Shkruan: Prof. Fadil Bytyçi, Prizren
Asociation Loyola-Gymnasium,një institucion kredibil i arsimit parauniversitar në Kosovë,vazhdon të avancon në fushen përkatëse të dijes me një përspektiven për të rinjtë e Kosovës.Ky institucion që nga themelimi, përmes punës cilësore edukativo-arsimor, krijoi mundësi për të studjuar në hapsiren gjermanofolëse të një numri të nxënësve të Kosovës. Në këtë vazhdë, sot është nënshkruar një marrveshje bashkpunimi me Universitetin e Siegen-it nga Gjermania që mundëson përfshirjen e një numri të maturantëve të këtij gjimnazi për të vazhduar studimet në këtë universitet prestigjioz.
Marrëveshja e nënshkruar ndërmjet Gjimanzit “Loyola” në Prizren dhe Universitetit Siegen në Gjermani
“Pas përfundimit të maturës, nxënësit e Gjimnazit “Loyola” në Prizren do të kenë mundësi të ndjekin studimet e tyre edhe në Universitetin Siegen në Gjermani”, bëri të ditur drejtori i gjimnazit prof. Enver Sulaj. Kjo është bërë e mundur pas nënshkrimit të një marrëveshjeje bashkëpunimi, në të cilën qartësohen procedurat dhe mundësitë që maturantët tanë do të kenë për të arritur formimin e tyre profesional në këtë universitet,shtoi ai.
Marrëveshja është nënshkruar nga rektori i Universitetit të Siegen-it, dr. Holger Burckhart, kryetari i Bordit të ALG “Loyola-Gymnasium”, dr. Matias Czech dhe drejtorit ekzekutiv të ALG-së, z. Elias Koller. Detajet e marrëveshjes janë diskutuar gjatë një vizite në shkollën tonë, më 03.06.2022, të drejtuesve të departamentit të jashtëm të Universitetit të Siegenit, z. Christian Gerhus dhe z. Phillipp Schmidt. Kjo marrëveshje përfshin sigurimin e kuotave të caktuara të vendeve të studimit në lëndët me pranim të lirë dhe të kufizuar, si dhe ndihmë të mëtejshme për maturantët e „Loyola-Gymnasium“ për të filluar studimet në Siegen.
Aktualisht në këtë universitet studiojnë 11 nxënës të ALG-së, ndërsa një numër tjetër i madh i tyre vijojnë të studiojnë në universietet tjera në Gjermani, falë përgatitjes së lartë që kanë fituar këtu, njohurive të gjermanishtes, por edhe për shkak se diploma jonë njihet në shtetet gjermanishfolëse.
