BDI: Raundi i dytë kaloi në një atmosferë të qetë zgjedhore
BDI-ja në pushtet beson se dita e sotme e zgjedhjeve kaloi në një atmosferë paqësore dhe se Maqedonia e Veriut ka treguar se po bëhet një demokraci e pjekur.
“Dua të përgëzoj të gjithë të zgjedhurit e pushtetit vendor, pavarësisht se nga cila parti vijnë. “Kemi pasur zgjedhje të suksesshme dhe ky është një sukses i përgjithshëm politik, i cili tregoi se jemi një demokraci e pjekur, anëtare e NATO-s dhe vend që duhet të fillojë negociatat për anëtarësim në BE”, tha zëdhënësi i BDI-së, Bujar Osmani.
Ahmeti: Fitojmë në Strugë, Kërçovë, Çair, Bogovinë, Tearcë dhe Haraçinë (VIDEO)
Kryetari i BDI-së, Ali Ahemti në daljen e parë në këto zgjedhje tha se ata kanë fituar në komunën e Stugës, Kërçovës, Dollnenit, Çairit, Bogovinës, Tearcës, Haraçinë. Ai tha se presin rezultatet të mira edhe në Tetovë dhe Gostivar.
Ramiz Merko fiton Strugën, Idri Istrefi pranon humbjen
– Të dashur qytetarë, struganët e mi. Ne dështuam. Ne luftuam kundër një qeverie të tërë me gjithë energjinë që kishim. Por duket se nuk ka mjaftuar për të mposhtur Strugën. Jeta Vazhdon. Bashkë me të dhe përpjekjet për të bërë më të mirën për Strugën, për brezat që do të vijnë. Ne do të analizojmë gjithçka ku kemi gabuar. Do të ketë një reflektim të thellë. Ky zhvillim nuk duhet të ndikojë në jetën e një strugani të thjeshtë. “Por dua t’ju falënderoj për besimin dhe t’ju kërkoj falje që nuk mund të bëj më shumë”, ka shkruar Istrefi.
Grubi: BDI është partia më e madhe në vend me fitore absolute në më shumë se gjysmën e të gjitha komuna
Zëvëndëskryemnistri i parë, Artan Grubi përmes një postimi në rrjetin social thekson se Bashkimit Demokatik për Integrim është partia më e madhe në vend me fitore absolute në më shumë se gjysmën e të gjitha komunave.
“BDI është partia më e madhe në vend me fitore absolute në më shumë se gjysmën e të gjitha komunave ku kemi garuar duke përfshirë: Çairin, Haracinën, Bogovinën, Tearcën, Strugën, Kërçovën, Dollnenin, Sarajin, Likovën, Pllasnicën.
Uroj të gjithë fituesit nga BDI, por edhe ata nga partitë oponente në komunat tjera.
Faleminderoj të gjithë votuesit tanë në gjithë vendin për numrin rekord të votave përballë të gjitha partive tjera politike të bashkuara kundër BDI”, shkruan Grubi.www.tetovasot.com
