Ushtaret rus duke e nderuar flamurin e Kosovës
Nga: Fahri Xharra, Gjakovë
“Marko Gjuriq-i, shef i zyrës për Kosovën në Qeverinë e Serbisë, i ka përmendur dy asete të Kosovës- Ujmanin dhe Trafostacionin në Valaç, në debatin e brendshëm politik rreth vendimit të Rrjetit Europian të Operatorëve të Sistemit të Transmisionit të Energjisë (ENTSO –E) për t’ia njohur Kosovës kufinjët energjetik. Me 20 Prill, në ENTSO-E është votuar marrëveshjen e re e Kyçjes së KOSTT-i dhe ENTSO –E. Përmes kësaj marrëveshje është arritur pavarësia energjetike, pasi tashmë Kosovës ju kanë njohur kufinjët energjetik.Gjuriq ka thënë se vendimi i ENTSO-E ishte një “betejë”, por ai ka thënë se Serbia do t’i arrijë qëllimet e veta në Kosovë.- shkruan Marcel Leka
Serbia po harron që përveç kufijve gjeografik dhe politik janë njohur edhe kufijtë e saj energjetik ( Nuk e kuptoj pse kaq vonë ! ) dhe faktikisht ata duhen në shohin flamurin e Kosovës i cili jo pa qëllim valon me hartën gjeografike dhe politike të saj dhe të binden që Kosova është shtet i pavarur dhe i njohur botërisht . Prandaj, boll mo ! Europa ende shpreson që Serbia do i harron ëndrrat e saja pro ruse, dhe duke investuar në
Serbi dhe shpesh duke ia vurë shqelmin Kosovës, mendon që atë ta bën pro-europiane. Kjo kurrë nuk do të ndodhë. T ia rikujtoj Europës dhe disa shqiptarëve që Austro-Hungaria e bëri shtet , ia krijoi uniformën ushtarake të cilën nuk e kishte kurrë, ajo ia dha edhe kapuçin nacional “ shajkaqen”, sepse nuk ishin asgjë që të shihen si komb, i mësoj shkrim lexim, i shkolloi, iu dha shtypshkronja, derdhen miliona në flori më mëkëmbjen e saj, por Serbia mbeti e tillë e pabesë dhe në fund u bë shkaktare për shkatërrimin e Perandorisë së saj duke ia vrarë edhe Perandorin Franc Ferdinandin në Sarajevë me 24 Qershor 1014. Ja pabesia e saj ! Kush mendon për miqësi me serbët e ka të kotë , ata janë të pa besë dhe grabitqarë . Zotit Vuçiq duhet t`ia rikujtojmë që nëse edhe ai fshatari shqiptar , i cili jeton rreth termocentraleve të Kosovës e thithë dhe helmohet nga tymi dhe pluhuri i qymyrit e paguan rrymën e hargjuar, atëherë pse serbët në Veri që kanë vrarë e prerë në luftë e fundit mos të e paguajnë ? Kaluan njëzet vjet që Kosovës i ka kushtuar mbi 400 milion euro, serbët i ngrohin edhe shtallat e lopëve me rrymë dhe ende nuk e paguajnë . Kjo nuk ka logjikë as ekonomike e as “bashkëjeteseje.”. Në aksionin e fundit të Policisë së Kosovës në Veri, qëllimi i së cilit ishte vetëm ndërprerja e kontrabandës së mallrave nga Serbia në Kosovë, Ti Zoti Vuçiq e alarmove botën , pa e treguar të vërtetën por duke manipuluar me aksionin . Ti , Vuçiq në Pozharvc deklarove :” “Ata do të kërkojnë arsye për tarifimin e energjisë elektrike në veri. Ata do të përpiqen ta përdorin atë në një moment për të arritur disa qëllime të tjera politike që nuk kanë të bëjnë me energjinë”. Mos i shtrembëro gjërat !
Prandaj. si duket i erdhi fundi: çka është e Kosovës , është Kosovës !
Përshëndetje nga Gjakova. Fahri Xharra, 07.11.2021
