Prof. Bajram Binaku, Pejë
Degradim
Mbrëmje, pak para mesnate, seq po mendoja për fatin e popullit tim. Më sillen mendsh këshillat e pleqëve. Na thoshin “mësoni, se vetem shkolla na qet në dritë” Pas renies se Rankoviqit, kishin pas thënë çetnikët: “Shqiptarëve ju morem pushkët e ju dhamë topat”! Në vitet e shtatëdhjeta, në një ligjeratë, në fakultetin filozofik, Fadil Hoxha na kishte thënë:”Kosova pret prej juve, çka kemi dijtë ne, pa shkollë, hapni sytë e shkollohuni”! Mes viteve të 70-80, u ndërtua pallati gjigant i rinisë, Bibloteka kombëtare e shumë vepra, qe janë akoma madhështore!
Po tani ku jemi?
Çka po ndërtojmë, qe tu lamë trashigimi brezave? Kemi ndërtuar karaktere tjera me vlera tjera. Ku na treti idealizmi i luftës, ku na mbeten ëndrrat e lirisë? Liri nuk është vetem të ngopësh stomakun, të argëtohesh ku të duash, të kesh shtëpi publike e jetë të shfrenuar. Liria ka obligime! Don disciplinë, rregull, rend e ligj. Mbi të gjitha don përgjegjësi për vendin qe të lindi, për shtetin qe na ka dhuruar qendresa dhe lufta shekullore. Jam shumë i trishtuar kur përcjell lajmet, kur shiqoj televizionet e lexoj portalet. Asgjë nuk shkon në drejtim të formimit të një vetëdije të shëndoshë kombëtare. Është devijuar karakteri, qellimi e misioni ynë karshi atdheut. Është bërë atëdheu arkë me plot ari e stoli dhe sejcili qe qohet i pari kqyrë se si ti grabitë stolitë dhe ta shkatrrojë. Atëdheu është drita, është shkëlqimi është fëmija dhe e ardhmja. Pa atdhe, nuk ka kuptim as familja, as fëmijët e as nipërit. Me vite të tera është punar, vepruar e përpjekur në çkombëtarizimin e shqiptarëve. Nuk do të flas fare për armiqë, sepse qellimi i tyre është i njohur. Dua të ceki veprimet tona qe kontribuan në eliminimin e ndjenjave kombëtare e ngritjen e atyre fetare.
Pa pikë dyshimi BIK-u i Kosovës është në sherbim të armiqëve dhe qëllim kryesor ka shuarjen e kombit shqiptarë. Po të mos ishte kështu, hoxhollarët nuk do të thoshin, Skenderbeu qafir, Nënë Teresa shejtane, flamuri kuq e zi haram, shqiponja haram! Po të mos ishte kështu nuk do të ndërtonin xhami osmane, orientale në çdo fshat e lagje të Kosovës. Po, pesha e se keqes nuk bie vetem mbi hoxhollarë, po edhe mbi elitën politike shqiptare. Në një shtet laik, siq jemi ne, Kosova, feja është e ndarë nga shteti, po i nënshtrohet ligjeve të shtetit.
Tek ne fyhet shteti, fyhet kombi e dalin në sipërfaqe kopukët, të shiturit e tradhëtarët e askush nuk përgjigjet. Aq larg shkohet e askush nuk reagon, kur vëhët në dyshim edhe prejardhja e shqiptarëve, figurave historike e dokumentet arkeologjike. Ishin politikanët ata, qe u dhanë fuqi klerikëve për ta degradue këtë popull deri në përmasat e të qenurit një rob i xhamisë, frikës e bestytnive të huaja. Ishin politikanët, të cilët për festa nguteshin të zgjoheshin sa ma herët, tu uronin festat hoxhollarëve, armiqëve të kombit. Ishin politikanët, qe organizonin iftare nëpër rrugë e merrnin pjesë në to. U dukej mallni të dilnin në televizor krah kryehoxhës e imamëve tjerë. Ishin kryetarë komunash e drejtorë drejtorishë, qe u dhanë troje pa pagesë shoqatave të huaja për investime xhamishë në Kosovë.
Kanë lejuar falje të namazëve nëpër rrugët publike, lejojnë thirrjen e ezanit në kupë të qiellit, duke shqetësuar gjithë banorët e lagjës. Kemi edhe një kryetar të Komunës se Prishtinës, me të cilin mburret LDK,-ja, qe dha lejen e ndërtimit të një xhamie gjigante të cilen nuk e ndesh as ne Stamboll.
“T’i jepësh dorën, ta kërkon edhe krahun”, kështu thotë një fjalë popullore. Tani kërkojnë në emër të lirive themelore edhe bartjen e shamisë nëpër shkolla! Të gjitha këto angazhime të armiqëve të kombit, deri me tani janë realizuar me përpikëmeri.
Pritet të realizohet edhe kerkesa e fundit, pra kjo e shamisë. Pasi qe deri me tani, asnjë parti, as një politikan, e shoqatë nuk po reagon për këto dukuri shtet shkatrruese, duhet, qe populli ta mbronë dinjitetin e vet!
