Ndikimi i ramazanit në shëndetin fizik e psikik
Ka disa ditë e hera apo më mirë ta them troç, prej që kemi hyrë në muajin e ramazanit apo siç disa e quajnë muaji i “shenjët” sidoqoftë se kush si e quan nuk ka fare rëndësi sepse fundja është çështje e besimit individual apo të vetsecilit, dhe se secili njeri ka të drejtë të besoj e thotë atë që e beson si më e drejta.
Ndërsa, nëse ju intereson pikëpamja ime mbi këtë çështje tregoj se për mua është muaj normal sikurse gjithë muajt e tjerë të shenjët pa dallim.
Për mua çdo moment, çdo ditë, çdo muaj e çdo vit është i shenjët!
Dhe po, siç thashë, disa TV e portale të vendit më bën ftesë për intervistë që ta jap mendimin tim në lidhje me:
“Ndikimin e ramazanit në shëndetin fizik e psikik te njeriu”
Nuk pranova të marrë pjesë askund në lidhje me temën sepse fillimisht përveçse nuk kam ndonjë interes personal ashtu edhe siç e thashë është temë me besime individuale dhe se mund të ka edhe nga ata individ që nuk e kanë parasysh as shëndetin e vet në raport me besimin fetar dhe nuk kisha dashur të hy në individualitetin e askujt siç edhe tash këtu që nuk dua të hyj.
Thjeshtë, është mendimi im dhe po e them ashtu si unë e mendoj.
Psh, njoha e njoh njerëz me sëmundje të ndryshme dhe tutje vazhdojnë agjërimin.
Sigurisht se, personalisht unë për ata që janë me sëmundje dhe marrin terapi të rregullt e shoh se është e dëmshme dhe se mund të ia përkeqësoj gjendjen e shëndetit bazuar në sëmundjet që kanë, por prapë siç e thashë është çështje besimi dhe e vlerëson secili vet për veten e vet se çfarë dëshiron të bëj.
Sa i përket shëndetit fizik mendoj se ndoshta nuk jam personi kompetent të them se si ndikon, keq apo mirë apo edhe në raport me sëmundje ose pa sëmundje por po, nga aspekti psikik e kam të drejtën e gjithë botës ta sqaroj në pika të shkurtëra.
Kujtoj se, qindra herë e kam thënë dhe vazhdoj tutje ta them se trupi e mendja janë në vijë paralele, kërkojnë përputhshmëri për një organizëm të shëndoshë.
Kështu që sipërfaqësisht mund të arrijë në njohje të pjesshme se si mund të ndikoj ramazani edhe në shëndetin fizik të njeriut.
Për shumë, ramazani shihet sikur sfidë pozitive edhe pse e vështirë por që duhet domosdoshmërisht të bëhet.
Po, edhe është realisht sfidë sepse për shumë orë duhet ndërprerë ushqyerjen, duhet ndryshuar ritmin apo vaktet e ushqyerjes, ndryshimi në sasi të ushqyerjes, ndryshimi në cilësi të ushqimeve, pastaj ndryshimet e ritmit të gjumit për ushqyerje etj.
Mirëpo a ndikojnë gjitha këto ndryshime kaq të mëdha e bazike në shëndetin e njeriut?
Përgjigjia ime është po!
Po ndikojnë përderisa prishet ritmi i nevojave më bazike kur trupi ka nevojë të marrë ushqimin.
Me një fjalë zhvillohet një luftë me organizmin duke ja mohuar nevojat bazike që trupit i duhen për kohën që ai(organizmi) ka nevojë.
Dihet se ushqimi e gjumi janë nevojat bazike ekzistenciale për njeriun dhe janë baza për shëndetin fizik dhe atë psikik.
Sado që njeriu do të vendosë me vetdëshirë agjërimin dhe me gjitha ato pritshmëritë apo benifitet që i pret si shpërblim nga të agjëruarit prapëseprapë nënkuptohet mungesë e ushqyerjes, mungesë e plotësimit të nevojave bazike për ushqim e ujë, me ç’rast te njeriu ndryshohet funksioni normal i organizmit.
Poashtu mungesa e ushqyerjes, si dhe prishja e ritmit të gjumit ndikojnë në aspektin psikik të njeriut dhe domosdoshmërisht njeriu ndeshet me ndryshime të tilla si:
• Dremitje gjithë ditës (gjendje gjumi, rraskapitje, lodhje), vështërsi në koncentrim, vështërsi në mbamendje, vështërsi në gjykime të thella, në motivim, disponim, iniciativa etj.
Më tutje është ushqyerja gjatë natës (syfyri) që sigurisht përcillet me rreziqet e veta (të fjeturit me barkun plotë, ushqimin e papërshtatshëm etj.)
03.04.2023
