Ramush Haradinaj “tuj u marrë vesh për Kosovën” me Edi Ramën, kryeministrin e Shqipërisë
Sinan Kastrati, Suedi
Shitet Akademia e Shkencave e Shqipërisë
Ishalla i merr Zoti se nuk e kanë ndërmend me ikur
Babën edhe me e fal, nuk e merr askush
Sipas një tregimi popullor, djali e fut babën në thes e don ta humb sepse nuk punonte. Rrugës takohet me një kalimtar. Kalimtari kur e kupton se don me e humb babën i lutet:
-A po ma fal mue se kam me majt me thelba të arrës.
Djali e pyet babën por ai thotë:
-Vete, a mi qiron arrat …?
Është për keqardhje por e vërtetë, Akademia e Shkencav e Shqipërisë u bë sikur të ishte treg i pemëve e perimeve ku zarzavatet që nuk shitën, të nesërmen falen ose hudhën në bërllok.
Pasi e Qeveria e Edi Ramës e mbylli ”Akademinë e Studimeve Albanologjike” në krye të Akademisë iu vazhdua mandati për kryetar të akademisë politikanit minor socialist, Skënder Gjinushit.
Do të ishte mirë të dalë në shitje edhe kryetari, Skënder Gjinushi e ti marrë me vete komandantët, shumicën e politikanëve, deputetë e ministra, hoxhallarë pa e harrua dhe myftiun e Kosovës, Naim Tërnavën.
Para disa viteve pata shkruajt se Turjaka mundet pa mua por unë nuk mundem pa Turjakën. Mendoja të këthem në Turjakë e vitet e pleqërisë, si pensionist ti kaloj atje.
Nuk mund shkruaja. Nuk fleja i qetë. Nuk e gjeja frymëzimin e nuk kisha vullnet.
-Po, po mundem edhe pa Turjakën e vendosa të rrije këtu ku jam.
Ama as këtu nuk po ndihem mirë. Kur po shoh ato që po ndodhin atje poshtë, në Kosovë e në Shqipëri, nuk po mund të rrijër duarkryq duke i thyer gishtat ulur. Zgjohem vonë. Shetitjet i bëj shumë të rralla e të pakta, disa hapa larg banesës. Detin e shoh nga dritarja por nuk shetis si para pushimeve verore.
Dy librat të cilat i pata lajmërua qysh në pranverë se do ti botoj, librin për Turjakën dhe për demonstratat e vitit 1981 me disa nga personalitetet që i njoha, qe erdhi vjeshta, muaji i dytë e ende nuk i dërgova për botim në shtypshkronjë. Nuk po mund ti përfundoj.
Dhe më në fund fillova përsëri, fillova të shkruaj por jo për Turjakën as për Tiranën, si dikur. Fillova, ama. me pritesë sikur dikush të më detyronte.
Është e vështirë ti fillosh disa punë e ti mbarosh në kohë e si duhët.
Mendjen megjithate e kam atje, në Turjakë.
Kur kishin pas shkua disa mbles te Nezir Cufa, nipi i Brahim Agës të Turjakës në Prizren, kusheri i afërt me ia lyp mbesën, sipas adetit, ai në bisedë e muhabet e sipër iu thotë mësitëve, miqëve e mysafirëve:
Druni me një të rame nuk prehet dmth, ju duhët të vini edhe disa herë për iu dhânë marhamën (shaminë).Aty ish kânë Mulla Shaqa i Maralisë, dhëndërr që e kishte thirrë baca Nezir për qef me i pritur mysafirët, njeri shumë i zoti e autoritativ. Ai i thotë bacës Nezir:
-O Nezir, me kânë sakica e prehtë e druni i hollë, me ni t`ramen e parë e qet n`tokë drunin.
Hysni Gucati, kryeveterani e plaku Halil Hyseni
Javën e kaluar e pash, në foto shtëpinë e Gucatit (ish-kreu i OVL-UÇK-së. Hysni Gucati, është liruar me kusht nga Gjykata Speciale, pasi kishte kalua disa vjetë) dhe mu kujtua Halil Hyseni i Damanekit, daja i babës.
Ai ka pas rregull e salltanet në shtëpi. Kullën e ka pas të ndërtuar me gurë të gdhendur Damaneku, kulla e Hysen Sylës. Dyert i ka pasur me shul druni e dritarët me frengji me kapakë druni të bungut që pushka nuk i shponte.
Njëherë kur shkon një nip, si te daja, troket në derë ai qohet e delë dhe kur e sheh nipin, i bërtet:
-Kjo nuk është zyrë hyqymeti por odë e burrave.
Një plak mahitar, Ramë Nura kur kish pas shkua në një dasëm në Damanek, Halil Hyseni e merr me fjetur me disa dasmorë të tjerë, mysafirë te ai.
Në dasma, në vdekje (të pame) fqinjët, mahalla e katundi i merrnin mysafirët varësisht sa kishte vend me fjetur, 2, 3 e deri në 10-të sepse nuk kishte sikur sot makina por aty ku shkonin, aty edhe flenin që sot ka ndryshua me temel.
Rama Nura shkon në WC-e për nevojë. por ai u vonua shumë dhe dikush nga mashkujt i afrohet derës së nevojtores me kqyr shka u bâ e pse Rama nuk po vjen n`odë. Ai i nin hapat dhe flet:
-O shko bima (ma bjen) takamin, kutinë me duhan se Halili e paskna ma t`mirë yzerhanën se unë shpien.
Ish kolon. i PK, Rrahman Sylejmani
Shumica e drenicakëve kur e shohin shtpinë e Hysni Gucatit, dhomën e pritjës por edhe të të tjeërve, Hashimit, Haradinajve (Ramushit e Dautit), Jakup Krasniqit e … Rexhep Selimit, ku dhomat e sallonet ta kujtojnë kohën e perandorëve romakë e carëvë rusë, sulltanëve turq e mbretërve afrikanë e aziatikë, kullat me gurë e tulla të lyera me hasason, brenda të shtruara me qilima pers e skemli të mveshura me ar e argjend, lakmojnë por vetëm kaq. E një pjesë jo e vogël e popullsisë jo vetëm që nuk kanë kulm mbi kokë por ende hanë me lugë të drunjëta e në enë të balta. Jjetojnë nëpër kasolla të mbuluara me fier (lloj kashte që dikur shërbente për hasra). Ata iu shikojnë me lakmi juve, shtepitë e juaja, sefanë e sevdanë e salltanetin që keni. Ata do të dëshironin të kenë shtëpitë sa banjot, hamamat e nevojtoret tuaja me pasqyre vjerrë në muret siq i keni ju e shikoheni sa herë të hyni në WC-e.
Kurrë nuk do të döja që një shqiptar të akuzohet a dënohet për krime lufte kundër njerëzimit por ata që janë në burgun e Hagës e shumë të tjerë që janë në liri, shqiptarët në Kosovë janë të bindur se nuk janë çlirimtarë, luftëtarë të lirisë, por janë ozurpatorë, janë përfitues që thirren në vlerat e luftës së lavdishme, veteranëve të rrejshëm e mashtues dhe pa i harrua edhe kategoritë tjera, hoxhallarët. Myftiu i Kosovës, efendi Naim Tërnava u rizgjodh për herë të pestë. Një hoxhë paska thënë:
Te turbja e Sulltan Muratit, Heroit të islamistëve …!
”Veç ishalla Zoti e merr (Naimin), ndryshe ai nuk e lëshon BIK-un”.
Madje ky hoxhë e ka fajësuar edhe shtetin që nuk po e miraton ligjin për bashkësitë fetare e që kjo po lejon që BIK-u dhe të gjitha bashkësitë e tjera fetare të funksionojnë totalisht në anarki.
Ata kanë nga dy e tri banjo nëpër banesa e shtëpi, Kanë roje e rrogtarë, pastruese e … të tjera.
Madhësia, sipërfaqja në metra katrorë e banjove e nevojtoreve të komandantëve dhe myftive, është më e madhe se sa banesave të luftëtarëve, puntorëve, e shtresave të tjera të ulta.
Duke shfletua shtypin lexova se si në Zvicërr, në kantonin e Gjenevës paskan 5 kandidatë shqiptarë.
Ajo që më pëlqeu ishte një koment i një njërit me emrin Gani. Ai shkruante:
”Kur rriten zogjt e lejlekut i thonë nënës së tyre:
-Mami ta ndërrojmë vendin se e kemi flliqur shumë!
-Jo së ne ku të shkojmë e flliqim kështu.
Metush Krasniqi e Adem Demaçi
Kqyrni nëse mundeni me e flliq sikur këta parlamentartë tanë në Kosovë që e kanë flliqur parlamentin tonë”
”Zonja me kamelie”, (Alexandre Dumas, i riu), dhe gruaja me pllumba në duar
Një grua plakë por e mbajtur mirë mbante dy pëllumba në dy duart e burri plak jetim e jetik e fotografonte.
Një miku im më tregoi një foto nga fb-ku, ku shumica e promovojnë vehten duke postua (fjalë e re) foto duke u shikua në paqyrë (pa e) me rroba banjo, në pllazh e në hotele të shtrenjta.luksoze.
Anita Haradinaj
Gruaja plakë por e bukur, me trup që edhe modelet do ta lakmonin trupin e saj, afër burrit të gjorë, kishte shkruajtur 45 vjet martesë, si ”çifti i lumtur” (shën. imi)”.
Çudi, “Meryl Streep dhe Don Gummer festojnë 45 vjet martesë, aktorja tregon sekretin e një marrëdhënieje të gjatë“
Por “Çudia ndodhi! Meryl Streep u nda nga bashkëshorti pas 45 vitesh martesë…” ndërsa gruaja me pëllumba jeton ”e lumtur”.
Kjo zonjë e bukur në foto me pëllumba në duar i ngjan edhe ”Zonjës Bavari” (”Madame Bovary”, Gustave Flaubert) që në kohën kur u publikua libri, quhej edhe si libri më i mirë (sued. den mest perfekta boken.”
Foto të Meryl Strep, aktores së madhe të filmit
Kjo zonjë e bukur në foto me zogj ma kujton edhe personazhin tim, Sylën që një grua si kjo deshironte dhurata të shtrenjta, shetitje të gjata me avionë e me të dashur, të flinte në hotele me 5 yje, të hante ushqime të shishme, të pinte verë e birrë, përqafime e puthje ngjan më shumë edhe me personazhin e gruas të D. Agollit (në poezi)
”Kjo grua që bie erë çokollatë,
Me mua ra dikur në dashuri,
…
Por bashkë s’patëm fat të lidhnim jetën,
Se donte apartament të ri e telefona,
…
Por unë e di, akoma natën në ëndërr,
i shfaqem, e hap derën bojë hiri,
i shfaqem dhe i futem drejt në zemër,
Megjithëse pranë saj fle zemërmiri.
Kjo grua që bie erë çokollatë,
Që desh nga unë apartament të ri,
Tani jeton me burrin zemërbardhë,
Jeton e lumtur?
Nuk e di!”
Kadare: Rugovën e kritikova padrejtësisht
Dhe për fund edhe disa (krye(artikuj e tituj nga shtypi që më detyruan ti lexoj:
”Djali i Adem Demaçit takohet sefte me familjen e presidentit Rugova ”
“Anita i drejtohet Shqipes në BBVK: Unë jetoj me një komandant lufte, me ta luftën e ke të humbur”
Për djalin e Ademit, Shqiptarin punën për pajtimin e paska krye ”pleqnari” Adnan Merovci, ish, ish … që tash po na del edhe si këshilltar e nganjëherë edhe “mentor” i Rugovës.
Shqiptari është mirëpritur në Velani nga gruaja e presidentit Rugova, Fanë Rugova, dy djemtë e tyre, Mendimi e Uka si dhe nga vajza, Teuta.
Shyqyr o Zot se keq jemi kanë.
Për Anitën e cila jeton me komandant lufte një komentues i paska shkruajt:
”Truri: Ti jeton me një kriminel!”.
Hyp s t`vrava e zhdryp se t`vrava
Dje më thirri ish mësuesi Hysen nga Lluka e Epëme. Ai më qortoi pse nuk e kam e thirrur në telefon. Edhe vëllai i madh, Laha nga Gjakova nuk po ma hap telefonin anipse e kam thirrë disa herë.
Ish shokët e ish kolegët e punës, që dikur më thirrnin dy herë brenda javës,hanim e pinim dhe betoheshin në krye të dhelpnës, tash janë zhdukur.
Dy nga ata i takova kur ishte një mysafir nga Shqipëria e Veriut, një Nastradin Hoxhë i dytë- Ai luante rolin që as Aziz Nesin-i më mirë nuk e kishte imitua.
Një tjetër, edhe ai nga Shqipëria e Jugut para tij ishte i ftuar nderi, një grek ortodoks, Pas-kali i Milos.
Nuk shkova se me e pa mu duk sikur edhe unë pajtohem me ate e ata që i rrihnin shuplakë.
Njëri nga ish kolegët kur më pa, nuk e di a u gëzua, ai por mu afrua e më tha:
-Parja po ta thejka qafën e tjetri, më kapi për krahu e më qiti në vendin e parë, afër binës.
Jashtë binte shi e brenda ishte një atmosferë e mërsitshme. Në kohën kur duhej të fillonte ”debati; e të të luhej ”drama” nuk kishte më shumë se 10-të veta.
Të shkuara, të harruara qofshin!
Disa nga artikujt:
“Qeveria shpall mbylljen e Akademisë së Studimeve Albanologjike”
https://www.reporter.al/2023/05/31/qeveria-shpall-mbylljen-e-akademise-se-studimeve-albanologjike/
“Qeveria mbylli institucionin, Akademia e Studimeve Albanologjike: Jemi plotësisht kundër, tërësisht vendim politik”
Djali i Adem Demaçit, Shqiptari te Familja Rugova
“Mulla Osman Musliu për rizgjedhjen e Tërnavës në krye të BIK-ut: Veç ishalla Zoti e merr, ndryshe ai nuk e lëshon BIK-un”
“Historike në Zvicer, ne kantonin e Gjenevës fitojne 5 shqiptare, kandidat për deputetë në zgjedhjet parlamentare“, 02/04/2023
“Haradinaj takon Ramën: E falënderova për kujdesin e tij në këtë periudhë jo të lehtë që po kalon Kosova“
“Koloneli i policisë: Limaj më shau me nënë, Thaçi deshi ta involvojë Haradinajn në incidentin në shtëpine e tij“
“Limaj më shau me nanë e babë” – Ish-koloneli i Policisë thotë se deshën t’ia devijojnë hetimet për një incident në banesën e Thaçit”
“Hajredin Kuçi i përgjigjet ish-kolonelit të policisë i cili tha se Limaj e kishte sharë me nënë”
“Deklarata skandaloze e gazetarit Xhunga: Edhe 1 mijë Adem Jasharë po të ishin, Kosova do ishte territor i Serbisë“
“Gucati nga shtëpia e tij: Të fala keni prej të gjithëve, ata që janë në Hagë janë më të fortë se kurrë”
”Zeka: Specialja do të zbulojë fakte për ata që janë sjellur si komandantë të UÇK-së, por natën kanë veshur uniformën serbe ”
Me mikun Fazli Gajrakun, drejtor i Bibliotekës Kombëtare. Prishtinë, korrik 2023
”Metush Krasniqi për Adem Demaçin”
https://dardaniapress.com/metush-krasniqi-per-adem-demacin/
”Rrëfimi tronditës i Heroit Metush Krasniqi Për Adem Demaçin”
https://www.ballikombetar.info/rrefimi-trondites-i-heroit-metush-krasniqi/
”Djali i Adem Demaçit takohet sefte me familjen e presidentit Rugova (FOTO)”
”Akademia ka dalë në shitje!”, 12:26, 21/10/2023 Nga Luçiano Boçi
https://www.syri.net/politike/632647/akademia-ka-dale-ne-shitje/
“Shitet Akademia!”
https://www.standard.al/2023/10/21/shitet-akademia/
“Kim Mehmeti: Ne jetojmë epokën kur vlerësohen prapanica dhe gjoksi i cullakosur!”
“Shuteriqi më 1952: Për toskërishten, sepse nga jugu i kemi kuadrot e Partisë! “
https://telegrafi.com/shuteriqi-1952-per-toskerishten-sepse-nga-jugu-kemi-kuadrot-e-partise/
“Kur Drajzeri erdhi në shqip”
https://www.gazetaexpress.com/kur-drajzeri-erdhi-ne-shqip/
“Ditari i javës/ Theodore Dreiser: 1 – 7 janar 1903 “
https://www.gazetaexpress.com/ditari-i-javes-theodore-dreiser-1-7-janar-1903/
“Kadare: Gjykimet e mia për Fishtën dikur, të gabuara”
https://gazeta-shqip.com/2015/12/27/kadare-gjykimet-e-mia-per-fishten-dikur-te-gabuara/
“Kadare për Rugovën: E drejta ishte në anën e tij”
https://zeri.info/kultura/183781/kadare-per-rugoven-e-drejta-ishte-ne-anen-e-tij/
“Ismail Kadare për Rugovën: E kritikova padrejtësisht”
https://www.kultplus.com/libri/ismail-kadare-per-rugoven-e-kritikova-padrejtesisht/
“Kur Hemingway i shkruante Petro Markos”
https://www.syri.net/arte-media/605362/kur-heminguej-i-shkruante-petro-markos/
“ERNEST HEMINGUEJ – PETRO MARKOS: SHKRIMTARI, QË E DO NJERIUN DHE VDES PËR TË, SHKRUAN MIRË!”
“Si do të ishte bota nëse të gjithë do të ishin sjellë si shqiptarët?”, Fahri Xharra
”Albert Ajnshtajn, në Shqipëri? Një histori fiktive dhe e shpikur”
https://telegrafi.com/albert-ajnshtajn-ne-shqiperi-nje-histori-fiktive-dhe-e-shpikur/
“Anita i drejtohet Shqipes në BBVK: Unë jetoj me një komandant lufte, me ta luftën e ke të humbur”
(Spektakli i dytë i Big Brother VIP Kosova 2 të hënën ka pasur debate të shumta.)
“Ardit Bido prezanton librin e tij, dyshime për të dhënat e censit! Studiuesi: Vetëdeklarimi i rremë deformon etninë“
VETËDEKLARIMI I NDIKUAR NGA GREQIA
“Studimi për Censusin 2023, rreziku që i kanoset Konispolit dhe Himarës“
https://konica.al/2023/09/studimi-per-censusin-2023-rreziku-qe-i-kanoset-konispolit-dhe-himares/
“Meryl Streep dhe Don Gummer festojnë 45 vjet martesë, aktorja tregon sekretin e një marrëdhënieje të gjatë“
(Mary Louise “Meryl” Streep, lindur më 22 juni 1949 në New Jersey, amerikane. Është aktore e njohur e filmit)
“Çudia ndodhi! Meryl Streep u nda nga bashkëshorti pas 45 vitesh martesë…”
Me Nezir Cufën në Prizren
Malmö, 20, 26 tetor 2023
