Shkrimtari e historiani nga Prishtina, Jusuf Buxhovi
___
Këtë foto ma dërgoj sot kolegu im Jusuf Buxhovi, shkrimtari dhe historiani ynë i njohur.
Ai në mesenger më kishte shkruar këto fjalë:
“Shkrim i Bild-it të sotëm, rreth ndeshjes Alva Berlin – Partizan Beograd. Thuhet se referët nuk guxuan ta ndërprejnë ndeshjen, ngaqë organet e rendit (policia gjermane) kishte frikë nga reagimi i një mijë tifozëve serb në kryeqytetin gjerman!”
Shrimtari dhe historiani ynë i njohur, pastaj më kishte th¨në:
“Nacionalistët serbë pushtojnë Berlinin, ndërsa patriotat tanë nëpër iftariada!”
“Iftar” publik në Gori Mahalla të Mitrovicës, i organizyuar nga “policia e moralit islamik” në vitin 2022, që shteti i Kosovës ende s’po do ta kuptoj se kush qëndron pas organizimeve të tilla, ku shfaqet publikisht njëfar krenarie islame, mu në qytetin e ndarë padrejtëisht që nga paslufta.
*
Shumë e vërtetë, madje tepër e hidhur kjo që e thekson shkrimtari dhe historiani ynë i njohur… Pastaj po kërkojmë të na respektoj e nderoj bota, kur nuk e respektojmë e nderojmë historinë, kulturën dhe as traditat tona.
“Iftariadat” që me të drejtë i përmend Jusuf Buxhovi, po bëhen nën mbikqyrjen e “udhëheqjes sonë të shtetit”, që me heshtjen ndaj dukurisë së tillë aq të theksuar të islamit politike, po lejojnë të shkaktohen dëme të pa riparueshme kombëtare. Nuk ka qenë kurrë në traditën shqiptare që të organizohen parada të tilla me ceremoni fetare.
Shteti duhet të dijë se kush i organizon ceremonitë e tilla dhe kush qenka ai që paguan për shtrimin e “iftariadave” të tilla politike. Udhëheqjen partiake e shtetërore kudo ku jetojnë shqiptarët në Gadishullin Ilirik (Ballkan) , duhet ë jenë në dijeni të plotë të organizatorëve dhe ndaj tyre të ndërmirren masa konformë ligjit. Se as Shqipëria, as Kosova e as Maqedonia Veriore, nuk mund të jenë shtete ku do të lejohet teokracia dhe zëvendësimi i kushtetutave laike me “ligjin sharia”.
Ne jemi vetëm shqiptarë, islami politik nuk do të mund të dominojë e udhëheq kurrë ndër vendet shqiptare. Askush nuk ka të drejtë e nuk duhet lejuar që për hirë të votave të mjera elektorale, mund t’i lejohet ta shndërroj popullin Shqiptar në “Umet Musliman”, ashtu qysh kanë dashur e duan gjithnjë në histori Turqia, Serbia dhe Rusia.
Nacionalistët serbë organizohen për “Kosovën e tyre” edhe në Gjermani, e nacionalistët “tonë” panislamik për hirë të miletit-umetit të “profetit”, duan ta kallin shqiptarinë në vendin tonë.
Ne që ndihemi vetëm Shqiptarë domosdo do të fitojmë, por na kanë nxjerrë punë të madhe me pushtimin e brendshëm islamik, që për fat të keq po e përkrahin edhe disa “udhëheqës të shtetit”.
