Florim Zeqa
Mbajtja peng e liberalizimit të vizave për shtetasit kosovar dhe kushtëzimet e njëpasnjëshme nga ana e bashkësisë ndërkombëtare, BE-së në veçanti, janë të ndërlidhura drejtëpërdrejt me dialogun Kosovë-Serbi dhe të ndikuara skajshmërisht nga kjo e fundit! Mirëpo këtë të vërtetë nuk e kanë thënë liderët paraprak shtetërorë dhe nuk po e thonë as këta aktual!
Arsyeja pse nuk e thonë, është mungesa e guximit dhe shantazhi politik
Shqiptarët e Kosovës, pro-evropianët më të mëdhenj padrejtësisht po penalizohen nga bashkësia ndërkombëtare për hatër të Serbisë! Nuk është pengesë përkatësia fetare e shqiptarëve dhe as mospërmbushja e kritereve siq trumbetohet nga qarqe të ndryshme në opinionin publik, por aleancat politike të qendrave të vendosjes që dëgjojnë rekomandimet e Serbisë për kushtëzime të pafundme ndaj Kosovës, derisa kosovarëve të mos u mbetet rrugë tjetër, pos lëshimi pe në komopromisin e dhimbshëm politik për dhënjen e territoreve shtetit serb.
Dhënja e 8200 hektarëve tokë Malit të Zi në këmbim të liberalizimit të premtuar të vizave ishte gabimi më i madh dhe më fatal i politikës kosovare, të cilët për pak pushtet u falen territore fqinjëve (maqedonisë dhe Malit të Zi) me të cilët nuk ishim në konflikt (luftë) siq ishim dhe jemi me Serbinë.
Arsyeja pse liderët aktualë shtetëror nuk e thonë të vërtetën e hidhur të mosliberalizimit të vizave, duhet trajtuar si mungesë guximi dhe shantazhi politik, ashtu siq duhet trajtuar dështimin e liderëve paraprak shtetëror që e pranuan terminologjinë e gabuar “Dita e Paqes” në vend të ditës së çlirimit!
“Dita e Paqes” mes dy palëve në konflit nuk e nënkupton zgjidhjen e përhershme, por armëpushimin mes palëve, i cili mund të eskalojë në luftë të re në çdo moment!
Prezenca 23 vjeçare e forcave paqeruajtëse ndërkombëtare është treguesi më i mirë i cili e vërteton konstatimin e sipërcekur.
Çfarë ndodhi pas (vet) mashtrimit?
Përveq humbjes së mbi 12 hektarëve tokë, Kosovës ju shtua akoma më shumë rreziku i tkurrjes shumëfish më të madhe në veri të vendit, i cili nga paslufta është jashtë kontrollit të plotë shtetëror.
Sikurse që ikën territoret, ikën nga pushteti edhe ata që dhuruan territore, por shqiptarët e Kosovës mbeten “dele e zezë” në mes të Ballkanit të izoluar dhe getoizuar sikur të ishin jashtëtokësorë e jo si njëri nga popujt më të vjetër të civilizimit evropian.
Shqiptarët gjithnjë e më tepër me (pa) vetëdije po largohen nga traditat, kultura dhe zakonet autoktone, duke u mishëruar me tradita dhe kultura të degjeneruara. Si pasojë e nivelit të ulët edukativo arsimor dhe shkallës së lartë të zhvillimit tenkologjik, shumë të rinjë(a) kanë devijuar të ardhmen e shëndoshë, duke u marr me aktivitete dhe veprimtari që e dëmtojnë shëndetin dhe rrënojnë të ardhmen e tyre, siq janë përdorimi i substancave narkotike dhe degradimi moral i shprehur në formën më të keqe me lakuriqllëk dhe shfrenim seksual.
Nxënësit e shkollave të mesme dhe studentët në vend të dijes dhe librave pajisen me armë dhe lënd narkotike!
Udhërrëfyesi i ri shtetë, prolongim i getoizimit të shqiptarëve të Kosovës
Paralajmërimi i një udhërrëfyes të ri shtesë për liberalizimin e vizave për Kosovën, nga komisionari i BE-së për Fqinjësi dhe Zgjerim, Oliver Verhelyi, në debatin që është zhvilluar javën e kaluar në Parlamentin Evropian është lajmi më i keq i mundshëm për Kosovën.
Udhërrëfyesi i ri për liberalizim të vizave ndaj Kosovës, është një ndihmesë shtesë ndaj Serbisë dhe një grusht i rëndë ndaj Kosovës.
Pas këtij paralajmërimi nga komisionari i BE-së, politkanët kosovar duhet t’i lënë anash dallimet partiake dhe pikëpamjet ideologjike në kundërshtim të kësaj ideje qëllimkeqe ndaj shtetit të Kosovës.
Ky është momenti më sprovues për unitetin veprues dhe kundërshtues nga i gjithë spektri politik i Kosovës pa dallim pozitë dhe opozitë, për të dalur me kërkesa për liberalizim të mënjehershëm të vizave për qytetarët, në të kundërtën, duhet t’u përgjigjemi me bojkot përfaqësive diplomatike në vendin tonë.
Nëse nuk mund të bëjmë asgjë tjetër, të paktën, të mos bëhemi puthador i atyre që haptas po e mbështesin Serbinë në aspiratat e saj hegjemoniste dhe po na mbajnë të ngujuar si zogjët në kafaz! Duam liri të plotë, jo të pjesshme dhe as selektive!
