Nxënësit e Loyola-Gymnasium solidarizohen me femijët ukrainas.
Prof. Fadil Bytyçi, Prizren
“Është e vështirë të shprehet me fjalë ndjesia aktuala e të gjithë neve,këtu,në Asociation”Loyola-Gymnasium” për popullin e në veçanti fëmijtë Ukrainës”,shprehet drejtori i këtij Gjimnazi në Prizren, prof.Enver Sulaj duke bërë të ditur nismën e aksionit vullnetar për grumbullimin e ndihmave për fëmijët ukrainas, nga nxënësit e këtij institucioni.
Tutje, prof.Sulaj u shpreh se iniciativa është mbështetur edhe nga drejtori ekzekutiv z.Elias Koller,ndërsa aksioni koordinohet me organizatën ndërkombëtare CONCORDIA e cila aktualisht është duke vepruar në shtetet fqinjë të Ukrainës në ofrimin e ndihmës për fëmijtë e strehuar në këto vende nga lufta.
Duke folur për këtë nismë, prof.Sulaj bëri të ditur se këtë aktivitet humanitar të nxënësve të kësaj shkolle e kanë mbështetur të gjithë nxënësit si dhe ka kërkuar mirkuptimin edhe të prindëve, për të treguar shpirtin solidar të fëmijëve tanë, siç u shpreh ai,duke pasur parasysh gjendjen e rëndë që po mbretëron në Ukrainë.
Nga aventi artistik i nxënësve të Loyola-Gymnasium në Prizren
“Ajo që mundë të bëjmë tani është të mbështesim njerëzit në Ukrainë,prandaj, ne fillojmë sot nismën konkrete për të mbledhur para për fëmijët dhe të rinjtë e larguar nga Ukraina, për të blerë lodra në terren dhe për të ofruar përballimin e parë të traumës dhe mbështetjen psiko-sociale me psikologë të trajnuar,”tha ai.
Duke ndjerë faktin e të përjetuarit të luftës,kudo në Kosovë,pra edhe në mesin e nxënësve të Asociation “Loyola-Gymnasium” në Prizren,po shprehet solidariteti me popullin e Ukrainës dhe kundër agresionit rus që po tronditë secilën mendje racionale në botë. Përmes organiizimeve të eventeve të ndryshme,nxënësit tanë, shpreht drejtori i këtij gjimnazi, po manifestojmë kundërshtimin tonë ndaj kësaj të keqe që po i kanoset lirisë dhe demokracisë glabole.
Asociation “Loyola-Gymnasium” është një OJQ e themeluar në viti 2005, nga njerëz të vullnetit të mirë nga Gjermania e cila ka brenda vetes tri institucione arsimore,Shkolla fillore “Loyola”, Gjimnazi dhe Shkolla e Lartë Profesionale “Loyola professional” me mbi 1000 nxënës.
