Nga: Ibrahim Kelmendi, shkrimtar, Gjermani
2 KORIK 1990
* Parlamentarët e KSA të Kosovës, më në fund, më 2 korrik 1990, miratuan Deklaratën e pavarësisë!
Këta parlamentarë ishin dora e fundit e titistëve më fundamentalistë, që kishin vazhduar t’i mbesin besnik Lidhjes Komuniste të Kosovës, edhe pse kolegët e tyre paraprak votuan abrogimin e Kushtetutës së KSA të Kosovës, e miratuar në vitin 1974. Megjithat, shovenizmi serbomadh, në krye me Millosheviqin, ishte bërë aq agresiv, sa edhe këta titistë morën guximin t’i kundërviheshin me kërë Deklaratë.
Në vitin 1991 “rastisi” t’i kemi në vizitë (ne të LPK-së, meqë udhëheqësit e LDK-së në emigracion nuk u kishin ofruar pritje e shërbim) delegacionin e Kuvendit të Kosovës, i përbërë nga Prof. Dr. Skender Skenderi, Muharrem Shabani dhe Bujar Gjurxhala. Kishim ndërmjetësuar që Kryetarja e Budestagut gjerman, Prof. Dr. Rita Süssmuth t’u shtron drekë diplomatike në ambiente të Bundestagut (atëherë me seli në Bonn). Pastaj ua kemi mundësuar një mori takimesh me udhëheqës partiak dhe me institucione në Gjermani dhe në shumë shtete tjera.
Në një ndejë paksa më intime në shtëpi të Familjes se Imer Dukës, në Bonn (ky ishin strehuar, meqë nuk kishim të holla për hotel), Bujar Gjurxhalla, i cili pa me vështirësi e shqiptonte shqipen, meqe si prizrenali gjuhë komunikimi në familje flisnin turqishten, pat rrëfyer se Deklaratën, variantin e fundit e kishte daktilografuyr Vajza e Profesorit Skenderi. I mllefosur foli se kundër Deklaratës kishte qenë Ibrahim Rugova dhe Kryesia e LDK-së…
Mrekulluese, për të mbajt mend ato rrëfime, ishte rrëfimi i Gjurgjalës: “Vajza me ka kërcënuar, po votove kundër vullnetit të popullit shqiptar, kur të kthehesh nga votimi, do më gjesh të varur. Ai kërcënim ka ndikuar shumë, që të ndërgjegjësohem dhe trimërohem.”
Për histori janë me rëndësi edhe detajet, të rrëfyera sinqerisht!
***
Ilustrim: faksimilet e Deklaratës, të publikuar në FLETORE ZYRTARE e Kuvendit të KSA të Kosovës (shqip dhe serbisht), Bujar Gjurgjala duke drejtuar seancës e Kuvendit para Kuvendit, meqë policia serbi i kishte ndaluar me hy në sallën plenare të Kuvendit, Muharrem Shabani duke lexuar Deklaratën.
