Paska vdekur Ali Lajçi, udhëheqësi popullor i kryengritjes studentore të vitit 1981. Pavarësisht se të tjerët thirreshin në organizimin politik të kryengritjes studentore, Lajçi ishte njeriu që i tërhoqi studentët në kryengritjen e asaj kohe, për shkak se ishte një figurë karizmatike që shihej me respekt dhe pranim ndër studentët.
Ai me guximin dhe natyrshmërinë e tij , e pati nxitë fillimin e kryengritjes së 11 Marsit 1981.
Ai ishte një figurë tejet popullore e atdhetarisë shqiptare.
Në këtë foto me Ali Lajçin jam une, Bajram Kabashi, pasi kisha shkuar ta shihja e intervistoja në Malaj të Rugovës, në korrik të vitit 1991, posa ishte liruar prej burgut të rëndë të Serbisë.
Foton na e pati bërë kolegu im Hajdar Mekaj dhe intervistën me të e botova në revisten Zeri, pasi paraprakisht isha marrë vesh me Blerim Shalën, editorin e saj.
Ali Lajçi ka qenë gjatë gjithë paraluftës dhe pas saj, aktivist i njohur politik në Pejë e Prishtinë.
Një kohë ishte edhe deputet në Kuvendin e Kosovës dhe kryetar i Komunës së Pejës.
***
Me dhembje të thellë mësuam lajmin e ndarjes nga jeta të Ali Lajçit. Ai ishte një figurë e rëndësishme në historinë e Kosovës, një figurë e shquar në rrugën për lirinë dhe pavarësinë e vendit të tij.
Ali Lajçi ishte një zë i fortë dhe i vendosur për të mbrojtur interesat e Kosovës. Angazhimi i tij për të mbrojtur territorin dhe sovranitetin e vendit prej Demarkacionit të Murat Mehës ishte i shquar dhe i pamohueshëm. Ai ngriti zërin dhe u bë zëdhënësi i popullit, duke paraqitur argumente të forta kundër kësaj marrëveshje të dëmshme për vendin tonë.
Kontributi i tij si kryetar i Komunës së Pejës dhe deputet i Kuvendit të Kosovës do të kujtohet gjithmonë.
Ngushëllime për familjen e tij dhe të gjithë ata që e njohën dhe e respektuan.
Qofsh i qetë në paqe, Ali Lajçi!
Ali Lajçi
Në Malaj të Rugovës në fillim të korrikut 1991, une, Bajram Kabashi, me Ali Lajçin që vdiq sot…
__
Foto: Hajdar Mekaj
Shpirti yt , Ali Lajçi , u prehtë në paqen e përjetshme!
Më dhembje të thellë në shpirt, mësova lajmin për ndarjen fizike të Ali Lajçit, nga populli të cilit i fali ditët më të mira të jetës.
Bashkë me ngushëllimin për familjen dhe miqtë e tij të shumtë, urojë nga zemra – Qoftë i përhershëm kujtimi për këtë birë besnik të popullit që e lindi!
Per Demonstratat e ’81 nuk mund te thuhet se ka qene kryengritje. Ato ishin demonstrata te studenteve qe ne menyre sontane filluan ne mensen e studenteve ku u kerkuan kushte me te mira e shpejt u perhapen ne gjithe Kosoven dhe u bene mbare popullore ku, perveç kerkekes se studenteve per kushte me ta mira, u shprehen edhe pakenaqesi te tjera sepse shqiptaret nuk ishin te barabarte me popujt e tjere ne Jugosllavi.
Ndonje studen qe ishte guximtar dhe elokuent ka dale dhe ka fole para studenteve te tjere, gje qe ne ate kohe nuk ishte aspak e lehte, por gjithaçka ishte spontane. Edhe une isha student ne ate kohe dhe aq sa di une nuk kishte organizator. Me vone eshte diskutuar gjate nder studente se a kishte organizator, por asnjeri nuk ka ofruar deshmi per ndokend qe do te mund te kishte qene organizatori.
Lavdi e përjetshme!