Lirim Gashi, Prishtinë
Kur në një shoqëri njerëzore mbretëron injoranca, pandjesia, paftytyrësia, inferioriteti, grykësia, dinakëria, lakmia, primitivizmi dhe edukata e dhunshme, atëherë nuk mund të ketë as elitë të mirëfilltë intelektuale në politikë, arsim, shkencë edukatë dhe kulturë, respektivisht nuk mund të ketë elitë të vërtetë, por vetëm individë narcisë, psikopatik, sadistë dhe gjysmë analfabet që shtiren dhe shiten si intelektualë.
Sepse pikërisht këto fytyra (surrate) publike e përfaqësojnë dhe pasqyrojnë vlerën tonë të përgjithshme si shoqëri dhe popull.
Sepse pikërisht kjo vlerë na atestohet neve individualisht dhe kolektivisht nga popujt e civilizuar dhe shtetet e përparuara, pavarësisht se a e meritojmë a jo.
Sepse ne jemi ata që ua atestojmë pseudo intelektualëve në politikë, shkencë, arsim dhe kulturë dijen e paqenë duke u dhënë diploma dhe tituj të pamerituar akademik dhe shkencor.
Sepse ne jemi ata që i delegojmë dhe që u japim legjitimitet përmes votës dhe legalitet përmes legjislativit.
Ose edhe më saktë këta individë që shfaqen rregullisht në media për të plasuar idiotizëm me tonelata janë maskota jonë e shëmtuar olimpike.
Në anën tjetër punimet e tyre të kopjuara dhe falsifikuara shkencore dhe diplomat e tyre të trafikuara, në këtë rast janë vula të budallakies në vend se vula të dijes.
Dhe jo vetëm kaq, por janë vula të budallakies që i kthejnë shkollat dhe univerzitet prej tempujve të dijes, edukatës dhe kulturës, në tempuj të injorancës paedukatës dhe pakulturës.
Në fakt diplomat e trafikuara janë çelësat që ua hapin këtyre njerëzve të pavlefshëm dyert e zullumit.
Që ua hapin dyert e zullumit këtyre gjallesave të kompleksuara, injorante, hipokrite, parazitare, lakmitare, grykëse, gllabëruese dhe dashakeqe.
Dhe jo vetëm kaq, por janë çelësat që ua hapin këtyre gjallesave pa kurriz jo vetëm dyert e zullumit, dhunes, krimit, plaçkës, eksploatimit dhe mashtrimit, por edhe dyert e celebrimit të atdhedashurisë së rreme.
Sepse këta njerëz individin e rëndomtë e trajtojnë si dele, ndërsa shoqërinë dhe popullin si tufat e tyre.
Në fakt realiteti është edhe më i keq se kaq ; këta (pa) njerëz s’mund të krahasohen as me barinjtë më të këqij.
Dhe a dini pse s’mund të krahasohen?
Sepse edhe barinjtë më të këqij nuk i lënë delet e tyre pa ushqim, ani pse disa ekzemplarë i humbin rrugës për në kullosa, nga pakujdesia dhe dembelia.
Mirëpo së paku i dërgojnë deri te kullosat dhe ato pastaj vetë e gjejnë ushqimin, duke mos ia varur fort veshin barinjve të hutuar me lojen pipidak dhe pilifunc, sepse uria i detyron delet të bëhen të gjindshme dhe të pavarura.
Në anën tjetër barinjtë që po na përfaqësojnë dhe udhëheqin neve në politikë, arsim, shkencë dhe kulturë jo vetëm që s’po na dërgojnë deri te kullosat, por po na mbajnë të burgosur në karantinën e spitalit më të madh të Evropës, që është njëkohësisht edhe laboratori i saj më i madh politik.
Sepse politikanët dhe pseudo intelektualet tanë na kanë shndërruar në pacova, prandaj po eksperimenton me neve kush po do, kur po do, si po do dhe sa po do.
Në fakt akoma më keq se kaq ; ata na kanë mbyllur 20 vjet rresht në zorrën e trashë të Evropës.
Sepse shtetin e tyre privat që do të duhej të ishte edhe i yni, e kanë shndërruar në zorrë të trashë të Evropës.
Sepse pseudo elita jonë intelektuale është një tufë e përbërë prej parazitëve gllabërues që ushqehen nga bythet e politikajve kriminal dhe tradhtar.
Ndërkaq parazitët që s’kanë identitet, kredibilitet, personalitet, dinjitet, moral, edukatë dhe kulturë jo vetëm që nuk e monitorojnë si duhet punën e politikanëve në pushtet dhe opozitë, por bëhen zëdhënëse dhe përkrahës të krimeve të tyre shumëdimensionale.
Prandaj politikën tonë e dominojnë të pa penguar prej askujt, kriminelët, udbashët, ekstremistët fetarë, komplotistët dhe tradhtarët gjysmë analfabet, të cilëve pseudo intelektualet e lartpërshkruar ua shesin shpirtin për pak lekë.
Dhe meqenëse është kështu atëherë është detyrë e shenjtë e secilit prej nesh që t’ia kthejmë shpinën jo vetëm politikanëve kriminel e tradhtar dhe mediave të tyre gebellsiane, por sidomos pseudo elitës intelektuale dhe shoqërisë shterpe civile.
Sepse bëhet fjalë për shoqata (tufa) dhe banda parazitare të cilat gllabërojnë shuma të paimagjinueshme lekësh nga fondet e ndryshme, jo vetëm pa e bërë asnjë punë të mbarë, por duke bere shumë punë të pista, të këqija dhe të dëmshme.
Sepse këto institucione nuk kanë sot vlerë as sa një prezervativ, prandaj duhet të pastrohen nga llumi ose të zëvendësohen me institucione të vërteta dhe të menaxhuara prej njerëzve kredibil.
