Në këtë vërehet një qen duke pshurr mbi tanket e braktisura ruse në Izium, në qarkun Kharkiv. Foto: Vladyslav Musiienko, Reuters/NTB
Hamdi Reqica, diplomat nga Prishtina
____
Putini, kur filloi luftën pushtuese në Ukrainë, ishte i magjepsur nga befasia që as vet nuk e besonte se pas Abhazisë, Osetisë Jugore dhe Krimesë, tash kishte filluar të jetësoj vizionin e tij për një Rusi edhe më të madhe, cariste, hegjemoniste!
Ushtria e tij, qysh në orët e para marshonte në të gjitha anët dhe ajo u gjend shpejt para portës së Kievit.
Por, siç ndodh shpesh, ëndrrat shndërrohen në makthe. Makth i Putinit shpejt do bëhej vullneti i çelikt i djemve dhe vajzave ukrainase që me krejt çmimin jo që po e mbronin atdheun e tyre, por edhe po e çlirojnë ngadalë atë.
Kjo e shtyri Putinin që të shkurtoj vizionin e tij nga pushtimi i tërë Ukrainës vetem në disa territore të caktuara të saja.
Për të mbuluar turpin e ushtrisë së tij dinosaure, të çakërdisur e të frikësuar, Putin ndërroi strategji dhe shpalli të pavarura regjionin e Kharsonit, Donezkut, Luhanskut dhe
Saporischschjas dhe në një ceremoni madhështore, më shumë për të mbuluar dështimet e tij, të premten e kaluar, në Sheshin e Kuq i shpalli ato pjesë të Rusisë.
I frikësuar, se edhe ky vizion i shkurtuar mund t‘i rrezikohej, nën ankth dhe nervozizëm, deklaroi kërcënueshëm, se po të sulmoheshin këto territore te reja do të konsiderohej sikur është sulmuar vet Rusia.
Dhe, sikur ndodh gjithherë, ëndrrat prishen kur zgjohesh dhe rikthehesh në botën reale, e kjo ëndërr u prish pak orë më vonë kur ushtria trime ukrainase çliroi dy vendbanime e ndër ato edhe qytetin Lyman si një vend strategjik në rajonin e Donezkut.
Kështu ngadalë por sigurt, siç po turpërohet ushtria ruse, do të përfundoj i turpëruar dhe vet Putini e që pastaj vet pushteti i tij do t‘i rrëshqas nga dora, me detyrim që tek miku i tij i idealit Kim Jongu të kërkoj strehim politik.
****
Një dhuratë tejet e veçant dhe domethënëse për ditëlindjen e Putinit!
Putin nesër, e premte më 7 tetor 2022 do të jetë 70 vjeç. 12.000 veta dhanë kontribute për «dhuratë»
Për ditëlindjen e tij Presidenti i Rusisë merr një dhuratë ditëlindjeje që ndoshta nuk e vlerëson.
“Dhurata”, e dhënë ushtrisë ukrainase, është një tank T-72. Është një version i modernizuar i një tanku të vjetër të prodhuar nga Sovjetikët.
Ministria çeke e mbrojtjes është pas fushatës, së bashku me ambasadën ukrainase në Pragë. Mbi 50,000 njerëz kanë kontribuar me para. Në total, ata kanë mbledhur mbi NOK 85 milion për armë të ndryshme.
Ambasada e Ukrainës dhe Ministria Çeke e Mbrojtjes janë prapa uebsajtit ku mund të dhuroni para.Foto: screenshot: weaponstoukraine.com
(Nga një artikull më i gjerë i Aftenposten)
