Aferdita Zaja, Norvegji
Intervistë me Mjeshtrin e Vedave Prashant TriVedi mbi: Dalja nga burgu i këtij matriksi
Cili është qëllimi i jetës njerëzore?
Sipas Diturisë së Vedave, ky trup njerëzor është si një veshje, si një rrobë ashtu qysh veshim një rrobë dhe pastaj ndërrojmë rrobën tjetër. Njësoj si kur keni veshur rroba një vit më parë, kur rroba vjetërohet nuk e përdorni më, apo jo? Trupi është si veshja që shpirti e vë rreth vetes dhe mbulon veten. Ky quhet cikli i lindjes dhe i vdekjes pra jeton dhe merr një trup, vdes dhe më pas lind dhe merr një trup tjetër dhe një trup tjetër e kështu me rradhë. Pra njeriu ka shumë jetë në varësi të asaj që ai dëshiron të përjetojë, në varësi të dëshirave dhe mendimeve të tij, në varësi të qëllimeve të tij. Kështu që njeriu vazhdon të ketë plot jetë.
Tani kjo quhet lojë ose cikli i lindjes dhe vdekjes këtu në këtë plan ekzistence pra në tokë. Sipas diturisë së Vedave ne duhet të dalim nga ky cikël i lindjes dhe vdekjes. Sepse në këtë cikël të lindjes dhe vdekjes ka gjithmonë dhimbje dhe vuajtje. Sa herë që lindim kujdesa e jetës së kaluar shuhet. Duhet të mësosh gjithçka dhe t’ja fillosh përsëri nga e para. Çfarëdo që keni mësuar në jetën tuaj të kaluar nuk do t’a kesh menjëherë. Ju duhet të kaloni nëpër gjendjen e fëmijërisë dhe pastaj ngadalë të mësoni për botën dhe pastaj të filloni përsëri nga e para. Edhe kur arrin të mësosh plot gjëra, ti tashmë je plakur dhe atëherë po afrohet vdekja dhe pastaj të duhet të fillosh përsëri cdo gjë nga e para. Ky quhet cikli i lindjes dhe i vdekjes, pra do të ndodhesh brenda në këtë qark të pandërprerë. Eshtë njësoj si të jesh në një lojë kompjuterike vazhdimisht në nivelin 1 të lojës. Tek Vedat e rëndësishme është që të dalësh nga cikli i lindjes dhe vdekjes në mënyrë që të dalësh nga qarku duke arrirë plane më të larta të ekzistencës, aty ku ty nuk të duhet të marrësh përsëri trupa të tjerë fizikë dhe të vdesësh përsëri. Dituria e Vedave të mëson si të dalësh nga ky cikël i keq. Sipas Diturisë së Vedave ekzistojnë plane të ndryshme të ekzistencës. Toka është vecse një plan i ekzistencës në të cilën ndodh jeta dhe vdekja fizike, aty ku ndodh cikli i rimishërimit. Kështu që qëllimi i jetës njerëzore për çdo njeri është që të dalë së pari nga ky cikël i lindjes dhe i vdekjes. Kur ti je i bllokuar brenda këtij është njësoj sikur të jesh në një burg. Jeta këtu është një lloj burg sepse ti nuk ke asnjë kontroll mbi të. Nëse nuk del nga ky cikël jetë vdekje atëherë do të lindësh përsëri, vdesësh përsëri e kështu me rradhë. Dhe përsëri në lindjen tjetër ti do të përjetosh dhimbje, sëmundje ose gjëra të tjera të këqija mund t’ju ndodhin. Nuk është një cikël i mirë për të qëndruar. Kur njerëzit do të lexojnë librin ” Eposi PT” ata do të mësojnë më shumë për këtë dhe për çfarë unë po flas.
Si mund të dalim nga ky cikël, çfarë duhet të bëjmë?
Pikërisht për këtë unë flas tek libri im “Eposi PT” (P’s gita). Kjo është ajo për të cilën un fola gjer tani. Eshtë një proces. Së pari duhet të fillosh të thuash me zë “Unë dua të dal nga matriksi, unë jam një qenie, unë dua mirëqenien time, dua të mirën e vetes”. Duhet të arrish në këtë nivel kuptimi dhe pastaj duhet të fillosh të punosh për veten tënde. Ekzistojnë disa hapa që paraqiten edhe në libër dhe njerëzit duhet të ndjekin meditimin lotusocean për ti mësuar këto hapa. Sapo të vazhdoni të ndiqni ato hapa, rezultati përfundimtar do të jetë dalja nga cikli i lindjes dhe vdekjes, të cilin unë e quaj dalja nga matriksi. E ke parasysh filmin “Matriksi” ku Neo donte të dilte nga matriksi apo jo? Në diturinë e Vedave tregohen hapat aktualë që mund të ndjekesh, dituria e Vedave nuk është një film i trilluar por dicka praktike dhe e vërtetë. Kjo është ajo për të cilën flet libri “Eposi PT” dhe gjithcka lotusocean pra për të mësuar si të dalësh nga matriksi, nga cikli i lindjes dhe vdekjes, nga cikli i vuajtjeve dhe dhimbjeve. Njerëzit që janë të interesuar mund t’i bashkohen leximit të këtij libri dhe të fillojnë të praktikojnë meditimin lotusoean.
A është ky matriksi këtu një lloj burgu?
Padyshim që njerëzit janë të lodhur nga ky cikël i lindjes dhe vdekjes. Ata nuk duan të vijnë përsëri në këtë ekzistencë të veçantë këtu sepse kjo ekzistencë është shumë e përkohshme. Gjithçka këtu mbaron shpejt. Plus që kur jetojmë këtu do të përballemi me shumë probleme. Mund të kesh sëmundje, mund të keni të gjitha llojet e problemeve këtu. Pra nuk është një ekzistencë ideale kjo lloj ekzistence këtu. Nëse dikush e vështron saktë, atëherë me siguri që do të dëshironte një ekzistencë akoma më të mirë. Eshtë shumë normale dhe e natyrshme që të duash një ekzistencë më të mirë. Tek kjo ekzistenca këtu kemi të gjitha llojet e problemeve dhe çdo gjë është e përkohshme. Asgjë nuk ekziston këtu përgjithmonë, gjë që shkakton shumë dhimbje dhe pikëllim për shumë njerëz. Dalja nga cikli i dhimbjes dhe vuajtjes duhet të jetë një gjë normale. Eshtë normale të kesh dëshirë të ndjekësh rrugën drejt kënaqësisë dhe të mos qëndrosh në dhimbje. Kjo është një dëshirë krejt e natyrshme. Kur fillosh të shkosh në atë rrugë, ti je duke ndjekur instinktin natyror atëherë automatikisht do të arrisësh në përfundimin se duhet të dalësh nga ky cikël i lindjes dhe i vdekjes këtu. Njeriu duhet të përpiqet që të mos bie përsëri këtu në grackën e asaj që quhet cikli i rimishërimit apo i lindjeve dhe vdekjeve.
Cili është udhëtimi i shpirtit?
Gjëja e parë është që njerëzit duhet të kuptojnë është se ata kanë këtë trup fizik, por kur vdesin ata largohen nga ky trup fizik dhe atëherë do t’i dali trupi tjetër. Njeriu përmban shumë trupa brenda tij por që nuk i shikon dot. Eshtë si puna e një kukulle ruse ku brenda saj gjenden shumë kukulla pra trupa brenda kukullave. Kështu që ti thjesht thyen kukullën e parë atë të jashtmen, i cila është trupi fizik që largohet dhe pastaj dalin kukullat e tjera. Kështu që edhe kur ky trupi fizik të marrë fund ti përsëri do të kesh një trup i cili nuk është aq fizik sa ky trupi i njeriut por që do të vazhdojë të jetë i ndjeshëm pra trupi që do të fitosh pas vdekjes do të ndiejë dhimbje dhe kënaqësi ashtu si ky këtu. Shuma e këtyre trupave në tërësi mund të quhet shpirti yt ose më saktë fryma jote. Kemi një ndryshim thelbësor mes asaj që sot quhet frymë dhe asaj që quhet shpirt. Shpirti është një term i ndryshëm nga fryma. Fryma është një nivel më i ulët se shpirti. Shpirti (the soul në anglisht) është një term që simbolizon diellin (il sole italisht). Kur koherenca / fuqia e frymës tënde bëhet e barabartë me atë të diellit atëherë ti ke fituar një shpirt të vërtetë. Të kesh një shpirt është një gjë e madhe, nuk është gjë e vogël. Nëse arrin në atë nivel ku ti fiton një shpirt, patjetër që do të jesh gati të dalësh nga matriksi, nga rrjeti apo telat e burgut të këtij matriksi. Kur njeriu del nga ky trup, fryma apo shpirti i tij do të merret nga qenie të ndryshme të cilët vendosin cilësinë e trupit të tij të ardhshëm. Këto qenie do të vendosin nëse shpirti i tij do të futet në një cikël tjetër rimishërimi në bazë të veprimeve që ai njeri ka kryer në jetën që kishte këtu. Mund të themi se këto qenie janë si polica shpirtërorë që do të gjykojnë se ku do të shkojë shpirti. Pra në momentin e vdekjes ose thjesht kur ti mbaron këtë jetë dhe del nga ky trup atëherë të merr përsipër policia atje sepse Universi ka rregulla. Njësoj kur je në tokë policia vendos në bazë të veprimeve që bën. Kur del nga ky trup, atëherë ajo lloj tjetër policie gjendet atje. Tre gjëra do t’i ndodhin njeriut pas vdekjes. Ose shpirti i tij do të dalë nga këtu pra nga burgu i këtij matriksi, gjë që ndodh shumë rrallë. Mundësia e dytë është që kthehet përsëri në ciklin e rimishërimit përsëri këtu pra në të njëjtin matriks pra përsëri në ciklin lindje dhe vdekje. Mundësia e tretë është se shpirti i tij shkon në vende më të këqija se Toka, të quajtura ferre.
Si mund të dalim nga burgu i matriksit?
Nëse duhet të kalosh, shpëtosh nga ajo polici dhe të dalësh përfundimisht nga matriksi, atëherë do të duhet të kesh bërë veprimet e duhura këtu dhe duhet të jesh gati që të shkosh në botët më të larta, të mira. Në botët ku nuk ka dhimbje, sëmundje apo vuajtje. Ti duhet të arrish në atë nivel gjendje ku rojet e matriksit do të lejojnë të shkosh në botët më të larta. Ata duhet të binden se ti je gati. Gatishmëria që ata kontrollojnë është nëse ke mësuar një sjellje të mjaftueshme të mirë që ty do të të duhet të kesh në botët më të larta. Ajo që ata shohin tek ty është nëse ti je zotëron sjelljen e duhur që do të të duhet në botën më të lartë se kjo këtu. Sepse nëse nuk mund të sillesh atje sic duhet, atëherë nuk do të zgjasësh atje, shpirti yt do të bie poshtë shumë shpejt përsëri. Në botët më të larta ku shpirti yt dëshiron të shkojë, ka qenie vërtet të larta. Nëse nuk ke sjellje të mirë ndaj një qenie të lartë atëhere do të gjendesh në telashe. Mënyra se si është situata këtu në tokë tani, se si mësohen dhe edukohen njerëzit këtu, kjo lloj sjellje do të ishte absolutisht e pamundur dhe e gabuar në një botë më të lartë. Kjo është ajo që unë jam duke u thënë gjatë gjithë kohës që të gjitha mediat dhe gjithçka që është këtu, programimi i njerëzve është kryesisht i gabuar për sa i përket sjelljes së duhur. Shumica e gjërave në këtë botë të mëson si t’a përdorësh trupin gabimisht dhe të sillesh në mënyrë të gabuar veçanërisht me qeniet vërtet më të larta se ty. Qenie më e lartë se ty është një qenie që ka më shumë dituri dhe fuqi sesa ty. Nëse sillesh keq me një qenie më të lartë se vetja automatikisht i ke sjellë një mallkim vetes, është një pasojë negative e pashmangshme. E gjithë çështja ka të bëjë me sjelljen. Rojet e matriksit kontrollojnë nëse je gati të sillesh në mënyrë të saktë atje sipër. Kjo sjellje e duhur që ata shohin tek ty nuk është e njëjtë me sjelljen që reklamohet zakonisht në mesin e njerëzve të tokës. Duhet të ketë shumë më shumë respekt, dinjitet, hijeshi në sjellje, të gjitha këto gjëra duhet të fitohen së pari për të patur një sjellje të duhur. Dhe ato çfarë promovohen këtu në tokë janë moshijeshia, mospërfillja dhe shejtanlliku. Këto janë gjërat që nxiten këtu në tokë. Ju duhet të shihni se gjërat që promovohen këtu në tokë tani janë komplet të kundërta me ato që kërkohen në botët më të larta.
Cilat janë hapat e sjelljes së duhur?
Njerëzit që duan dhe janë seriozë në lidhje me daljen nga matriksi dhe arritjen në botët më të larta duhet të sigurohen se praktikojnë sjelljen e saktë. Për të patur sjelljen e duhur duhet patjetër të marrim nën kontroll trupin tonë. Nëse nuk ke farë kontroll mbi trupin tënd është e pamundur të sillesh mirë me dikë. Nuk është e mundur të sillesh mirë nëse nuk ke ndonjë kontroll mbi trupin tënd fizik. Hapi i parë është kontrolli i trupit që realizohet nga qendërzimi dhe mësohet tek meditimi lotusocean. Hapi i dytë është të bësh sjelljen e duhur. E gjithë jeta njerëzore e cila zgjat rreth 70, 80, 90, 100, 110 apo 120 vite është vetëm për të praktikuar dhe mësuar sjelljen e duhur. Ky trup fizim dhuratë nga Universi, është i ngadaltë dhe i përshtatshëm për të praktikuar sjelljen e duhur. Sepse ky trup është i ngadaltë dhe ju mund të praktikoni lehtë. Ky është qëllimi i ekzistencës dhe jetës njerëzore në të vërtetë dhe për këdo. Askush nuk bën përjashtim, kjo vlen për të gjithë. Kushdo që ka lindur këtu dhe ka këtë trup ka gjithashtu vetëm këtë qëllim. Njerëzit thonë të gjitha llojet e gjërave, oh unë kam rrugë të ndryshme, qëllime të tjera në jetë por kjo është e gjitha për të devijuar njerëzit nga qëllimi i mbramë i vërtetë. Askush nuk ka një rrugë tjetër, askush nuk ka një qëllim tjetër përvec këtij. Të gjithë kanë të njëjtin qëllim të vetëm. Në përgjithësi njerëzit janë të keqinformuar në mënyrë që ata të humbasin pamjen e qëllimit të vërtetë. Disa njerëz mendojnë se qëllimi i tyre është të bëjnë këtë karrierë, të kenë këtë apo atë fat por asnjëra prej tyre nuk është e vërtetë. Njerëzit së pari duhet t’a kuptojnë këtë gjë. Bileta për në botën më të lartë dhe pasaporta për të dalë nga matriksi është sjellja e duhur. Eshtë shumë e thjeshtë. Kur rojet e matriksit të mendojnë se ju mjaftueshëm keni marrë kontrollin e trupit duke punuar me veten dhe keni mësuar sjelljen korrekte, të saktë e të duhur në harmoni me ligjet e Multiversit dhe ligjeve të parajsës atëherë do t’ju jepet leja për të dalë nga matriksi këtu, përndryshe jo! Kaq e thjeshtë është. Kur keni sjelljen e duhur askush në Univers nuk do t’ju ndalojë.
Për cfarë shërben jeta e njeriut?
Matriksi këtu është si një lloj burgu. Nëse ti gjendesh në këtë botë, ti gjendesh në një burg. Kjo është një gjë shumë e thjeshtë dhe e qartë për t’u kuptuar. Duhet të jemi shumë të qartë për këtë. Kur njeriu e kupton se ndodhet në një burg, qëllimi natyrisht do të jetë dalja nga burgu, matriksi pra arritja për të dalë nga dyert jashtë burgut, Ç’ështja është se nëse dikush është gati, ai është i gati. Nëse dikush nuk është gati, ai nuk është gati. Për t’u bërë gati, ti ke tërë jetën këtu për t’u përgatitur. Njeriu i ka të gjitha mundësitë për t’u përgatitur sjelljen e duhur, kështu që nuk mund të thotë ‘oh unë nuk kisha asnjë mundësi’. Jeta e njeriut është një mundësi për të mësuar sesi të përgatitesh, të mësosh si të kesh një sjellje të duhur.
Qëllimi është të dalim nga matriksi apo jo?
Po padyshim. Kur je në burg, në çdo burg qëllimi yt kryesor duhet të jetë dalja nga burgu. Nuk mund të ketë asnjë të mirë tjetër përvec daljes nga burgu i matriksit. Askush nuk mund të ndihet mirë brenda në një burg sepse edhe kur ata mendojnë se ndoshta janë mirë ata do të kenë ndonjë sëmundje ose diçka të tillë, ata do të pësojnë ndonjë dhimbje, ndonjë problem. Kështu që nuk është kënaqësi të jesh në këtë burg. Jetëgjatësia e njeriut në përgjithësi është shumë e shkurtër, nuk është aspak e gjatë. Jetëgjatësi shumë e shkurtër dhe kjo gjithashtu e shoqëruar me lloj lloj problemesh. Nuk ke nevojë të jesh një gjeni për të kuptuar se kjo jetë nuk është e mirë. Dikush duhet t’i shohi me imtësi gjërat sepse gjërat mund të përkeqësohen brenda burgut. Jeta mund të vi në një fazë të caktuar dhe papritmas gjërat mund të përkeqësohen në çdo moment. Eshtë e pamundur të thuash ‘oh gjërat nuk po keqësohen në burg’. Mënyra sesi njerëzit veprojnë tani është shumë larg sjelljes së duhur. Nëse shikoni njerëzit, popullatën e përgjithshme, gjuhën e trupit të tyre, mënyra e tyre e të qenurit nuk është aspak e përshtatshme për të qenë as në tokë, e lëre më në parajsë. Kjo është arsyeja pse ekzistojnë, përse janë krijuar botë të ulta të quajtur ferre, të cilat janë më shumë burg sesa kjo bota jonë këtu dhe shpirtrat e njerëzve dërgohen atje sepse ata nuk janë as të përshtatshëm për të qenë këtu, kuptohet parajsën t’a ëndërrojnë. Situata tani është që njerëzit nuk janë as të aftë të banojnë këtu në tokë sepse sjellja e tyre është jo korrekte. Ata që po ndërgjegjësohen dhe po zgjohen duhet të marrin këtë vendim tani që ‘unë dua të marr nën kontroll trupin tim, do të punoj për të rritur hijeshinë time, do të punoj me veten time’. Ata duhet të kenë këtë lloj qëndrimi sepse njerëzit në përgjithësi po shkojnë në rrugën e gabuar gjer tani. Njerëzit kanë padyshim një sjellje të pahijshme dhe të parespektueshme ndaj natyrës, ndaj gjithckaje më të lartë dhe hyjnore. Situata në burg po përkeqësohet me të vërtetë. Kjo nuk është një problem për tokën sepse toka mund të pastrohet në çdo kohë, por shpirtrat e njerëzve që jetojnë këtu kanë një mundësi tani për të bërë gjënë e duhur. Nëse jo, ata do të dërgohen në ferr dhe toka do të kthehet në normalitet, toka nuk do të vuajë. Njerëzit mendojnë gabimisht se ata mund të shkatërrojnë tokën, mund të prishin këtë apo atë, ngrohja globale etj. Qeniet njerëzore nuk janë të aftë për të bërë dicka të tillë.
Intervistën e plotë mund t’a ndiqni në linkun e mëposhtëm në youtube:
