Lirim Gashi, Prishtinë
Dr. Ardian Shala mund të jetë i mirë në profesionin e tij, ama doktorët e Kosovës janë dëshmuar politikisht si të paaftë në 90% të rasteve.
Përveç kësaj janë dëshmuar edhe si amatorë të paparë në aspektin organizativ.
Thjesht s’kanë ide se si funksionon në realitet jeta dhe bota.
Bali Muharremaj në anën tjetër është dëshmuar si një punëtor i palodhshëm.
Dhe jo vetëm kaq por edhe si një talent i paparë në aspektin organizativ, ani pse partia e tij për momentin s’ka konjunkturë.
Baliu në fakt nuk është një politikan tipik kosovar, që rri natë e ditë në zyrë dhe i mbanë qoket varë.
Jo, jo, ai është një menaxher shumë efektiv dhe kommunikativ, respektivisht një organizator dhe koordinator i shkëlqyeshëm i punës.
Është një kryetar që ditët dhe netët i kalon në terren jo vetëm duke inspektuar probleme, por edhe duke kërkuar dhe gjetur zgjidhje.
Prandaj Suhareka i përngjan sot jo vetëm optikisht, por edhe përmbajtësisht më shumë një qyteze dhe komune sllovene, sesa një qyteze dhe komune tipike kosovare.
Unë për vetën time përveç Baliut nuk njoh kryetar të një komune tjetër kosovare, që aq pak rri në zyre.
Ai thjesht është në kontakt të përditshëm dhe përhershëm me qytetarët e tij, prandaj kjo afërsi me ta padyshim do t’i ndihmojë atij për ta fituar garën.
Suhareka është sot deshët apo s’deshët qyteza dhe komuna më e zhvilluar dhe konsoliduar në Kosovë, edhe falë punës profesionale të Bali Muharremajt.
Sali Zyba në anën tjetër është padyshim një njeri i mirë, i ndershëm, i guximshëm dhe besnik, por fitoren në garën kundër Bali Muharremajt do ta ketë shumë të vështirë, sepse Suhareka prej se ekziston si komunë s’ka pasur kryetar me të suksesshëm se Bali Muharremaj.
Për këtë djaloshin e Pdk-së s’di ç’të them.
Për herë të parë po dëgjoj për të.
Shpresoj që është po ashtu një kandidat i mirë, ani pse partia e tij për momentin është e dobët.
Parashikimi im bazohet në fakte, pavarësisht që e kam përkrahur si rrallë kush ndryshim që ka ndodhur me 14 shkurt.
Sepse jam i bindur që e vërteta duhet të thuhet haptas dhe që askush s’duhet të tentojë as në ëndërr që ta ketë monopolin mbi të.
Duhet të përkrahën punëtorët e zellshëm dhe organizatorët, respektivisht koordinatorët e talentuar të punës, pavarësisht cilës parti i takojnë.
Sepse ne te gjithë jemi pjesëtarë të një populli numerikisht të vogël, që jeton në disa shtete të dobëta.
Prandaj bardikadimi në mendësi intrigante, inaqore, primitive, provinciale, partiake dhe klienteliste do të na përçante dhe dobësonte akoma më shumë.
Ne thjesht jo vetëm që duhet t’i gëzohemi rezultateve të më të mirëve, por duhet t’i përkrahim ata për t’u bërë akoma më të mirë.
E sidomos kur kontribuojnë për të mirën e përgjithshme.
