Një aktualitet që vijon!
Një lexues i gazetës rajonale DNA (Les Dernières Nouvelles d'Alsace) me interes dhe qëllueshëm i njoftoi lexuesit me letrën e mëposhtëme të shkrimtarit të famshëm francez Victor Hugo.
“Thirrje ushtrisë ruse në vitin 1963”
Lexuesi shtoi : “Në se i zëvëndësojmë në këtë tekst termat e ntrashur “Poloni, polak, Varshavë, Petersburg, car dhe shekulli XIX” me “Ukrainë, ukrainas, Kiev, Moskë, Putin dhe shekulli XXI”, mund të lusnim Victor Hugonë, që ta dërgojë sërish atë letër për ushtrinë ruse! Merreni vesh vetë!
Ushtarë rusë, bëhuni sërish njerëz! Kjo lavdi ju propozohet aktualisht, kapeni atë. Ndërsa është ende e mundur, dëgjoni:
Në se do e vazhdonit këtë luftë të egër; në se ju, oficerët, që janë me zemër fisnike, por që kapriçio mund t’i zvoglojë dhe t’i hedhë në Siberi; në se ju ushtarë, bujrobërit e dikurshëm, skllevër të sotëm, të shkulur me forcë nga nënat tuaja, nga të fejuarat tuaja, nga familjet tuaja, të qeverisur nën kamxhik, të keqtrajtuar, të kequshqyer, të dënuar për një kohë të gjatë dhe vijueshmëri që zgjat me shërbim ushtarak, më i ashpër në Rusi se sa puna e detyrueshme në vende të tjera, në se ju, që jeni viktima, zotoheni kundër viktimave; në se në momentin e shenjtë, kur Polonia e respektueshme do që të ngrihet në këmbë, në momentin e fundëm, kur ju mund të zgjidhni ndërmjet Petersburbut, ku sundon tirani dhe Varshavës ku sundon liria; në se në këtë konflikt vendimtar, e injoroni detyrën tuaj, detyrën tuaj të vetme, vëllazërinë; në se bashkërisht veproni kundër polakëve bashkë me carin, dmth ekzekutuesi i tyre dhe juaji; në se ju të shtypurit, nga shtypja keni mësuar vetëm të mbeshtesni shtypësin; në se fatkeqësinë tuaj do e shndërroni në një turp; në se, ju që mbani në dorë shpatën, veni në dispozicion të despotizmit, përbindëshit të rëndë dhe të dobët, që të gjithëve juve ju bën copë copë, juve rusët ashtu sikurse polakët, forcën tuaj të verbër dhe prej budallai; në se në vend që t’i ktheheni dhe ta kundërshtoni kasapin e kombeve, ju burracakërisht do të shtypni fort, me epërsinë dhe numrin e madh të armëve ata njeërz heroikë, të zhgënjyer që kërkojnë të drejtën më parësore, të drejtën e atdheut; në se në mes të shekullit 19, ju do ta shfarosni Poloninë, në se ju e bëni këtë, dijeni burra të ushtrisë ruse, (….) se do fitoni përbuzjen e botës së qytetëruar! Krimet e dhunës janë dhe mbeten krime; terrori publik dënohet.
Ushtarë rusë, kërkoni frymëzim te polakët, mos luftoni kundër tyre. Ajo që do gjeni ju në Poloni, nuk është armiku juaj, por është një shembull.
Victor Hugo
Haauteville- House, 11 shkurt 1863
* Kryengritja polake e vitit 1863 kundër perandorisë ruse për pavarësinë e Polonisë në territorin e atëhershëm polak, që e kishte pushtuar Rusia
E përgatiti: Bardhyl Adem Selimi, Tiranë
