Nga: Paul Tedeschini
Populli thotë nji fjalë të urtë: “Demi nuk kapet per bishtit, por kapet prej kreje” , dhe un sot du me e kapë demin per krejet.
Rreth kësaj pytje që shtrova un në titull, lindin vetvetiu disa pytje:
1)A nuk e dinte Enver Hoxha me enveristat e tjere kryesisht toskë, se mbas Shpalljes së Pamvarsisë ne vitin 1912 nga pushtuesi shumëshekullor i Kalifatit Islamik turk-osman, sallvt serbo-malazez kan qenë anmiqt ma të terbuem per shqiptart e kryesisht të Veriut (Gegët) kndej e andej kufinit, të cilët kan qenë në ball të luftes me ta në mbrojtjen e trojeve shqiptare nga sllavt?
Masakra e Tivarit …
2)Me qenëse Kosova nuk perfshihej ne Shtetin Shqiptar, pse gjinokastritit Enver Hoxha me enveristat kan qu në Kosovë brigatat shqiptare komuniste per të mashtru shqiptart e Kosoves me besë dhe i kan dorzu me trathëti rreth 4000 (katermijë) djelmoçat kosovar kriminelve vrasës serbo-malazezo-maqedonas tue e dijtë fort mirë e çka do ti gjente?
3)Dhe ma e keqja e të kqijave: Pse gjinokatriti Enver Hoxha me enveristat e tij kontribuene, që masakra e shqiptarve të pa armatosun të Kosoves, të cilët iu dorëzuen me besë partizanve shqiptar, të bahej në vitin 1945 në token shqiptare, bile pa asnji shkak dhe pa gjygj fare?
Po të kishin ba gjatë luftes ndonji krim këto djelmoça shqiptar të Kosoves, këto duhej të gjykoheshin në Kosovë si pjesë e Jugosllavisë e jo te masakroheshin pa gjygj në token amë shqiptare, që nuk ka pasë asnji kompetencë juridike mbi qytetart e Jugosllavisë. KRIM I MADH. TURP I MADH, të cilin komunistat shqiptar nga turpi e kan mbajtë të fshehun gjatë kohes që ishin në pushtet.
Por kjo TRATHȄTI KOMBȄTARE e Enver Hoxhes dhe e gjithë enveristave i ka rrajët qyshë nga viti 1941, shumë ma perpara vitit 1945, kur jugosllavt themeluen partinë komuniste shqiptare, në kry të së ciles jugosllavt vendosen veglen e tyne Enver Hoxhen, të mbashtetun fuqimisht nga misart e Titos kriminelt serb Miladin Popoviçi dhe Dushan Mugosha.
Edhe mbas vitit 1948 Enver Hoxha, i mbështetun kryesisht nga tosko-komunistat, ka mbajtë të njajtin qendrim anmiqësor ndaj kosovarve. Kur kosovart u arratisëshin nga Jugosllavia në Shqipni, Enver Hoxha ua dorëzonte jugosllavëve këto azilkerkues politik shqiptar të Kosoves ose ai vetë i futëte në burgjet e veta të tmershme prej ku disa nuk delshin ma.
Ky qendrim antishqiptar i Enver Hoxhes dhe besnikve të tij kryesisht nga Tosknia, asht njilloj trathëti sikur gegët të bashkëpunojshin me grekt kundra Tosknisë per të marrë pushtetin në Tiranë me ndihmen e grekve.
Asht shumë e kjartë se pse e bani këtë marrëveshtje Enver Hoxha me sllavin Tito: Enver Hoxha me enveristat e vet, shumica nga Tosknia, kishin per synim të merrshin pushtetin në Tiranë. Po të ishte bashku Kosova me Shqipninë, atëherë do të formohej nji Gegni ma e madhe se Tosknia dhe Enver Hoxha me enveristët do të mbetshin në minorancë dhe nuk do ta kishin marrë pushtetin në Tiranë. Pra ky nuk ishte nji qendrim parimor atdhetar, si done me na e mbushë menden këto, por ishte nji LUFTȄ PER PUSHTET. Siç thotë populli: “Nuk asht punë dinit, por asht punë mullinit” .
Edhe Shqipninë Veriore Enver Hoxha e ka dhunu dhe e ka diskriminu. Gegët e Shqinisë nuk ishin pothuej se kerkund të perfaqësuem në pushtetin qendror dhe ishin gjithkund në minorancë kudo në organet e pushtetit, krejtë njisoj si ju kosovart nen Titon.
Jeta mjerisht e vertetoi se Enver Hoxha mori pushtetin ne Tiranë me mbështetjen e jugosllavëve, të cilve u sherbeu besnikrisht deri në vitin 1948 kur Tito i prishi marrëdhanjet me Stalinin.
Nga viti 1945 e deri në qershor të vitet 1948 në Shqipni bahej çka urdhërone ambasada jugosllave, me gjygje, me vrasje, me shfarosje pa gjygje, me trotura çnjerzore të kundraligjëshme, me kampe perqendrimi, me grabitje pasurishë, që dergoheshin në Jugosllavi, e me shumë krime të tjera që tashma njifen nga të gjithë.
Në drejtim të partisë komuniste shqiptare, në kryeministri e në të gjitha ministritë janë vendose shumica nga Tosknia, kryesisht në ministrinë e mbrendëshme, në ministrinë e mbrojtjes dhe në të gjitha ministrinat e tjetra. Edhe në drejtimin e të gjitha degve të mbrendshme të qyteteve janë vendosë drejtues kryesisht toskë. Elementi gegë mbeti plotësisht nën hije, nen frigen e akuzave të ndryshme me të cilat mund të eleminoheshin fizikisht bashkë me familje. Në pjesen Veriore të Shqipnisë brigada e kriminelit mallakastriot Mehmet Shehu, ekzekutuesi i pamshirshem i urdhnave të Enver Hoxhes, ka ba namin mbi shumë familje të pafajshme gege në qytete në malci e në katund, të cilat u derguen në kampin çnjerzor të Tepelenes e në kampet e Lushnjes në Tosknì si vende të sigurta per diktaturen toskokomuniste.
Me ligjin famëkeq të “pasaportizimit” , iu ndalu gegve të trasferoheshin në qytete gege Tiranë e Durrës në nji kohe që këto qytete u mbushen plot e perplot me toskë të sjellun nga malet e fushat e Tosknisë poshtë lumit Shkumbin dhe iu dhanë atyne detyra të randësishme deri edhe në institucionet e arsimit ku Universiteti i Tiranës u mbush me profesora toskë. Gegnia u la në mbrapambetje ekonomike dhe kulturore. Edhe sot e kësaj dite vazhdon pak a shumë e njajta politikë nga socialistat e Edi Rames.
Ma vonë këto kriminelat komunist filluen e me ia hanger koken edhe njeni tjetrit. Ma shumë komunista ka vrà Enver Hoxha se sa fashistat italian dhe gjerman së bashku. Këto janë fara ma e ndytë e shoqnisë shqiptare, sepse per pushtet e per pasunim vrasin e trathtojnë kedo edhe shokët e vet, se per shqiptarizem këto as e vejnë fare ujin në zjerm.
Sot pasardhesi i dejë i diktatorit Enver Hoxha, kryeministri totalitar Edi Rama, i biri i enveristit fanatik Kristaq Ramës nipit të antarit të byrosë politike komuniste Spiro Kolekes nga Vunoi i ekstremit jugor të Tosknisë, ndjek të njajtin qendrim antishqiptar ndaj Kosoves si baballart e tij, pamvarsisht se kush qeverisë në Kosovë. Kjo asht pà haptas qyshe edhe nga qendrimi anmiqësor me të cilin Edi Rama priti Presidenten e nderueme të Kosoves Zojen Vijosa Osmanin, të cilen as si gru nuk e pat nderu. Edi Rama, ky njeri i paedukatë dhe pak serioz, per mos me u shpreh ndryshe, lidhet ma kollaj me serbët, armiq shekullor të gegve, sesa me kosovart.
