Vajza e Naim Tërnavës, të parit të BIK-ut, Refiqe Tërnava …
Nga: Driton Tali, Londër
Origjina e milionave që po zhduken në Kosovë! Ndërsa, ish deputeti i Parlamentit të Kosovës, Driton Tali, thotë për gazetën “Bota sot” se, sa është e shtrirë “lëvizja reformiste” (sekti) Selafi kjo shihet nga dukja e tyre e veçantë. “Por edhe nga aktiviteti medial që e bëjnë. Me një hulumtim të vogël në internet sheh video të shumta të përkthyera (adaptuara) nga gjuha arabe por edhe gjuhët tjera, në të cilat imamët radikal japin lloj lloj mesazhe për “xhihadin global” apo “luftën kundër kufarëve”.
Shihet se janë fjalime të përzgjedhura me kujdes, që nënkupton se me atë punë merren njerëz të profesionit të cilët (u morr vesh) duhet paguar për shërbimet për faktin se bëjnë punë me orar të plotë”, thotë Tali. Ai thekson se, këtë besim e vërteton edhe raporti i BQK-së, të cilën e publikuan mediet kohë më parë. “Aty shihet se milionat vijnë të shumtën në formë të donacioneve, pagave, shërbimeve, mallrave etj.
Pra, pagave e shërbimeve dhe jo investimeve kapitale! Për më tepër, edhe origjina e “këtyre milionave që po zhduken në Kosovë”, të cilat të shumtën e kanë nga Emiratet e Bashkuara Arabe, Arabia Saudite, Katari dhe Kuvajti, e çimenton edhe më shumë bindjen për faktin se këto shtete janë vendet ku më së shumti është i përhapur sekti selafi (apo ndryshe vehabizmi)”, pohon ai.
Tali thekson se, sa i përket hetimit të BIK-ut, mendon se patjetër dhe sa më shpejtë duhet t’i bëhet “një rëngën’ këtij institucioni shumë të rëndësishëm. “Sepse, ka kohë që jemi dëshmitarë të disa parregullsive të cilat shumë imam i kanë ngritur. Ka pasur edhe kritika dhe akuza të hapura të tyre në drejtim të udhëheqësish së BIK-ut për tolerim të ekstremistëve bile edhe për bashkëpunim me ta, sikurse që ka pasur akuza edhe për keqmenaxhim dhe jo transparencë të buxhetit”, thotë Tali.
Prandaj, ai thotë se, sigurisht se duhet bërë auditimin edhe të BIK ut patjetër, ngase kemi të bëjmë me një institucion të rëndësishëm shoqërorë. “Pastaj, edhe marrja në pyetje e imam Shefqet Krasniqit, nga Policia e Kosovës, me ç’rast mediet e publikuan pallatin (shtëpinë) e tij, nga komentet e shumta që po dëgjohen e lexohen në rrjetet sociale është se “ku i morri imam Krasniqi financat për të ndërtuar gjithë atë pallat”!? Sigurisht se paga e imamit nuk është e mjaftueshme! Shihet se në opinion është ngritur dyshimi se edhe imamët paguhen në forma të ndryshme nga “milionat e arabëve që po humben në Kosovë”. Prandaj për t’ia hequr dyshimet opinionit dhe “mbyllur gojën dashakqinjëve’, unë mendoj se vet BIK-u duhet të kërkojë sa më shpejtë që të hetohet dhe auditohet në secilin aspekt”, thotë Driton Tali.
E hënë , 8 shtator 2014 (Bota Sot)
