Afrim Musliu, Suedi
Deri në fund të këtij viti, gjithësesi do të përfundojë dialogu në mes të Kosovës dhe Serbisë dhe do të arrihet mërrëveshje përfundimtare me Serbinë e që do të sjellë njohje reciproke. Prandaj SHBA-të dhe BE-ja, gjegjësisht Palmeri dhe Lajçaku, me këtë vizitë që po e bëjnë këto ditë, duan që ta përshpejtojnë këtë proces për shkak të pengesave të paralajmëruara nga Franca dhe disa vende të tjera të BE-së.
Siç kanë paralajmëruar edhe më herët letrat e Presidentit Biden, nga ajo marrëveshke përfundimtare nuk do të ndahen të kënaqur asnjëra palë. Për neve nënkupton se shtetit të Kosovës do t’i mbetet një “gangrenë” e keqe si Asociacioni i Komunave Serbe dhe statusi i veçantë i kishave “serbe” dhe territorit të tyre përreth.
Mu për këto edhe do të shkruaj në këtë rast.
E tërë kjo është plan i menduar mirë i Akademisë së Shkencave të Serbisë, e cila problemin e Kosovës e filloi me pretendimet se “Kosova është djep i serbëve”… për shkak të disa kishave dhe manastireve të vjetra për të cilat ata pohojnë se janë serbe.
Pas dështimit të dëbimit të shqiptarëve nga Kosova për në Shqipëri në pranverën e vitit 1999, pra simbas planit të Çubrilloviqit, si dhe pas çlirimit të Kosovës nga amerikanët dhe NATO, Akademia serbe bëri planin tjetër, në bazë të së cilit, Serbia sistematikisht do e kontrollon tërë territorin e Kosovës me anë të pronave që i pretendon – kishat dhe manastiret “serbe”.
Si arritën deri në këtë pikë? Shumë lehtë!
Përmes dorës së zgjatur të tyre, SHIK-un, e cila u ndihmua nga OVL-të e UÇK-së dhe shumë individë që sot janë të vendosur nëpër institucionet kryesore të shtetit të Kosovës, më 17 dhe 18 mars 2004, gjatë protestave të panevojshme u kallën dhe u dëmtuan të gjitha kishat dhe manastiret “serbe” në mbarë Kosovën.
E tërë kjo rezultoi që të gjitha objektet fetare ortodokse të vëhen nën mbrojtjen e KFOR-it, e më vonë edhe nën mbrojtjen e UNESCO-s, pra si prona të Serbisë.
Do i përmendi disa me rëndësi më të madhe:
– Patriarkana e Pejës;
– Manastiri i Deçanit;
– Manastiri në mes të Lipjanit;
– Manastiri “Bogorodica” në kodrat më strategjike rreth Prizrenit;
– Manastiri i Graçanicës.
Duhet të potencohet se të gjitha këto objekte të lartëpërmendura, si dhe veriu i Kosovës, të cilat në total përbëjnë 33 përqind të territorit të Kosovë. Në rast të fitimit të një statusi të veçantë për ato kisha dhe manastire, do të krijohen disa mini-Vatikana në të katër anët e Kosovës, me ç’rast Serbia do t’a gëzon të drejtën që edhe ushtarikisht të vendoset aty kinse për t’i mbrojtur ato.
Poqëse e shiqojmë hartën e Kosovës dhe i lokalizojmë enklavat dhe kishat e manastiret serbe, e shohim se Kosova është e rrethuar nga të katër anët nga serbët në vendet më strategjike ushtarake dhe ekonomike. Të mos harrojmë që poashtu të potencojmë, se këto enklava serbe me jetësimin e AKS-së do ti kenë nën kontrollë rezervat kryesore të arit e argjendit që gjenden nëpër horizontet e Minierës së Trepçës e që shtrihen deri nën Kopaonik.
Poashtu, edhe resurset e mëdha të ujit në ata 250 hektarë të Patriarkanës së Pejës do të mbeten nën kontrollën e serbëve. Ndërsa ndonjë shkëmbim i territoreve do të ishte gabimi më i madh historik, pasi që Manastirit të Graçanicës iu bashkangjitën edhe disa komuna me shumicë serbe, si: Novobërda, Ranilluku, Parteshi dhe Kllokoti, ta bllokojnë dhe ta vëjnë nën varësi edhe Luginën e PMB-së, e cila disa herë është përmendur në këmbim territoresh me veri. Madje edhe nga Akademik Qosja e Demaçi viteve të 90-ta, e poashtu edhe nga Edi Rama e Hashim Thaçi para dy-tri viteve, e që u aktualizua edhe edhe nëpër disa dokumente “non paper” të lansuara nga para ca ditëve nga kush e di kush. Pra, edhe poqëse bëhet ndonjë këmbim territoresh, prap Lugina do të mbetej nën kontrollë totale të serbëve, gjersa veriun do e humbnim përgjithmonë!
Prandaj Serbia me çdo kusht kundërshton pranimin e Kosovës në UNESCO.
Me çdo kusht, me çdo mjet dhe në çdo mënyrë duhet të pengohet jetësimi i AKS-së, si dhe assesi të mos pranohet ndarja e Kosovës apo këmbimi i territoreve, e poashtu nuk duhet lejuar as ndonjë status të veçantë për kishat dhe manastiret “serbe”.
Në të kundërtën, shqiptarët do të mbesin në enklavë në Kosovë e të rrethuar nga të katër anët nga serbët.
