iCHAT për një vit me kompaninë “Maximus team” regjisorin dhe profesorin Universitar të njohur Blerdi Malushi ka marr pamje të vendeve më të bukura në Kosovë dhe do të përcillen me mesazhe nga vet të rinjtë e Izraelit që kanë dhënë nga Kosova për Kosovën disa video-mesazhe shumë pozitive për Republikën e Kosovës si vend me orientim perëndimor, demokraci të zhvilluar, me diversitet të pasur kulturor dhe tolerancë ndëretnike që do të publikohen nga iCHAT në ditët në vijim në Izrael dhe Kosovë për Promovimin e Republikës së Kosovës me vendet e pasura për turizëm dhe bukuri të shumta natyrore.
Gjithashtu në kuadër të vizitës së Delegacionit nga Izraeli në Republikën e Kosovës ne kemi realizuar edhe disa vizita si : në Ministrinë e Zhvillimit Rajonal, kemi takuar Ministrin z. Fikrim Damka dhe kabinetin e tijë, dhe në Ministrinë e Punëve të Jashtme dhe Diasporës kemi takuar Ministren znj. Donka Gervalla- Shchfarz, Sekretarin e Ministriesë z.Behar Isma dhe Drejtorin e Akademisë Diplomatike z. Beqir Ismaili.
Pra pas punëtorisë PRI-MUN2023 të rinjët nga Izraeli dhe Kosova vizituan Ministrinë e Zhvillimit Rajonal. Delegacionin nga Izraeli e priti Ministri i Ministrisë së Zhvillimit Rajonal z. Fikrim Damka me kabinetin e tijë në Ministrinë e Zhvillimit Rajonal.
Ministri i MZHR-së njoftoi të rinjët nga Izraeli për punën dhe përkushtimin e Ministrisë së Zhvillimit Rajonal, në zhvillimin socio-ekonomik rajonal të balancuar, investimet në fushën e ndërmarrësisë me përkrahjen e bizneseve për zgjerimin e bizneseve dhe për shërbime përmes skemave mbështetëse nga MZHR si dhe mbështetje me start up për ndërmarrësit e rinjë. Të cilat po ndikojnë drejtpërdrejt në fuqizimin dhe zhvillimin ekonomik të vendit.
Ministrja e MPJD-së znj. Donka Gervalla- Shchfarz zhvilloi debat me të rinjët nga Izraeli për angazhimin e MPJD-së, politikën e jashtme dhe aktivitetet e vazhdueshme në kuadër të MPJD-së.
Përderisa, të rinjët nga Izraeli njoftuan Ministrin e MZHR-së z. Fikrim Damka dhe Ministren e MPJD-së znj. Donka Gervalla- Shchfarz, që organizata “Debate For Peace” nga viti 2016 ka bashkëpunim me iCHAT dhe organizojmë “Model United Nation Kosova” dhe sjellim student nga Izraeli dhe të rinjë nga vende të ndryshme të botës në Kosovë. Por gjithashtu ne po punojmë që edhe në konferenca dhe aktivitete të organizates “Debate For peace” në Izrael por dhe për studime, delegacioni nga Izraeli u zotuan që janë të interesuar të angazhojnë të rinjë nga Kosova në Izrael .
Pra ky takim ka inkurajuar edhe më shumë bashkëpunimin ndërmjet vendeve dhe shkëmbimin e praktikave për të arritur qëllime të përbashkëta dhe lobim për të vënë në pah rolin e rinisë në ndërtimin e një paqe të qëndrueshme në proceset me karakter ndërkombëtar të Kosovës.
z. Besmir Kokollari Drejtor Ekzekutiv i iCHAT falenderoi ministren e MPJD-së dhe ministrin e MZHR-së për pritjen e delegacionit dhe theksoi që pa dyshim kjo punëtori/workshop PRI-MUN2023 ka kontribuar edhe në komponenten për shkëmbime rinore – youth exchange në nivel vendor, rajonal dhe ndërkombëtar e cila do të ndikon në nxitjen e të rinjëve tanë për angazhim në komunitet, përfshirje në jetën publike, rrjetëzime, ngritje të kapaciteteve dhe aftësim në identifikimin e sfidave dhe problematikave me të cilat ballafaqohen të rinjët, ofrimin e mundësive për dialog dhe debat pozitiv në lidhje me marrëdhëniet ndërkombëtare, dhe diplomacinë. Dhe ftoi Ministren e MPJD-së dhe Ministrin e MZHR-së për pjesëmarrje në edicionin e katërt të Kosova International Model United Nations 2023 që do të mbahet në dhjetor.
Gjithashtu ky takim do të kontribuoj në promovimin e Republikës së Kosoves tek profesorët, studentët dhe nxënësit e Izraelit pjesëmarrës në këtë vizitë. Gjithashtu u ndanë përvoja dhe njohuri të ndryshme në fusha të ndryshme, si politika e jashtme, ekonomia – zhvillimi ekonomik rajonal i balancuar , inovacioni, arsimi, dhe kultura e veqanërisht promovimi i shtetësisë së Kosovës dhe vlerave kulturore që posedojmë.
Modeli Kombeve të Bashkuara është organizuar për herë të parë nga studentët e Universitetit të Harvardit- SHBA, ndërsa në Kosovë për herë të parë është organizuar nga iCHAT- Kosovo International Model United Nations, në hapësirat e Kuvendit të Republikës së Kosovës, Universitetit të Prishtinës “Hasan Prishtina”, Fakultetit Filozofik dhe Kolegjit AAB. Dhe ka vazhduar me tre edicione në bashkëpunim me organizaten nga Izraeli Debate for peace.
Përderisa më dt. 25.07.2023 në punëtorinë PRI-MUN2023 kanë marrë pjesë z. Besmir Kokollari- Drejtori Ekzekutiv i iCHAT, Steven Aiello- Drejtori Ekzekutiv i organizates nga Izraeli “Debate for Peace”, z. Xhevat Bajrami Drejtori i Departamentit të Rinisë në Ministrinë e Kulturës Rinisë dhe Sportit, të rinjë nga Izraeli dhe të rinjë nga Kosova. Drejtori i Departamentit të Rinisë theksoi: “ Shkëmbimet Rinore janë të mirëseardhura për ne sepse i kontribuon shkëmbimit të ideve të të rinjëve në mes vete si dhe ndërtimin e urave të miqësisë mes të rinjëve të të dyja vendeve tona”.
iCHAT njofton se së shpejti bëhet edhe hapja e thirrjes publike për pjesmarrës në Model United Nations Kosova 2023.
