- Policia e Republikës së Kosovës, në Zubin Potok gjen uniforma, municion dhe pajisje tjera ushtarake
Mitrovicë Veri, 20 nëntor 2024
Me datën 20.11.2024 rreth orës 12:00 njësia e Drejtorisë për Hetimin e Trafikimit të Narkotikeve – Mitrovicë Veri në koordinim me njësitë policore Mitrovicë Veri me autorizim të Prokurorit nga Prokuroria Themelore Mitrovicë në fshatin Drobnjak Komuna Zubin Potok ka kërkuar të dyshuarin me iniciale ( S.M.) si person në kërkim në lidhje me rastin e laboratorit të drogës në fshatin Qukiq të Zubin Potokut i cili rast ishte hetuar në vitin 2018.
I dyshuari nuk është gjetur në lokacionin ku dyshohej se mund të jetë, mirëpo në pronën e tij gjegjësisht në mal në një vend të mbuluara me dhe janë gjetur uniforma dhe pajisje tjera ushtarake.
Në vendin e ngjarjes është thirrë njësia e specializuar respektivisht njësia për trajtimin e mjeteve eksplozive, ku gjatë kontrollit edhe në 3 (tri) vende tjera të groposura janë gjetur dhe sekuestruar pajisje të ngjashme.
Dëshmitë të cilat janë gjetur dhe janë marrë nga Policia janë:
– Uniformë ushtarake
– Pjesë të pushkëve të gjata
– Jelek taktik
– Gas maska
– Një tytë e pistoletës,
– Një palë pranga dhe
– 1471 fishekë të kalibrave të ndryshëm
Policia e Kosovës mbetet e përkushtuar që të ofroj shërbim ndaj qytetarëve në gjithë territorin e vendit pa dallim.
***
Gazetari Unitet Berisha ka shpalosur detaje rreth aksionit të Policisë së Kosovës në Zubin Potok, në afërsi të pikëkalimit kufitar të Bërnjakut.
Berisha ka deklaruar se Policia e Kosovës ka kryer një aksion për gjetjen e armatimit në afërsi të pikës kufitare në Bërnjak, por që zëvendësdrejtori për Mitrovicën Veriore, Veton Elshani nuk ka shpalosur detaje për rezultatet e këtij aksioni.
“Gjendemi në Komunën e Zubin potokut, dhe jo shumë larg pikës kufitare të Bërnjakut. Policia e Kosovës ka kryer aksion policor, që qëllimi ka qenë gjetja e armatimit. Aksioni policor është kryer.
