Nga: Kolonel Dilaver Goxhaj, Tiranë
Më 15 gusht 2021 lexuam në gazetën “Bota sot” thirrjen e pr. Blerim Latifi, i cili, midis të tjerave shkruan: “Duke u dhënë strehim afganëve, Shqipëria po e dëshmon edhe një herë se qëndron e lidhur fort me aleancën kundër terrorizmit dhe ideologjive që e ushqejnë atë. Në këtë rast Kosova do duhej pamëdyshje të ndiqte shembullin e Shqipërisë. Një nga amanetet e lashta të të parëve tanë ka qenë: Me marrë n’besë të pambrojturin që të troket në derë. Një amanet ky që e definon vetë kodin e humanizmit”
Po u pyes, z.Profesor: Nëse talebanët do të ishin terroristë, sikundër ju shkruani, a mundej që SHBA ta besonte tek “terroristët” dorëzimin e Afganiztanit në duart e tyre pas 18 vjet luftë, kur dimë që: mes Shteteve të Bashkuara të Amerikës dhe Grupit Militant të Talibanëve të Afganistanit më 29 shkurt 2020 , është nënshkruar Marrëveshja historike e paqes me të cilën i jepet fund luftës 18-vjeçare në Afganistan?
Së dyti, i nderuar profesor Blerim Latifi, afganët që ka pranuar z.Rama te strehohen ne Shqiperi,( pa pyetur fare as qeverinë dhe as parlamentin), dhe që ju i beni thirrje edhe z.Kurti te veproi ngjashëm, duke e vënë përballë thënies: “Amanetet e lashta të të parëve tanë ka qenë: Me marrë n’besë të pambrojturin që të troket në derë”, më duket se jeni ngutur.
Pse ua them kete gjë?
Sepse, afganët që ju propozoni të pranohen në Shqipëri dhe Kosovë, nuk janë “të pambrojtur”, pasi ata janë mbrojtur dhe mbrohen jo vetëm ngë superfuqia më e madhe e botës si nga ana ekonomike ashtu edhe ushtarake, SHBA (ndërkohë që Shqipëria dhe Kosova janë shtetet më të dobët ekonomikisht në botë), por janë mbrojtur edhe nga organizata politiko-ushtarake më e madhe e botës, NATO-ja.
Talebanët, ushtarët religjioz islamik të Afganistanit …
Së treti, afganët që ju propozoni të strehohen në Kosovë e Shqipëri nuk i ka përzënë ndonjë pushtues, që të quhen ‘të pambrojtur’, por po ikin me kërkesën e tyre, se kanë qenë kundër atyre forcave luftarake talebane afgane që e cliruan Afganistanin nga ish-Bashkimin Sovjetik dhe tash i tremben drejtësisë të popullit afgan. Nëse e kam gabim, lutem më korrigjoni.
Afganë , duke ikur nga vendi i vet …
Së katërti, ju , me sa kuptohet, hiqni paralelen me popullin shqiptar në Kosovë që e shpërnguli Serbia gjatë viteve 1998-1999, gjë që është diametralisht e kundërt me afganët që kërkojnë me këmbëngulje të ikin nga Afganistani. Thënë më ndryshe, afganët që duan strehim në Kosovë e Shqipëri janë njësoj si shqiptarët që mbështetën gjermaninë naziste gjatë Luftës së Dytë Botërore dhe që ikën bashkë me nazistët, duke iu trembur drejtësisë popullore; që do të thotë se e ndjejnë veten fajtorë. Le të rrinë atje dhe le ta bindin atë popull se nuk kanë qenë tradhëtarë të tij.
Amerika dhe bota dhanë miliarda dolarrë për ngritjen dhe forcimin e ushtrisë moderne afgane, ndërsa kjo ushtri u shemb e zhbë si “kullë prej letre” nga ushtria këmbëzbathur religjioze e Talebanëve!
Tiranë, më 15.8.2021
