Prof. Fadil Maloku, sociolog nga Prishtina
Në vitin 2013 (si ish anëtarë i KQZ-s)pas deklaratave publike se nuk do të pranoj heqjen e logos së Republikës nga fletëvotimet për zgjedhjet e ardhshme lokale, ku Serbia e kushtëzonte pjesëmarrjen e serbëve lokal vetëm me simbole serbe, ish Presidentja e “zarfit” më SHKARKOJ nga posti….
Une vërtetë humba postin por, ruajta dinjitetin tim personal dhe ate të shtetit që e përfaqësoja dhe nuk PRANOVA që serbët lokal të garojnë me simbole të Serbisë në zgjedhjet në Kosovë.
Sot dëgjova vendimin e KQZ-s, për mos regjistrimin e Lista”Srpska” në zgjedhjet e 9 shkurtit. Dhe thënë të drejtën, po mendoja; sikur në vitin 2013 të mos pranohej pjesëmarrja e serbëve lokal me simbole té Serbisë (pa logon e shtetit të Kosovës), ashtu siç insistoja unë atëbotë kategorisht(!), me siguri në vend të Lista “Srpska” do kishim një përfaqësim shumë më lojal të serbëve në Kosovë, e jo një “kalë Troje” që e konteston që s’e njeh e s’e pranon Kosovën si shtet!?
P.S.
“Thembër e Akilit” te KQZ-ja, ishte, është dhe do mbetet deri te një reformë e re zgjedhore, akti dhe fakti i përfaqësimi politik (në vend atij administrativ) të anëtarëve të saj. Një tjetër dobësi që shihet si thot populli “prej helikopteri” në KQZ, është edhe përfaqésimi asimetrik i minoriteteve (paramendone; me 40% përfaqësohen!?) që gjithnjë manipulohen nga partia që merr pushtetin…
Do jeni dëshmitarë i presionit të paparë (ja sonte Ambasada Amerikane veç u pronononcua..) mbi anëtarët e KQZ-s për ta rikthyer Lista “Srpska” né Parlamentin e Kosovës… Qofsha i gabuar! Por, përvoja ime e hidhur ma dëshmon këte…
