Respekti ndaj punës profesionale dhe çdo pune tjetër
Punët profesionale sikurse çdo punë tjetër mund të janë të ndryshme, mirëpo esenca është që ta mbulosh një profesion denjësisht, mendoj që qëndron në brendësinë e njeriut, mbi aftësinë për ta zotruar në çfarëdo rrethanë e mundshme.
Dmth, nënkupton më shumë se sa brenda orëve të përcaktuara dhe pritshmërive shpërblyese.
Po, ka nga disa profesione të atilla që psh, nuk pyesin nëse është ditë pushimi, nëse është herët apo vonë, nëse ke plane për shëtitje e qejfe tuajat, nëse ke nevojë për pushim etj.
Me ç’rast po lidhem me profesionin tim që është një i këtillë, dmth, i paplanifikuar i paparashikuar, i pa organizuar, por sidoqoftë unë e dua e respektoj dhe e bëj me knaqësi brenda çdo rrethane qoftë.
Shpeshë më ndodhë të mbesë deri në orë të vona apo të zgjohem mengjese të hershme për klientë por asnjëherë nuk e vëjë në dilemë që koha ose momenti të janë arsye që të më pengojnë ta bëj punën time në mënyrën më të mirë të mundshme.
E gjitha kjo arrihet sepse punën e dua e vlerësoj e respektoj po aq sa kush drejtohet në adresën time për t’ i shërbyer nga profesioni im, për ta ndihmuar, kuptohet atëherë kur vërtetë e vlerësoj se duhet ta ndihmoj (përjashtimisht rasteve kur e dalloj se po keqpërdoret ajo që po jap nga vetja ime profesionale.
Puna për mua është e shenjët sepse e konsideroj ndër komponentët kyç mbi mirëmbajtjen e mirëqënies dhe shëndetit të njeriut.
Puna shëron njeriun nga aspekti psikologjik dhe ai fizik.
Andaj, ta duash dhe respektosh punën nënkupton të jesh gati në çdo kohë e rrethanë nga gjitha aspektet për ta zotruar nisur nga dëshira, disponimi, motivimi, përkushtimi, serioziteti, të shprehurit (kujdesi në të shprehur) qëndrimet e deri te paraqitja fizike.
06.04.2023
