Marthe S. Lien
Japonia kërkon që Rusia të kërkoj falje pasi një diplomat japonez u kap dhe u trajtua në një mënyrë që japonezët thonë se është “e pabesueshme”.
Autoritetet ruse e kanë akuzuar diplomatin për spiunazh dhe e kanë shpallur atë “persona non grata” (të padëshirueshëm).
Japonia e mohon pretendimin. Sipas një zëdhënësi, diplomatit iu mbyllën sytë, ndërsa të dy duart dhe koka u shtypën në mënyrë që ai të mos lëvizte gjatë arrestimit.
“Pastaj ai u mor në pyetje në një mënyrë shumë të pakëndshme,” tha zëdhënësi i qeverisë japoneze Hirokazu Matsno.
“Japonia po proteston me forcë kundër këtyre akteve të pabesueshme,” shtoi ai.
Diplomati është liruar tani dhe është caktuar të largohet nga Rusia të mërkurën, sipas Matsinos.
Në Tokio, ambasadori i Rusisë është thirrur në bisedë. Atij po i kërkohet një falje zyrtare për atë që autoritetet japoneze besojnë se është një shkelje e Konventës së Vjenës mbi Marrëdhëniet Diplomatike.
Rusia e konsideron Japoninë një shtet armiqësor si rezultat i mbështetjes së saj për sanksionet perëndimore kundër Rusisë pas luftës në Ukrainë.
(NTB)
[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
