Dacaj, Rozhajë
Më 26.02.2025
THEMELOHET SHOQËRIA KULTURORE ARTISTIKE “ MALËSIA E ROZHAJËS” – PËR TË GJITHË SHQIPTARËT E ROZHAJËS
Të dashur bashkëvëndas,
Ju bashkëvëndas të ndëruar të fshatrave të Malësisë së Rozhajës dhe jo vetëm në : Dacaj, Bukel i Poshtëm, Bukel i Sipërm, Husaj, Buxhov, Peshkaj, Plluncaj, Ballotiq, Kolenë e Besnik, e kudo që ju jetoni e veproni, sot dua të ndaj me ju një lajm të mirë.
Më 25 shkurt 2025 mora vendimin aq të pritur, nr. 11322 nga Ministria e Zhvillimit Rajonal dhe Bashkëpunimit me Organizatat Joqeveritare, se më sukses është regjistruar Shoqëria Kulturore Artistike ” MALËSIA E ROZHAJËS” më seli në Dacaj të Rozhajës.
Pas shumë vitesh të heshtjes dhe erresirës kulturore, më në fund, Malësia e Rozhajës do të ketë Shoqërinë Kulturore Artistike e cila ka për qëllim kultivimin, ruajtjen dhe zhvillimin e jetës kulturore folklorike e artistike të melësorëve autokton të trevës sonë. SHKA “ Malësia e Rozhajës” si trashegimtare e denjë e Shoqërisë Kulturore “Dacaj” do të jetë pararojë e vlerave kulturore e artistike si dhe prezantuese e dinjitetshme e folklorit e kostumeve dhe traditës malësore të këtyre trojeve.
Nga sot, SHKA ” Malësia e Rozhajës” do të filloj intenzivisht të bashkoj të rinjë e të reja që vullnetarisht të anëtarësohen në shoqeri dhe fillimisht të kyqen në sesionin e valleve dhe më kohë në të gjitha fushat e folklorit burimor shqiptar të Malësisë së Rozhajës.
Ftohen ish anëtarët e Shoqërisë Kulturore “ Dacaj” që më përvojën e vet të kontribuojnë tek anëtarësia e re në kultivimin e valleve tradicionela, këngëve e lojrave atoktone të kësaj krahine.
Me respekt: Ali Daci, Rozhajë
Ju faleminderit!
