ARKIVI:
15 Mars 2025

Presidentja Osmani takoi ministrin e Jashtëm të Gjermanisë, z. Heiko Maas

Shkrime relevante

Banorët e Gazës mund të zhvendosen në Sudan, Somali dhe Somaliland

Palestinians inspect the damage following an Israeli airstrike on the El-Remal...

Festa Dita e Verës një pasuri e kulturës shqiptare si brenda dhe jashtë atdheut

Nga: Nexhmije Mehmetaj Historinë e Ditës së Verës thuajse të gjithë e...

“Analisti” Dibran Hoxha nga Suhareka, nuk e njihka Izraelin si shtet…!

Afrim Caka, Gjakovë ANALISTI AMORF I VËRSULET KOMBIT IZRAELIT …. Dibran Hoxha nga...

“Misteri” i shqipfolësve…!

Afrim Caka, Gjakovë “Zonjat ose çapaçulat, Bernard Nikaj dhe Petrit Selimojca të...

Shpërndaj

Berlin, 15 shtator 2021 – Presidentja e Republikës së Kosovës, Vjosa Osmani në kuadër të vizitës zyrtare, ka takuar ministrin e Jashtëm të Gjermanisë, Heiko Maas.
Marrëdhëniet ndërmjet të dy vendeve, Presidentja Osmani i ka vlerësuar të shkëlqyeshme dhe ka thënë se Kosova mbetet e përkushtuar për thellimin e mëtejmë të tyre. Ajo ka përmendur synimin e Kosovës për anëtarësim në disa organizata ndërkombëtare, ndaj ka kërkuar mbështetjen gjermane.

“Republika e Kosovës mbetet e përkushtuar për t’u bërë pjesë e BE-së, OKB-së, por edhe e shumë organizatave ndërkombëtare. Shpresoj që Gjermania  të marrë në konsideratë rolin udhëheqës në mbështetjen tonë për të arritur këtë qëllim”, ka thënë Presidentja Osmani në takim me ministrin Maas.

Në takim është biseduar edhe për procesin e dialogut me Serbinë. Presidentja Osmani edhe në këtë takim e ka potencuar se rezultati përfundimtar i negociatave duhet të jetë njohja reciproke dhe ruajtja e rregullimit aktual kushtetues në Kosovë, sikurse edhe e kufijve të tashëm. Sipas saj, Kosova është palë konstruktive në këtë proces.
Në këtë kontekst, ka theksuar se perspektiva e Kosovës është në BE dhe se Procesi i Berlinit është  shtysë e fuqishme për perspektivën evropiane të Ballkanit Perëndimor, duke përjashtuar çdo ide tjetër që synon të jetë paralele me zgjerimin e BE -së dhe më këtë proces.


Presidentja Osmani në takim me ministrin Mass ka potencuar se e mirëpret përfundimin e shpejtë të marrëveshjes dypalëshe për njohjen e patentshoferëve të Kosovës.


Ndërkaq sa i përket bashkëpunimit ekonomik, Presidentja Osmani ka  përmendur marrëveshjen për transportin e mallrave, heqjen e taksimit të dyfishtë midis dy vendeve, si dhe organizimin e një forumi të përbashkët investimesh.

K O M E N T E

SHKRUAJ NJË KOMENT

Ju lutem, shkruaj komentin tuaj!
Ju lutem, shkruaj emrin tuaj këtu