Msc Muhamet Shabani
Kur trupat franceze depërtuan në trojet shqiptare, në përfundim të Luftës së Parë Botërore,shqiptarët ishin të gatshëm për rezistencë duke pasur frikë se ata do t’i ktheheshin Serbisë!Shqiptarët u qetësuan nga francezët,duke deklaruar se ushtritë franceze, do të merrnin pjesë vetëm në ndjekjen e ushtrisë austro-hungareze,ndërsa çështja e organizimit të pushtetit,si kurorëzim i luftës për çlirim,mbetej çështje e shqiptarëve. Këto ishin deklarata të kamufluara,sepse pas tyre vinte ushtria serbe dhe vendoste pushtetin.Pra Franca ia dorëzoi Kosovën dhe treva të tjera shqiptare Komandës supreme të ushtrisë serbe. Ishte gjenerali francez Franchet d’Esperey që bëri këtë tradhti. Ky gjeneral ra dakord që serbët të pushtonin një “vijë strategjike”duke hyrë thellë kufirit shqiptar të 1913.
Vija strategjike përfshinte 25% të territorit të shtetit shqiptar në të cilën jetonin 150.000 mijë shqiptarë!
Është interesant deklarata e bërë nga përfaqësuesi jugosllav Jovanoviç,në Asamblen e Lidhjes së Popujve,më 25 qershor 1921; “Vijën strategjike jugosllave” e përshkruan si kufi,dhe rrjedhimisht,i konsideron banorët e territorit shqiptar nën pushtimin e tyre si nënshtetas jugosllav dhe në se merrnin armët konsideroheshin si rebelë!
Oficeri tjetër francez koloneli Jacque Hogard,ishte komandant i forcave speciale franceze,të cilat kishin hyrë në Kosovë me forcat e NATO-s në qershor të vitit 1999.
Ky oficer francez ka pranuar se ishin trupat franceze ato që e ndanë Mitrovicën në vitin 1999!
Ky oficer ka dhënë një intervistë në revistën serbe “Nedelnjik”,i cili do të mbahet mend si oficer francez që ka krijuar VIJËN NDARËSE mbi lumin Ibër në Mitrovicë!
Është dekoruar nga Kisha Ortodokse Serbe me Dekoratën “Sveti Sava”.
Ndaj kësaj deklarate,institucionet shtetërore të Republikës së Kosovës kanë qenë inekzistente.
Nuk reagoi Presidentja e shtetit,kryeministri,ministri i Jashtëm e as Kryeprokurori…!
Pasojat e ndarjes janë tragjike për shqiptarët!
Mitrovica e veriut u spastru me dhunë nga Serbia duke masakruar dhe dëbuar mbi 1.500 familje shqiptare,të cilat në Shtetin e Kosovës jetojn si refugjatë !
Ende asnjë qeveri nuk bëri as gjë për t’i kthyer në shtëpit e tyre.
Serbia vazhdon e papenguar në KOLONIZIMIN E KOSOVËS, sikurse në kohën e Nikola Pashiçit…!
