Shkruan : Xhemaledin SALIHU
- Një vizite e bukur, kënaqësie, cilesie e mikpritëse
Të martën, më 9 maj 2023 me Mjeshtrin Skulptor Hivzi Nuhiun u nisëm për Gjilan, me ftesën e Piktorit Jetullah Halitit, i cili na priti te hoteli “Kristal” i Gjilanit.
Pasi pim kafen e mëngjesit dhe biseduam gjatë, Piktori na ftoi të shkojmë në drekë, te restoranti “Te Mili”. Drekuam dhe bëmë përsëri një muhabet, Piktori na ftoi në shtëpinë e tij, për ta shikuar Atelenë, e cila ishte përplotë me punime pikture dhe skulpture.
Surpriza e kësaj mikpritjeje ishte në atele, ku ndejtëm gjatë, pasi i shikuam thuajse një nga një pikturat dhe skulpturat e Piktorit Jetullah Haliti, ai na gostiti në shtëpi me raki dhe me të gjitha të mirat e shtëpisë. Ndejtëm deri vonë aty, sepse u rehatuam sikur të ishim në shtëpitë tona.
Piktori kishte bë shumë punime pikture, por edhe skulpture, prej të cilave na dha nga dy punime pickure mua dhe Mjeshtrit Hivzi Nuhiu.
Ndërsa unë, kryetar I SHTKK-së i dorëzova Piktorit dy botimet e fundit të kësaj Shoqate.
Dikur vonë, pasi Mjeshtri e kërkoi Skulptorin Avni Xh. Behlulin e Breznicës së Bujanovcit, ai na thirri që të shkojmë në shtëpinë e tij. Skulptori kishte qenë mysafir në Kalabri 10 ditë te Mjeshtri Hivzi, andaj edhe menjëherë na gostiti në atelen e tij personale.
Me të vërtetë ishte një surprizë, një kënaqësi, një cilësi e punimeve të tij të pikturës dhe skulpturës. Po ajo që na befasoi ishte edhe mikpritja, modestia e tij, sidomos radhitja e bukur e punimeve të pikturës dhe të skulpturës. Bile, bile na befasoi edhe me radhitjen e bukur të bibliotekës së tij të vogël, por të pasur.Një atele me 100 m2 frymonte pikturë dhe skulpture.Po t’ishte më e madhe sigurisht se edhe punimet do të kishin një radhitje edhe më të bukur në atele. Shumë punime të tij ishin në oborrin e tij edhe te miqësia e afërtë.
Pasi na ofroi pije, kafe e çaj pasoi edhe ofrimi për darkë. Më vonë pas një bisede të gjatë ndërmjet Mjeshtrit, Skulptorit dhe Piktorit , i dorëzova 2 botimet e fundit të SHTKK-së Skulptorit Avni Xh. Behlulit, ndërsa ai na dhuroi nga një punim picture dhe mua edhe monografinë e fshatit Breznicë.
Të falemnderit Piktor Jetullah dhe Skulptor Avni për këtë vizitë tonën me Mjeshtrin Hivzi.
Ardhshit edhe në Preshevë dhe shëndet, suksese të mëtejme në punë e të mira në jetë.
