Halim Hyseni , ekspert i arsimit, Prishtinë
- Mos u besoni frankeshtajnave të shekullit XXI !
“Djalli… ishte njeri vrasës që nga fillimi dhe s’ka të bëjë gjë me të vërteten, sepse në te nuk ka një të vërtetë. Kur thotë gënjeshtra, flet nga vetja, sepse është gënjeshtar dhe i ati i gënjeshtrës – Gjoni 8:44128
Sot, ky është Aleksandar Vuçiq, Frankeshtajni- Përbindshi bashkëkohor, që diplomacitë e Shteteve të Bashkuara edhe të Bashkimit Evropian, bashkë me Edi Ramën, Kryeministrin e Republikës së Shqipërisë, aq shumë i kanë frankeshtajnizuar, sa nëse këta dy autokratë nuk ndalen shpejt, me veprimet e tyre djallëzore, apokalipsi i tmerrshëm do të jetë shumë afër. Këta dy djaj, janë aq perfid dhe djallëzor, sa që me sukses marramendës edhe engjëjt kanë filluar t’i infektojnë, duke i djallëzuar.
Shkrimin e kam pas nisur me një letër të hapur dhe publike z. Kristopher Hill, Ambasadorit të Shteteve të Bashkuara të Amerikës në Beograd, për mua viktimës së parë të djallëzimit, i cili e gjithë atë që ishte bërë për sigurimin e paqes në dekadën e fundit të shekullit XX, e hodhi me kontejner, më 24 mars të këtij viti, kur kërkoi falje për intervenimin e NATO-s në Kosovë.
Djallëzimi në Shqipëri ndodhi me ambasadoren e Shteteve të Bashkuara e cila u bë shtylla kryesore për shkatërrimin e demokracisë, lulëzimin e korrupsionit, shkatërrimit të pluralizmit, instalimit të diktaturës. Dëshmitë për djallëzim të engjëjve, nga këta dy FRANKESHTAJNA janë të shumta, por po përmendi vetëm edhe rastin e fundit, rastin e mega shout me mikun e madh të shqiptarëve dhe humanistin, ish- Presidentin e ShBA-ve, Bill Klinton.
Por, për të qenë bindës, dhe për ta kuptuar qartë këtë shkrim e bëjë qartësimin e konceptit frankeshtajn. Viktor Frankeshtajni është personazhi kryesor i poetes, Mery Shelley (1797- 1851). Frankeshtajni ishte një përbindësh, që vriste dhe mbyste të afërtit e tij dhe krijuesin e tij. Ky roman duhet të jetë lektyrë detyruese e nxënësve të arsimit bazik në botë për të luftuar dhunën, djallëzinë dhe të keqen botërore. Këta dy autokratë , së bashku me modelin kryesor të tyre Putinin, duhet të ndalen që të mos ndodhe apokalipsi botëror. Angazhimi gjoja i tyre për paqe është gënjeshtër e madhe. Këta të dy e duan vetëm pushteti, dhunën, mashtrimin, gënjeshtrën, andaj janë të rrezikshëm me të gjithë autokratët në botë.
Në Serbi ka filluar lëvizja. Ajo duhet të përkrahet gjithandej në botë, sepse dhuna është antinjerëzore. Është e turpshme që ne heshtim para asaj çfarë dhe çka po ndodhë në Ukrainë. Po tregojmë indiferencë njerëzore, andaj të gjithë ne të tjerët që shohim ato tmerre jemi fajtor për çdo jetë që humbet.
- Disa pyetje për z. Hill
I nderuari z. ambasador Hill, reminishenca ime më bën që të më kujtohen disa sekuenca nga dekada e fundit të shekullit XX, kur ju ishit me shumë arsye i angazhuar në kërkimin e zgjidhjeve të përshkallëzimeve etnike dhe administrative ndërmjet Kosovës dhe Serbisë. Ju jeni diplomat, ndërsa unë jam një qytetar i thjeshtë i Republikës së Kosovës, shtet i cili është formuar me angazhimin e ShBA-ve, Bashkimit Evropian , NATO-s dhe Ushtrisë Legjendare Çlirimtare të Kosovës për ta shpëtuar popullin shqiptar nga gjenocidi i pushtetit serb, të udhëhequr nga kasapi i Ballkanit Sllobodan Millosheviq, dhe miku i juaj i tashëm z. Aleksandar Vuçiq, atëherë dhe tani nxitësi i drejtpërdrejtë dhe i hapur për zbatimin e gjenocidit ndaj shqiptarëve (në dekadën e fundit të shekullit XX ndaj shqiptarëve të Kosovës, boshnjakëve dhe kroatëve), ndërsa tani ndaj shqiptarëve në Preshevë, Bujanoc dhe Medvegjë dhe shqiptarëve në veri të Kosovës. Ju lutem, lexojeni mirë Konventën për Parandalimin dhe Dënimin e Krimit të Gjenocidit, sidomos pikën “b” të nenit 3, sepse mund të jetë në interes tuaj.
Pyetja e parë konkrete për ty z. Hill: A po bëhet gjenocid ndaj shqiptarëve në Serbi me projektin: “Pasivizimi i adresave”?
Bazuar në reminishencën time Ju i keni kontaktuar përfaqësuesit e UÇK-ës dhe sa unë kam informacion, Ju e keni shkruar një libër për atë kohë dhe se libri i juaj është përkthyer në gjuhën shqipe. Unë nuk e kam lexuar atë libër andaj do ta gjej për ta lexuar. Jo për t’u fajësuar Ju, por për të korrigjuar veten dhe për të konstatuar konsistencën tuaj, sepse nga ajo që ma thotë reminishenca ime ka ndryshime të mëdha nga koha e viteve ’90 me qëndrimet e juaja të tashme por edhe të Departamentit Amerikan të Shtetit.
Ju publikisht asnjëherë nuk i keni përmendur dy rezoluta për Kosovën të miratuara në Kongresin e ShBA.
Pyetja e dytë: Pse heshtni dhe stepeni para vendimeve të organeve të shtetit tuaj?
E para, pse nuk kërkoni nga z. Vučiq, që edhe pse kanë kaluar gati 24 vite nga vrasja e vëllezërve Bytyqi, që ai dhe Serbia humane, juridike, demokratike dhe krenare, siç krekoset ky mik i juaj, vazhdon ta fsheh krimin e vrasjes të tre shqiptaro – amerikanëve.
- Ambasador, ua rikujtoj se me rastin e përvjetorit të vrasjes tre vëllezërve: Yllit, Agronit dhe Mehmetit, disa dhjetëra ekspertë të njohur që punojnë nivele më larta qeveritare, akademike dhe të shoqërisë civile në botë kanë ndërmarrë një aksion dhe kanë nënshkruar një letër të hapur, me të cilën u kërkohet udhëheqësve të Bashkimit Evropian dhe të Shteteve të Bashkuara të Amerikës që Qeveria e Serbisë të zbardhë krimet e luftës, përfshirë këtu edhe rastin e tre vëllezërve Bytyqi.
Në letër, ekspertët më tutje e theksojnë: “… shqetësimin e thellë me ritmin e ngadaltë të Serbisë në ndjekje penale të krimeve të luftës në Kosovë”. Z. ambasador nuk di a keni fëmijë apo jo. Nëse keni fëmijë, keni pak empati. Sikur Ju të ishit në pozitën prindërve Bytyqi, si do të reagonit?
Pyetja tretë: Z. Ambasador a ndjeheni Ju mirë kur kërkoni falje për intervenimin e NATO-s, kur ju e dini numrin e vajzave , femrave të dhunuara, e pastaj të vrara, dhe shumë nga to të hedhura të gjalla në lumenj dhe bunarë. A keni biseduar me partnerin e juaj kryesor z. Vuçiq, për këto veprime?
Dua t’ua përkujtoj 20.448 femra shqiptare të përdhunuara seksualisht, në mesin e të cilave ishte edhe zonja Vasfije Kraniqi – Gudman, që dëshmoi ne Kongresin e ShBA-ve dhe i përloti shumë kongresmenë. Ajo ishte vetëm 16 vjeçe kur u përdhunua. Dhunuesit e saj janë të lirë. Zotëri ambasador, a e dini Ju, se shumë nga femra të dhunuara nga paramilitarët, policët dhe ushtarakët serbe se janë vrarë, ose janë hedhur të gjalla ne lumenj dhe bunarë pas akteve shtazarake të përdhunimit seksual.
Unë jam i bindur se të kishim vepruar ne shqiptarët kështu, neve perëndimi do të na zhdukte të gjithëve.
Pyetja e katërt: Zotëri ambasador a keni empati për më shumë se 1397 fëmijë të vrarë në Kosovë vetëm pse ishin shqiptarë?
Zotëri ambasador a dini se në Kosovë janë vrarë gjatë viteve 1998-1999 mbi 1.400 fëmijë vetëm pse ishin shqiptarë të moshave ndryshme duke filluar na ata që akoma nuk kishin lindur, kur barkun e grave shtatzëna me bajoneta i kanë shpuar egërsisht paramilitarët, policët dhe ushtarët serbë. A e dini se fëmijët shqiptarë me sharrë elektrike janë grirë në fshatin Makoc afër Prishtinës, me dijen dhe urdhrin e partnerit të juaj z.Vuçiq.
Pyetja e pestë: Zotëri Anbasador Hill a ndjeheni keq që silleni kaç brutalisht ndaj Kosovës, kur Ju e dini se nga 24 marsi i vitit 1999 deri me 12 qershor të atij viti nga Kosova janë dëbuar 858.914 shqiptarë me projektin “PATKOI” i hartuar në vitet 1970 për shfarosjen biologjike nga tokat e tyre autoktone 100 mijë vjeçare
- Ambasador, në mesin e viteve ’70 të shekullit XX:”… një grup i komunistëve serbë ka filluar te brengosej për atë se çka do të ndodhë pas vdekjes së Titos. Si të ruhej Jugosllavija dhe komunizmi në te, veçmas si të shpëtojmë nga vërsulja shqiptare. Që atëherë është hapur ideja e projektit “Patkoi” , plan i cili është përbërë nga disa “patkonj” të vegjël, aq sa ka fshatra shqiptare. Sipas planit, rreth secilit fshat është dashur të vendosen njerëz të armatosur në formën e patkoit, me një dalje drejt Shqipërisë, dhe vendorëve t’u jepen disa minuta që me gjera më domosdoshme të lëshojnë shtëpitë. Fshatrat pastaj do digjeshin, ndërsa prona do të plaçkitej ose shkatërrohej. Njerëzve “në dalje” të “patkoit” do t’u merreshin dokumentet dhe paratë e tepërta si dhe do të bëhej triazha (fjala triazh vjen nga fjala frënge ‘triage’ që ka kuptimin e përzgjedhjes së atyre personave të cilit do të përdhunohen apo ekzekutohen). Bazuar në këtë projekt, kur ka filluar bombardimi i NATO-s mbi vendndodhjet ushtarake, do të fillojë djegia e shtëpive të shqiptarëve (mbi 116 mijë shtëpi- H.H.), granatimi i fshatrave, plaçkitjet, përdhunimet seksuale të grave dhe meshkujve të paarmatosur. Shtëpitë e shkatërruara dhe krimet egra do të përcillnin realizimin e planit. Më të vendosurit që do të kthehen apo të mos i lëshojnë shtëpitë do të ekzekutohen për të krijuar frikë (“Shih: Mirosllav Fillipoviq, gazetar i gazetës beogradase “Danas” France-Press dhe analist i Institutit Raportues për Luftën dhe Paqen; Vlajković, V(2004) Vojna tajna 2 deo, Bograd, Helsinski odbor za ljudska prava, 219-220; Hyseni, H.(2020) Kalvari serb mbi shqiptarët 1981-2019, Etiologjia & Anatomia, Libri II)
Projekt “: PATKOI” me të cilin në vitin 1999 dëbuan nga Kosova 858.914 shqiptarë
Pyetja gjashtë: Z. Ambasador , a jeni duke vërejtur se jeni në kundërshtim me vlerat oksidentale- civilizuese?
- Ambasador, unë nuk jam as opinionist, as analist. Merrem me punë modeste studimore, kryesisht në fushën e arsimit. Sipas studimeve të mia tërë strategjia perëndimore, pavarësisht nga qëllimet gjeostrategjike, gjeopolitike dhe angazhimeve gjoja oksidentale, jeni në rrugë të gabuar, sepse jemi duke mbështetur anën anticivilizuese dhe të antivlerave që i reklamoni, meqë jeni duke përkrahur forcat ekspansioniste, forcat kriminale, dekadente dhe antihumane.
Me keqardhje më duhet të konstatoj se jeni duke përdor forcën për të mbështetur forcat orientale mbi bazën e lobimeve, grupeve të interesit, duke shkelur, larguar e lëshuar miqtë e vërtetë.
Ju doni të zgjidhni përshkallëzimin e krijuar artificial të bërë nga frankenshtajn Vuçiq i cili ndezë zjarre dhe i cili në rastin më të mirë pozitiv, mund te jetë tifoz i Putinit. Tërë diplomacia perëndimore, duke përfshirë këtu edhe diplomacinë e çakorduar të ShBA-ve dhe ish- mikun e madh të shqiptarëve z. Joe Biden, mendoni ta luftoni eskalimin e qëllimshëm serb, duke u marrë me pasoja – zjarre të ndezura nga serbet, të cilëve rrymën dhe ujin qe 24 vite ua paguajnë qytetarët e varfër të Kosovës, duke përfshirë këtu edhe serbët poshtë lumit Ibër.
- Ambasador, Ju bashkë me korin antikosovar, përfshirë këtu edhe Edi Ramën, antishqiptarin dhe antikosovarin e madh, nëse dëshironi depërshkallëzim mos u merrni me pasojat, por me shkakun, me politikën pansllaviste dhe panruse dhe bartësit e saj Putinin, Vuçiqin, Dodikun, kriptoshqiptarin Daçiq, Vullinin, djalin e Aleksandrit – “Trimin e madh Danilon”, siç e quan babai i tij, i cili në Graçanicë me rastin e betejës enigmatike të Kosovës të vitit 1389, që ka ndodhur në Albani, e cila nëse ka ndodhur, më së paku ka qene serbe, paralajmëroi luftën e ardhshme me: BLUZËN KU SHKRUANTE : ”DORËZIMI NUK ËSHTË OPSION”.
Zotëri Hill, pasi e shkrova këtë letër, rastisa në një deklaratë për librin tuaj të përkthyer edhe në gjuhën shqipe, ku ju shkruani: Se ja palën shqiptare e keni lutur të nënshkruajnë Marrëveshjen në mënyrë që NATO- të ketë mundësi të Intervenojë (është parafrazim-H.H.). Ju me 24 mars 2023, keni kërkuar falje publike serbëve për këtë intervenim edhe pse e dini fare mirë se tmerret e dekadës së fundit të shekullit XX kanë ndodhur sikurse sot, për krijimin e “Serbia e Madhe (Botës Serbe) e cila është tepër e vogël dhe e ngushtë, dhe ata (serbët-H.H.) gjithnjë do të jenë në kërkim të një shteti më të madh e më të madh, apo bashkësie më të madhe territoriale se sa Serbia e Madhe ( jo vetëm për shkak dispersionit – shpërndarjes territoriale të popullit serb), por edhe për shkak të rolit të Serbisë në Ballkan”
Zotëri Hill, Ju duhet ta dini për ta krijuar këtë Perandori Serbe- Përbindësh- Frankenshtajn, në luftërat që kanë ndodhur kanë ra mbi 138 mijë viktima, boshnjakë, kroatë, shqiptarë, sllovenë dhe mbi 34 mijë serbe. Përgjegjësi numër dy, për të gjitha këto viktima pas kasapit (emërtim i vendosur nga perëndimorët) Sllobodan Millosheviqit, zyrtarisht është partneri kryesor e ShBA-v, BE-ës dhe juaj Aleksandar Vuçiq, Lista Srpska, Bandat serbe , siç janë “Civilna Zashtita” dhe “Brigadat e Veriut”. Ju, me këtë diplomaci, në mënyrë implicite po e ndihmoni Putinin, ndërsa në mënyrë eksplicite Ballkanin Perëndimor po e shndërroni në një TREKËNDSH TË BERMUDEVE, që do ta përfshijë edhe Evropën.
- Asociacioni i Komunave me “Shumicë” Serbe do të jetë FRANKESHTAJNI që do të ndezë Luftën e Tretë Botërore, nëse formohet.
Diplomacia miope perëndimore, duke e përfshirë edhe atë të ShBA-ve , po shpresojnë Frankeshtajnin Vuçiq ta bëjnë engjëll. Gabim i madh. Djallin kot e keni që ta mashtroni, nuk e bëni dot engjëll. Ky është Putin, nuk mund ta ndërroni, kot e lavdëroni dhe e mikloni. Foleja e tij i ka katër hyrje dhe dalje , merr nga katër hyrje dalje: Amerika, BE, Rusia dhe Kina. Punon vetëm për Rusinë dhe Kinën. Sot , pos ngjarjeve tjera polli edhe një mrekulli. Auto ambulancat bartin armatim dhe i vendosin nëpër kisha. KFOR-i është për sigurinë qytetarëve të Kosovës, por me një deklaratë çuditshme duke thënë se Policia e Kosovës është përgjegjëse për këtë, ndërsa në anën tjetër në bashkëpunim me ShBA-at dhe BE-n ia mohon të drejtën për zbatimin e ligjit dhe kushtetutës në tërë territorin e saj.
A ka më turp ta ndëshkon Kosovën , e cila ka arritjet më të mëdha demokratike, juridike, shtetërore këto dy vitet e fundit , e të mbështetni shtete me korrupsionin më të lartë dhe më autoritare , siç janë Shqipëria dhe Serbia.
Zajednica, me ose pa kompetenca me asnjë kusht nuk duhet të formohet. Këtë e tregon edhe fotografia në vazhdim. Kjo simbolikë është kushtrim për të ardhen.
Foto.1. Car Llazari, me gishtin tregues tregon hapin e ardhshëm të Serbisë në pushtimin e Kosovës dhe të Shqipërisë
Ta dini miqë amerikan dhe europian se shqiptarët e Kosovës i keni mbështetur me shpinë e shpirt për muri. Këta nuk kanë ku të shkojnë më tej, duhet të vdesin me dinjitet dhe krenari.
Shqiptarët , z. Hill, më nuk kanë territor për të dhënë në mënyrë që të krijohet Perandoria përbindëshe SERBO – RUSE
Prishtinë, 5 korrik 2023
