Synimet e pandalshme për ta asimiluar kombin shqiptar në pjesë të “umet mysliman”, më të zeza se preokupimet me terroristët shqipfolës islamik

Gjergj Kabashi

___

Gazetarët e Kosovës ende nuk kanë arritur ta kuptojnë se me lejimin e islamizimit antishqiptar dhe përmes investimeve të pandalshme të Turqisë neoosmane në të gjitha viset e Gadishullit Ilirik, sidomos në Kosovë, vendit po i shkaktohet një tragjedi më e madhe se sa që është terrorizmi islamik.

Xhamizimi i vendit është duke ia ndryshuar natyrën kombit, kjo është e vërteta e njëmendt që nuk po e shohim si problem ende , ashtu siç e meriton të shihet, luftohet dhe të ndalohet !

Terrorizmin islamik ka për ta luftuar mbarë bota sëbashku me shqiptarët, siç po e lufton,  por si t’ia bëjmë që ne si popull po shkatërrohemi, se po asimilohemi si kulturë, traditë dhe histori në vendin tonë prej Islamit të rrethanave globale?

Dikush mund të thotë…, atëhere “duhet t’i kthehemi islamit tradicional”.

Kush të do, le t’i kthehet , por mundësitë reale për t’iu rikthyer atij tashmë nuk ezistojnë.

“Islami tradicional” e ka nënkuptuar shkëputjen e dhunshme nga qendra e islamizimit , siç  ishte Perandoria Osmane deri në vitin 1912.

Prandaj, ai islam i izoluar pas asaj kohe , është quajtur “islam tradicional”, të cilin vetëm Serbia deri në vitin 1999 është munduar t’ua ruaj shqiptarëve që i ka dashur e do aq shumë…!

Për këtë dëshmojnë Velika Medresa Krala Aleksandra (Medreseja e Madhe Mbreti Aleksander) e Shkupit, e ndërtuar prej Serbisë në vitin 1924.

Vetëm 12 vite pasi ushtria serbe i kishte pushtuar viset shqiptare, duke ia bashkëngjitur Serbisë !

Pas ndërtimit dhe meremetimit nga ana e Turqisë të kaq shumë xhamive pa e pyetur fare popullin shqiptar , zor të ndreqet gjithë ajo që është prishur. Qarqet neoosmane të përmbajtura aq shumë prej serbëve e rusëve, vetëm me komunikimin e drejtpërdrejtë me mafinë ë hoxhallarëve, i bënë të gjitha këto të zeza.

Duke bashkëpunuar me ata që tashmë është e qartë se i takojnë miletit/umetit Musliman, pra i takojnë praktikisht për ditë e më shumë një populli tjetër, që jo vetëm nuk është lojal ndaj popullit Shqiptar , por nuk e njef fare këtë “haram” popull.

Këtu është pra problemi…?

Gjenocidi dhe pushtimi i brendshëm islamik, prandaj është duke ndodhur ndaj krejt Shqiptarëve për shkak të synimet dhe planeve gllabëruese të Islamit global. Për fat të keq ndaj kësaj të keqeje të madhe përpos reagimit dhe mospajtimit të vazhdueshëm të disa intelektualëve nga mërgata, në Kosovë ende nuk reagojnë e kundërshtojnë qysh do të pritej, pasi as pas 25 vitesh nuk e kanë kuptuar se cili është synimi i përbindshit islamik ndaj nesh.

Legjenda e futbollit të Turqisë, Hakan Sukur, edhe në një deklaratë të fundit të tij, ka treguar se si jeta e ka përplasur, mes lavdisë dhe depërtimeve nga shteti për të cilën dha një kontribut të madh. Sukur ka luajtur për Galatasarai, Torino, Sakaryspor, Inter, Parma dhe Blackburn.

Hasan Sukur, thekson: “Gjithçka nisi në vitin 2013 pasi kishte deklaruar se ishte shqiptar. “E rëndësishme është të ruhet uniteti i vendit tonë. Pavarësisht dallimeve kulturore apo fetare që ekzistojnë, këtu…unë jam shqiptar, jo turk, por kam lindur këtu dhe e respektoj këtë vend në maksimum”, tha atëherë Sukur.”

Kjo e zemëroi tejmase Kryeislamistin më të madh të botës së sotshme Rexhep Taip Erdoganin, me të cilin takohen fshehurazi disa kryesilamistë të hapësirave “arnaute”, qofshin prej Kosovës, Shqipërisë, Maqedonisë etj.

Menjëherë pas kësaj, Erdogan e largoi Hakan Sukur-in nga partia.

Sukur, rikujton: “U hodhën gurë në butikun e gruas time, fëmijët e mi ngacmoheshin në rrugë. Duhej të largohesha, sapo u largova, më arrestuan babain”.

Mendoj se do të ishte e mjaftueshme që gazetarët e Dardanisë dhe ata shqiptarë përgjithësisht të thellohen në fjalët e futbollistit të famshëm Hasan Sukur, të cilin Erdogani jo vetëm që e largoi nga partia , por edhe ia bëri jetën ferr mbarë familjes së tij.

Pikërisht Rexhep Taip Erdogan që me politikën e vet panislamike, përmes vëzhgimeve noosmane të TIKA-s së vet në hapësirat “arnaute”, na e mbushi vendin cep më cep me xhami, në mënyrë që në to të krijohen njerëzit me ndërgjegje turke-islamike.

Se, këto “fabrika” (xhamitë, pra!) nuk meremetohen e ndërtohen për gjë tjetër, përpos për shtimin e ndikimit turkomadh-panislamik…!

Që ta shtoj ndikimin e vet përmes krijimit të “ndërgjegjës myslimane” të popullatës në hapësirat ku jetojnë “arnautët”, qoftë edhe me islamizimin e turqizimin e “ëmbël” e hyjnor të tyre!

Prandaj, mos të befasohemi aspak me veprimtarinë terroriste islamike të askujt, kur terrorizmi më i madh, asimilimi më i tmershëm me përmasa gjenocidale është duke ndodhur ndaj krejt në populli në hapësirat e Gadishullit Ilirik.

Erdogan e don “popullin unik turk” , që të tillë, sipas tij, e bënë Islami dhe Gjuha Turke, pavarësisht se përbëhet prej mbi 70 minoriteteve. Mirëpo, në anën tjetër “arnautët” i don bash turq e musliman, që t’i shfrytëzoj si mish për top , njejt si në të kaluarën historike, por tash për synimet perandorake neoosmane.

A ju kujtohet se deri në ditët e vona në mbarë hapësirën shqiptare në Gadishullin Ilirik, pothuaj për secilën ditë flisnin për “shqiptarët Muslimanë”, për “96 %” Muslimanë në Kosovë etj.

A e dini që mendimet e tilla, fjalori i tillë i mirëmenduar shovenist-religjioz, vije mu prej “Vëllazërisë Muslimane” (1928), që tashmë është e ndaluar edhe në Egjipt, aty ku është themeluar.

Mu nga ajo “Vëllazëri Muslimane” , prej së cilës frymëzohet edhe Al Kaeda!

Pas ndalimit në Egjipt para disa vitesh, tashmë kjo vëllazëri e ka selinë në Stamboll.

Fjalorin e saj andaj me apo pa qenë e vetëdijshme se çka është duke bërë ndaj popullit të vet, e përdorë edhe krejt udhëheqësia “arnaute”, sidomos në Kosovë, ku për përqindjen “madhështore muslimane” kanë folë edhe disa kryeministra të vendit!

Pastaj duhet përkujtuar edhe hapja e Medresës Alaudin të Prishtinës, që është ndërtuar në kohën e Aleksander Rankoviqit, mu gjatë kohës kur ndodhte Aksioni për Mbledhjen e Armëve ndaj Shqiptarëve, kohë kur Serbia nuk lejonte asnjë shkollë fillore e as të mesme në gjuhën shqipe!

Nëse themi se përdorimi i fjalorit të tillë religjioz , që vije në mënyrë perfide nga «Vëllazëria Muslimane» dhe shpërndahet pre hoxhallarëve , «intelektualëve» dhe «burrështetasve tonë», paraqet krim të rëndë ndaj Atdheut, është tepër pak…!

Vërtetë akademiku nacionalist serb Vasa Çubriloviq, që gjithë jetën e tij tokësore ka bërë përpjekje të jashtëzakonshme të na shkatërrontevme Islam, po të ishtë e mundur do të vallëzonte edhe në varr nga lumturia që projektet e tij jetësore për shfarosjen e shqiptarëve, tashmë i kanë marrë në dorë disa shqiptarë të mjerë, të ulët e të poshtër !

Dhe, gazetarët Shqiptarë nuk po ia bëjnë një pyetje të thjeshtë vetës, se a ka ndonjë popull tjetër në Gadishullin Ilirik (Ballkan); qofshin ata serbët, bullgarët apo grekët, që shtete të tjera ua meremetojnë e ndërtojnë objektet e kultit qe 35 apo 25 vjet me radhë?

Siç po ua ndëron “vëllezërve arnaut” Turqia neoosmane, me paratë e taksapaguesve të shtetit të Turqisë?

Prandaj, lerini përrallat me “terrorizmin islamik”, por ndërprejeni mbjelljen antishqiptare të xhamive për interesat neootomane, që njëherit janë edhe interesa serbe e ruse.

Shpallni zero, të paqena, të gjitha investimet religjioze të huaja në mbarë hapësirat e Gadishullit Ilirik.

Vetëm atëhere mund të themi se po i kthehemi vetvetës, se jemi popull autentik europian, në vendin tonë.