Nga: Sinan Kastrati, Suedi
”Zoti iu nxift “ftyrën”, komandantë!”
(Shkrime nga Arkiva ime)
Kisha menduar që mos të shkruaj çoftë edhe asnjë fjalë më as për përvjetorët e ditëve të lavdishme siq ishte 2 Korriku e 7 Shtatori, por mos me fol, barki të plas e shpina të kërsert.
Sot në lajmet “kryesore” të RTK-së, të orës tetë, dëgjova Behgjet Pacollin, ministër, he mozamakeq, që tha: ”I lejohet” vizita Vuçiqit, presidentit të Serbisë ta vizitoj “Ujmanin” apo Gazivodën, nuk ka shumë rëndësi se ai edhe ashtu shqipen e flet si “bylbyl”.
Ajo që mua më bëri përshtypje e u ndjeva keq është se po ky Behgjeti, mbrëmë tha: ”Nuk ka çka lyp Vuçiqi në liqenin e …se aty nuk ka objekte …. fetare”
Dhe hiç më larg se sot, lexova në një portal bukur të besueshëm se çka thot kryepolici serb, Ministri i Brendshëm serb: “Le ta harrojnë se kosovarët mund ta arrestojnë Vuçiqin” Shkrimi është shumë i çartë dhe vazhdon “Ministri i Brendshëm serb, Nebojsha Stefanoviq tha sonte se shërbimet serbe nuk do të rrinë duarkryq gjatë vizitës së Aleksandar Vuçiqit në Kosovë që të mund të garantojnë që atje “të mos paraqitet askush që të kryejë arrestimin e tij”.
Po ku jeni more politikanët tanë që na muarët fytyrën bre Zoti iu nxift “ftyrën” tuaj se ju nuk keni “ftyrë”, keni veç faqe se me pas pasur pak “ftyrë” e “erz” ju ishit “hi të gjall`në dhè”.
Ramushi, në anën tjetër, për ti treguar “muskujt” paska shkua te drejtori i policisë, Zoti e din pse.
Sa për Hashimin, ai i ka më shumë se 12 “ftyra” dhe për çdo muaj i ndërron ato.
Ai i ngrati ishte dje në Bruksel, bash më 7 shtator, me u takua me “artakin” apo “vëllamin” e vetë por Vuçiç nuk deshi dhe ky Hashimi jonë na tha: “më mirë me e lënë për me u takua herave tjera”.
Dje kisha mendua të shkruaj për 7 shtatorin, ditën e Kushtetutës së Kaçanikut dhe sapo e shkruajta një faqe pash se ky përvjetor e kjo festë nuk shkojnë bashkë me këta politikanë, sikur nuk e ka vendin por sikur u “zbeh” ai përvjetor ndër më të rëndësishmit e histories së Kosovës, në dhjetë vjetëshin e fundit të shekullit të kaluar.
Edhe UÇK-ja paska pasur një përvjetor dje?
Albinin e pash me flokë të gjata kur foli edhe për përvjetorin. Mendova: më mire nuk po flas hiç
Por prap sot i rash pishman. Thash: Dua të flas.
Kanë kalur 28 vjet që kur delegatët e Kuvendit të Kosovës, u mblodhën në Kaçanik dhe e shpallën Kosovën Republikë, miratuan Kushtetutën e Republikës së Kosovës, së cilës i priu Deklarata e Pavarësisë, 2 Korrik 1990.
Shpesh e kam lodhur mendjen se si është e mundur që edhe pas 28 vjetëve, nga Kushtetuta e Kaçanikut, Kosova ende nuk “ka” kushtetutë?
Dhe duke e kujtuar vitin 1990, 2 Korrikun dhe 7 Shtatorin në Prishtinë dhe në Kaçanik, për një moment më rrokën mornica e dridhje në trup. Bërtita me të madhe: Nuk kemi shtet, kemi vetëm pushtetarë të korruptuar, “komandantë” të dyshimtë që e “udhëheqin” Kosovën drejt shbërjes së asaj që është arritur viteve të kaluara, deri në “çlirimin” e Kosovës, më 12 Qershor 1999.
Për këtë ditë, datë, muaj e vitin 1999 si ditë largimit të forcave serbe nga pjesa më e madhe e Kosovës, nuk e konteston askush, madje as Jakup Krasniqi. “Krasniqi: NATO’n nuk e solli UÇK’ja, por vuajtjet e qytetarëve”.
Dhe përseri nuk po mundem me e bind vehten se si “600 policë do ta prisnin Vuçiqin në Gazivodë, nëse do të vinte pa leje”? Po ku mbetën ata policë tash? Por, përsëri iu paska zbutur zemra “Ministrit”, mikut të Jelcinit Behgjetit : “Pacolli: Vuçiqit i është lejuar vizita në Ujman pas presionit nga BE”.
Pse more renegatë e rrenca nuk folët vetëm njëherë të vërtetën e me thënë me plot gojën “Serbia bënë çka të don” këtu. Edhe djalli njëherë e ka folur të vërtetën ani pse e ka hangër një shuplakë të madhe dhe thot: Veç kësaj here fola të vërtetën dhe e hangra një flakaresh (sipas një ngjarje biblike kur Faraoni e ndjek Musën).
Po kjo javë që shkoi e mos u kthefte kurrë, për disa arsye ishte e “paharrueshm”. Çika e Ibrahim Rugovës, Teuta iku nga LDK-ja dhe shkoi e ia bëri “kokrrat” apo numrat Ramushit, Kadriut, Hashimit, për Fatmirin.
O Zot, dhe në mbrojtje i dolën Dardan Gashi, Astrit Haraqia dhe Lutfi Haziri.
Heu kuku për Ibrahim Rugovën që e ka Ukën djalë e Teutën. Qikë.
(Marrë nga Bota Sot, 8 shtator 2018 me ttull: ”Zoti iu nxift “ftyrën” komandantë!”, në rubrikën ”Opinione”
https://www.botasot.info/opinione/947081/zoti-iu-nxift-ftyren-komandante/
Më poshtë janë disa nga titujt që do ti publikoj (edhe njëherë) në Drini.us. Shumica janë publikua në Bota Sot, që nga viti 2017.
Për Hashim Hashim Thaçin një nga personalitet më të errëta të Kosovës dhe “komandantëve” analfabetë e veteranëve të rrejshëm .
Një shkrim i publikuar dje, në shumë portale me titull “Publikohet dokumenti: Përveç me armë e fishekë, kabineti i Thaçit del të jenë pajisur edhe me shurdhues”, më shtyri ti këthehem shkrimeve të mia për Hashim Thaçin, pabesive gjatë “luftës” dhe tradhtisë, pas “çlirimit”, bashkë me Jakup Krasniqin, Rexhep Selimin dhe të tjerë, të gjithë “heronj të luftës” dhe për pleqtë e Turjakës e tema tjera:
“Edhe njëherë për Jakup Krasniqin, dëshmitarin e rrejshëm në Hagë e në Gjakovë”, 4 SHKURT 2018
(Duhet përmendur se më 2 Nëntor 1998 janë vrarë Ramiz Hoxha dhe Selman Binishi dhe më 30 Tetor 1998 janë burgosur edhe Jakup Kastrati e Cen Desku …. Jakup Krasniqi në Hagë i quajti kolaboracionist 1*)
“Ramë Buja e Jakup Krasniqi, trimat Utbines, si Muji e Halili”, 7 SHKURT 2018
”Njefsh e mos pafsh apo mos njefsh e mos pafsh!”, 13 PRILL 2018
“Heroj” ose “heronjët”, 22 TETOR 2017
“Me “ftyrë” e faqe të zezë”, 7 PRILL 2018
”Rexhep Selimi, po rren”, 15 JANAR 2018
”Terpia”, 3 NËNTOR 2017
”A kishte organizim ushtarak, “Shtab” të UÇK-së dhe “luftë çlirimtare në Drenofc të Zatriqit e rrethinë?”, 1 MARS 2019
”Pleqtë e fshatit tim”, 7 SHKURT 2019
“Dashuria e pafat e turjakasit dhe tiranses”, 11 MAJ 2018
“Ngutu, po të pres”! , 12 MAJ 2018
“Dashuri që zgjati vetëm dy ditë”, 16 MAJ 2018
”E ke ranue doren fort! ”- Bota Sot, 2 shkurt 2017
”Profesorët e anatemuar” – Bota Sot:, 17 korrik 2018
(Pushimet verore e vjetore, kampionati botëror i futbollit dhe Anton Çetta)
“Shpërthen” Kastrati: Hashim, jep dorëheqje se më askush nuk të beson!”, BOTA SOT, 14 TETOR 2017
(Premtimet poshtëruese të Hashimit)
“Kosova e Marsit 1981 dhe Kosova e Marsit 2018”, 10 MARS 2018
(Dikush duhet të largohet e dikush të turpërohet Me rastin e 11 Marsit, 37 vjetorit të demostratave githëpopullore të vitit 1981)
1*) KOLABORACIONIST m.
- hist. Ai që ka bashkëpunuar me pushtuesit fashistë e nazistë dhe ka tradhtuar Atdheun gjatë Luftës Nacionalçlirimtare.
- Ai që bashkëpunon me pushtuesin dhe tradhton atdheun e vet; tradhtar.
KOLABORACIONIST mb.
- Që ka për qëllim dhe zbaton kolaboracionizmin, që përpiqet për kolaboracionizmin; që mbështetet në kolaboracionizmin. Organizatë (qeveri) kolaboracioniste. Politikë kolaboracioniste.
- Që ka të bëjë me kolaboracionistin, që është karakteristik për kolaboracionistin, prej kolaboracionisti. Element kolaboracionist. Qëndrim kolaboracionist.
Vazhdon
Sinan Kastrati, Suedi
Malmö, 28 prill 2022
sinan.kastrati@hotmail.com
