Shpërndaje këtë video për të dëshmuar ngjarjen madhështore që ndodhi dje, më 21 prill, në Kishën Shen Abrahami në Llapushnik.
Një ditë e shenjtë, një ringjallje shpirtërore dhe kombëtare. Pagëzime dhe rikthime të fuqishme të shqiptarëve, që, me krenari dhe besim, po kthehen në rrënjët e tyre të shenjta. Ky ishte një akt i jashtëzakonshëm, një shenjë e fuqishme e ringjalljes së besimit katolik mes shqiptarëve.
Le të merret vesh në të gjithë botën: Shqiptarët i përkasin besimit katolik! Ky është një moment historik, një kthim te besimi që e ka mbajtur të gjallë shpirtin e kombit tonë për shekuj. Historia e Kishës është historia jonë – një histori shpëtimi dhe ringjalljeje.
Falënderoj me shpirt të paster të gjithë të pranishmit që ishin dje me ne në këtë ngjarje madhështore. Falënderoj të pagëzuarit, që na mundësuan të jemi pranë tyre në një nga momentet më të rëndësishme të jetës së tyre dhe, gjithashtu, një nga momentet më të rëndësishme për historinë e kombit tonë shqiptar. @Highlight
Shih videon:
Tre muaj përkushtim në përgatitje shpirtërore e kombëtare për Ditën e Shenjtë – 21 Prillin, të Hënën e Pashkëve
Nga Tetova e deri te Shala e Vushtrisë, nga çdo skaj i Atdheut tonë të bekuar, takuam e përqafuam shqiptarë që kërkuan me shpirt të rikthehen te rrënjët e veta shpirtërore – në Kishën Katolike Shqiptare. Ishte një udhëtim i shenjtë dhe i bekuar: dorë për dorë, hap pas hapi, i çuam motrat e vëllezërit tanë drejt Altarit të Zotit, mes lotësh gëzimi dhe përjetimesh të paharrueshme. Sepse s’ka ndjenjë më të thellë, më fisnike, sesa kur një shqiptar i kthehet identitetit të tij të lashtë – besimit katolik që e mbajti gjallë shpirtin e kombit ndër shekuj.
Deklarojmë hapur dhe me krenari: Organizimi i 21 Prillit ishte mëse i suksesshëm. Ai ishte dëshmi e gjallë e etjes së madhe që shqiptarët kanë për të rikthyer lidhjen me rrënjët, me historinë, me Zotin dhe me vetveten.
Mirënjohje të thellë për Kishën Shën Abrahami në Llapushnik për angazhimin e palëkundur atdhetar e shpirtëror. Me përulësi falënderojmë meshtarët patriotë, Don Fran Kolaj dhe Don Pal Tunaj, për guximin dhe udhëheqjen e tyre profetike.
Faleminderit Këshillit Organizativ dhe të gjithë atyre që e bënë të mundur këtë veprim të shenjtë dhe kombëtar. Faleminderit për mbështetjen, për praninë, për zemrat dhe duart që punuan për lavdinë e Zotit dhe të Kombit. Falënderojmë me zemër të gjithë të pagëzuarit që na nderuan me mundësinë të jemi të pranishëm në njërën nga ditët më të shenjta dhe të veçanta të jetës së tyre. Një falënderim i veçantë shkon për Kumbarët dhe Ndrikullat, që me përkushtim përgatitën katekumenenët për këtë hap të madh shpirtëror.
Faleminderit Zotit që po i vetëdijëson shqiptarët – në mënyrë të lirë, të ndërgjegjshme dhe demokratike – për të zgjedhur dritën e së vërtetës, rrënjën e besimit dhe lavdinë e shpirtit tonë kombëtar.
Ky ishte vetëm fillimi. Shihemi së shpejti me Pagëzimin e radhës.
Lëvizja Shqiptare për Rikthim në Katolicizëm
