Shkrim për ata me tru të peshkut.
Sot paska vdekur, Koloneli i zi i shërbimeve sekrete greke apo Kali i Trojës së ekspansionizmit grek!
Anastas Janullatos (greqisht: ‘Αναστάσιος Γιαννουλάτος’ Anastásios Giannoulátos; lindi më 4 nëntor të vitit 1929 në Pire, Greqi), është, nga viti 1992, kryepeshkopi i Kishës Ortodokse Autoqefale të Shqipërisë. I lindur grek, më 22 dhjetor 2017, presidenti Ilir Meta i dha shtetësinë shqiptare. Emri i Janullatosit është i lidhur me rilindjen e ortodoksisë lindore në Shqipëri, mbasi praktikimi i fesë nuk ishte i lejuar me ligj në vitet 1967-1991.
Po, atë që Noli ynë i madh e shkëputi njëherë e përgjithmonë kishën ortodokse shqiptare nga Patrikana greke, shqiptarët e shitur e ngritën në krye të Kishës Ortodokse Autoqefale Shqiptare, po kishte edhe protesta, me siguri keni parë një video amatore në kohën kur ka ardhur në krye të Kishës Ortodokse shqiptare kur shqiptarët protestojnë brenda në kishë duke i thënë: Jashtë Anullatosi, Jashtë Anullatosi, dhe më vonë këndojnë: Për Mëmëdhenë, për Mëmëdhenë.
Dhembja është edhe më e madhe kur disa shqiptarë, qeveritarë, kryministra që i puthnin dorën Janullatosit, si shembulli i ish kryetarit të Shqipërisë kur i jep shtetësinë shqiptare, një njeriu që kurrë nuk i ka njohur masakrat ndaj vëllezërve dhe motrave çame, njeriut që mbronte gjeneralin famëkeq Zerva.
Diku e lexova se në vitin 1999 kur në Shqipëri mbërritën mijëra refugjatë nga Kosova, Kisha Ortodokse paska ndihmuar dhe strehuar 33 mijë refugjatë. E tërë kjo me ndihmën e Janullatos!
Çfarë propagande e vjetër, si more nuk u mësuat nga politikat e tyre qëllimkeqe, politika këto të vjetra gati një shekull të armiqëve ndaj nesh, ku në njërën anë na ledhatojnë e me tjetrën na ngulfatin.
Kësaj i thotë ndihmë Pandeli Majko (shkrimi i tij: Çdokujt gjyqin ja bën zoti… por ky i “pashpirti” në 1999 më ka ndihmuar për mbi 30 mijë shqiptarë të Kosovës! Dhe për këtë jam unë dëshmitar!).
Po z. Majko, ju lutem më tregoni ju të vetmin reagim të priftit Janullatos ndaj krimeve serbe ndaj shqiptarëve gjatë dhe pas luftës , më gjeni një!
Kuptoje z Majko dhe të gjithë ju që keni tru peshku, se puna e tij ishte që në emër të fesë ortodokse të asimilojë Shqipërinë e Jugut pra Korçën, Himarën, Delvinën, Përmetin etj.
Pse ju nuk i besoni më shumë , atyre që vetëm flasin shqip, që luten shqip, që bëjnë kryq në shqip, siç bëjnë kryepeshkopi i kishës së Elbasanit, At Marku, i cili e quajti Janullatosin, pushtues të kishës ortodokse shqiptare, apo Kryepeshkopin Aleksandres nga Argjentina, i cili ka po të njëjta mendime si At Marku.
Po prifti Janullatos ishte distancuar nga ligji i luftës që ishte vendosur nga Parlamenti grek me numër 2636 të vitit 1940 dhe ligji me numër 4560 i vitit 1966 për Vorio Epirin?
Jo, kurrë se bëri atë, përkundrazi ai foli për Himarën që shteti shqiptar ende nuk ju ka kthyer pasuritë minoritetit grek. Po për pasuritë çame ka folur ndonjëherë? Jo kurrë!
Dhe poshtërsia më e madhe vjen kur në vitin 2000 me propozimin e 33 akademikëve nga Akademia e Athinës dhe e shumë PERSONALITETEVE të SHQIPËRISË, Janullatosin e kandiduan për çmimin Nobel për paqe.
Anastasios Janullatos, tashmë i ndjerë, pushtuesi i KOASH-it të Fan Stilian Nolit
Në fund shpresoje thellë që kurrë më të mos kemi një armik të popullit shqiptar në krye të Kishës Ortodokse Shqiptare, Shqipria ende ka burra të mëdhenjë siç kishte Nolin, Papa Kristo Negovanin, Petro Nini Laurasin, Pandeli Sotirin etj.
”Shqiptari është i gatshëm t’i ndezë një qiri Djallit, sapo zhgënjehet me zotin”!
Fan Noli
