Bitno je da se prebrodi ili da se zauvjek rijesi kriza svjesti i mislenja tamosnjeg albanskog zivlja. Ruku ne srce, tamosni albanci imaju duboke simpatije diljem albanskog svijeta na Kosovu, Albaniji i diaspori.
Vetem perpara znj. Nura.